http://hk.myblog.yahoo.com/naodai09/article?new=1&mid=43

米芝蓮 – 阿鴻小吃

昨天去了剛剛拿到米芝蓮星級的阿鴻小吃，須然下著小雨，但們外有兩條龍，外賣一條有十多個人，堂吃有五個在排隊。

大堂有大概六張台，但有時空了也沒人管，點菜有一個招待員態度比較不好。外賣的等得更長時間，一個客人平均等四到十五分鐘。可能這都是因為米芝蓮的因素。

說到最重要的食品質數，我點了幾個菜，沒感覺到有特別，或者應該說是沒水準，- 鹵水鵝味道很淡，不是一般鹵水味道，肉质太“林 ”，没口感。
- 鹵水雞蛋沒雞蛋香味，太鹹 。
- 招牌撈麵，麵還有點生，沒有甚麽特別。
- 芥末雞腳根，味道可以，其他地方没吃过。但因為有碎骨，吃要很小心。

可能是因為個人口味，但綜觀其他客人的反應，我還是挺相信我的評價。可能米芝蓮或蔡san的口味真的不是普通人能比。

滷水食品無一般潮州滷水咁咸，不肥膩，所以較易入口，但欠缺一些香料味，口感較為單薄。

●　鵝肉：都幾林，算OK，但沒有鵝的香味，似鴨多D。
●　大腸：好花心思，做法像炸大腸一樣，是多層大腸放入中間，但可惜煮得不夠林，而且肥油全部失踪了，雖然健康，但........　還是較喜歡傳統的肥美大腸。
●　海哲：就是好一般的海哲，很淡，令我四處找調味品，才發現枱面的XO醬跟它非常夾。
●　芥末雞腳筋：聽說是很難做的，都OK啦，幾特別，配芥末又幾新潮，不過試過就算了。
●　阿鴻鴨舌：個辣汁幾好味，至於鴨舌，我比較喜歡平時咁只吃前半節的鴨舌，汁料清淡D會突出鴨舌的滋味，青瓜反而新鮮清甜。
●　油菜：都係用滷水煮的，而且超級林，無牙亞婆都食到。
●　例湯：例湯咁啦，沒有味精。
●　蔡欄撈麵：遺反了蔡生的暴食原則，沒豬油香，麵爽但不香，幾清淡，又要自加XO醬，但配上的金華火腿湯又幾正喎！

P.S.: 個亞姐原本覺得她幾好禮貌，但當剛好吃完時，她走過來笑住口同我們講：「好喇，食完就埋單喇！」才頓覺她的禮貌是假的！而亦發現她所載的手錶是「撈」，可能其實是老闆娘呢！
　　

我覺得幾好，味道不是太咸，但好夠味，好合我們廣東人口味。

我買了鵝片，鴨舌，芥味雞腳跟。全部我吃過後覺得味道比我以前吃過的鹵水鵝好吃，鵝片和鴨舌味道淡而有味，芥味雞腳跟也很特別，很爽。

注意在落單的時候想清楚才落，我估老板娘有點man(炆)。

大多人影過相，所以無相。

共二百四十元
結果: 好味。

唔駛講, 嚟呢度原因都係米之蓮

等位??? 應該都一定要, 因為店子只得7張枱

例湯 (紅蘿蔔湯) - 不錯, 講真的有些像羅宋湯吖

粗齌 - 個人覺得甜了些, 好吃的...仲有心形紅蘿蔔

招牌撈麵 - 麵還帶有些鹼水味, 沒有這味會更加好

鵝片併大腸併腩肉 - 鵝片ok, 大腸鹹了些, 腩肉肥瘦剛好

炸墨魚餅 - 最失望就是這個, 本人期望佢會係好似其他潮州菜館的墨魚餅, 蝦棗一樣, 但來到的就好像日式吉列墨魚

最後想讚的就是雖然很多客人, 阿姐非常忙碌, 但她們的態度好好, 上菜速度亦不慢. 唯一要注意係地面有點油就會很滑, 看到一個女食客穿平底鞋成個人滑倒地上, 小心..小心

上年年尾聽到呢間小店非常出名。
於是乎好想去試下，
二十幾號既時候去過一次，不過佢地休息緊，
所以等到三十號先去試，當日去到門口已經超級多人，
連等買外賣都有成十個人。


叫左：
芥末豬腳筋----- 辣到食唔到(P.S本人已好食得辣，但呢個好似就咁食芥末咁)....
而且$40完全唔值！
再望望牆上面既相，嘩，都唔洗差咁遠呀嘛？
鵝片----- 尚可，不過外面是但一間都好食過佢！
放係底個d豆腐，根本同豆腐花無分別。=.="""十個失望！
牛展----- 重慘過用滾水盪.....連丁點甜味都冇過份！
招牌撈麵----- 呢個都可以話成餐最正常，但個碗湯係無味既。
炸墨魚餅----- 裡面係切曬粒既。幾得意。。。未試過咁既。

到走既時候，我同老闆娘講，你地d豬腳筋辣到食唔到。。。
其實最後我地用左個碗冇味既湯黎溝淡佢......
原來成名就係要無味！
唉。失望.........

今日約左朋友回家食飯, 朋友話要去阿鴻斬料加送, 去到門口已經排左十幾人等外賣, 我們都排左半個鐘呀, order左鴨下巴(3份), 阿鴻鴨舌(3份), 鵝腎(2個)同豬大腸(1條), 嘩!! 二百幾蚊呀!! 都幾貴呀!! 大家試過之後, 鴨下巴同阿鴻鴨舌係招牌菜, 得個辣字,味道一般, 豬大腸唔得,可以不用試, 鵝腎好爽,我個人覺得都ok, 鹵水汁幾正, 撈飯一流, 不過, 價錢就真係貴左d, 服務態度都ok, 不過有d失望, 比期望中差,但一試無妨.

7點幾去到~同男朋友去食~本來以為31/12 會好多人喇!~
好彩又唔係等好耐咋wo~ about 20mins度~

第一次去, 原來堂食等位, 係要o係出面張台既簿仔自己寫名and人數~
等個姐姐叫~

食物::
-- 招牌鴨舌(幾特別,,下次會試唔辣果d) -- $28
-- 芥末腳跟(凍食,,得幾舊,,唔多值四十)--$40
-- 鵝肉飯(肉質鬆化,,好好食!!)--$38
-- 白飯一碗 (貴左小小)-- $10

服務::
2位侍應
可能真係出左名....又多左好多客...
服務麻麻



值得1提既係>>> 佢安排2個人坐4人台,所以比較舒服!!

今日去開北角咪就試下"壹碗麵"同"阿鴻小吃"lor......我地食左"壹碗麵"之后就去左"阿鴻小吃", 唔駛排隊, 坐低之后有女侍應個女就同落單個侍應講要我地食乜就一次過講晒, 因為佢地收3:00pm wor........我地入去時間大約2:35pm.............我覺得個女侍應態度有問題lor, 好似趕客kam.....不過見佢同其他食客的態度都比較串........可能出左名gur......

講返食物, 由於之前食左野, 所以兩個人叫左"海哲拼芥味雞腳筋", "蔡瀾撈麵"同"滷水鴨腎"....
"海哲拼芥味雞腳筋" - 腳筋的味道幾特別幾爽, 芥味都幾適合, 不過好細碟...
"蔡瀾撈麵" - 算大碟, 味道不錯
"滷水鴨腎" - 幾好味, 幾大隻, $20 一隻好似貴左D

個老闆見到我地走都會說聲"多謝", 有禮~ 不過其他伙計就木口木面........., 有個女仔問佢地明天會否開工, 個伙計就話"你自已睇門口張紙個時間啦".......... 是否因為出左名就可以咁串呢??????老闆應好好教育一下D伙計, 否則冇人想再幫襯...

海哲拼雞腳筋（芥末味）—海哲無乜味，後來叫侍應加了碟醋味道還好點, 芥末雞腳筋，芥未辛辣，雞腳筋爽口彈牙($40)


招牌撈麵,只有銀芽,幾條蔥和上面一些芝麻,沒有其他的配料, 撈麵炒得條條分明而不油,蛋麵質爽口, 銀芽亦是提升了整體的口感, 而XO醬與炒麵互相的配合, 讓人越食越起勁,送清湯,只有幾顆蔥花,沒什麼味道!($40)


鵝肉拼大腸撈麵,大腸好吃到忘了研究，几香几淋 , 特別在係腸套腸, 變成千層!鵝肉則是很一般,沒有鵝味,我不會再試,撈麵的麵質和招牌撈麵一樣爽口,但是味道真的不夠,不及招牌撈麵! 但後來我們發現只要加上阿鴻自家製XO醬,味道則和招牌撈麵所差無幾,幾乎一樣!!! 真的要佩服自己的聰明啊!!!($48)


例牌蒜香雞:上枱時, 呆一呆, 估唔到咁細碟, 但真的是蒜香撲鼻, 口感真的很好，雞肉好滑,味道亦不錯! 唯獨是份量也太少了,相對而言價錢太貴!($85)


至於阿鴻鴨舌則有些失望,味道好淡, 無乜味又唔辣, 無乜特別！應該不會再試 ($25/6條)

對上一次寫阿鴻的食評已是06年的事了. 從05年起, 我們一家人把阿鴻小吃作為飯堂, 對鴻哥盡心盡力的出品, 算是心中有數. 雖說客似雲來, 而且店子不大, 人手從來不多, 但情況還未致於失控. 唯一是鴻哥捱得辛苦, 有些精彩出品已從餐牌上消失了.

也是合該有事, 甚麼米芝蓮一星品題, 小店霎時聲價百倍! 四方八面蜂湧而至的人潮把小店附近的路面躋得水洩不通, 連下午三四時的非繁忙時間, 店外都排了一條長長的外賣人龍. 晚上近九時快收舖了, 店外隨時有數十人還在等位! 要進內用餐? 真是想也不用想. 如此這般, 我和家人的飯堂被搶走了!

已經十幾日無啖好食了, 何時可以還我飯堂???!!!

八月中旬‧炎熱

原來這裡的第一個食評是我在5年前寫下的，原來這裡張舖面相還是用我以前的舊手機拍了放上來這裡。五千的第一篇食評，就寫這裡吧。

來的時候這裡還未拿星，已經爆場，可以想像今時今日的情況。幾年前識鴻哥，次次見佢都呻辛苦，找到接班人就退休。但做下做下，食物保持水準，越來越多人幫襯，最後還拿了米芝蓮的一粒星。雖然明顯地，如對米芝蓮有點認識，你會知道這粒星只是「港澳版」，絕不能與歐洲的米芝蓮推介，甚至東京大阪京都的相提並論，無論服務、環境及衛生，都完全是兩個世界的事。但拿了星，就是拿了星，也是得到認同，可喜可賀。

來的時候是下午三時，人還很多，也要眼明手快的才拿下桌子，還好一個人，搭檯坐在那裡也可以。先來一碟芥末雞腳筋，芥未辛辣，雞腳筋爽口彈牙，不要以為這一味菜很易做，要味道及口感做得到這個的水準的，就只有這裡，所以佢賣40蚊一碟，在別處難找到味道，也要乖乖付上銀兩。

除了小吃，最喜歡就是這裡的撈麵。每條麵條也上夠色，爽身彈牙，韭黃及牙菜適當的增強口感，下了自家製的xo醬，味道更好，非常不錯。我說的是「招牌撈麵」，個人覺得，比「蔡瀾撈麵」好吃一點，不過如果吃後者，也沒異議，亦不錯。有說以為豬油撈麵會很香，相當是看了蔡食家又或是其他「扮蔡食家」的形容。今時今日的豬油，已非以前的一樣，香味差很遠很遠，不要存有太多的幻想，有油香已算不錯。而於我而言，不迷信豬油，下些靚麻油，一樣好吃。

步出店子，放下80大元，鴻哥亦大大聲說「多謝」。暫時忘記了這裡的一粒米芝蓮星，這裡仍是一間不錯的小吃店。

我還未寫到其鹵水食物呢。

咪就係因為米芝蓮囉，見佢鋪頭細細，到一粒星咪試下囉！離遠見到已經超多人排隊，無論係堂食或者係外賣，結果都係買外賣，足足等不個鐘，就係因為等一個鐘，但食落又無乜特別，所以真係幾失望！

一斤鹵水鵝—比下'裝' 近Patpat，所以又肥又羶又無乜肉食！真係唔係咁好食呢！

海哲拼雞腳骨（麻香味）—海哲無乜味，雞腳骨無乜特別！

蔡瀾撈麵—唸住用豬油去撈，會好香，點知無乜味之餘，亦不覺有豬油香。用乾蒜同撈埋，無乜特別亦唔係十分好味！

豬利飯—豬利都係咁啦！唔係好夠味！

醉鴨舌—酒比較濃香, 不過都幾好味既！

粗齋—同屋企新年煮南乳齋一樣, 我都係鍾意我家自制既南乳齋，再加上佢係一盤整好哂，所以唔會太熱。

我和男朋友應"米芝蓮--1星"之名而來~~
都預左多人等ga la~

去到時19:30左右
果然~~店子小小的門外，逼滿了來自附近的街坊，和大老遠來的食客。
等位途中，老板娘很有禮貌地不斷跟新來的客人說︰「唔好意思，鹵味賣哂啦，不如你地第日再來過啦！驚你地入到去冇野食啊...」、「外賣冇鹵水鵝呀，賣哂啦，得雞ja...」

有些客人選擇擇日再來，有些則繼續等(好似我地咁)....
在窗外，見到老板鴻哥眉頭緊，不斷用右手撐著腰和掩著胃，很辛苦的樣子。
有一下，鴻哥更加辛苦到蹲下來。原來鴻哥晏晝飯都未得閒食...
之後他走了出來，快快手食個麵飽，又繼續工作。
來的人潮，仍然揮之不去...

等左20分鐘左右入到去，極速點菜
想點: 芥末雞腳跟 (賣哂)
無骨鴨舌 (賣哂)
最後點左: 蔡瀾撈麵(冇餸)
鵝肉拼大腸飯
鹵水牛展拼海(捷)

上菜速度OK,但由於肚仔餓...忘記影相已食哂落肚
蔡瀾撈麵唔係太特別,隔離桌叫左"招牌撈麵" 睇落係佢地有芝麻，我地冇...睇唔出有咩分別
其他都不錯

埋單時，鴻哥又好客氣咁話︰「唔好意思，好多野都賣哂...多謝哂」

溫馨提示: 部份食物供應有限，最好晚上6:30前到達。
同埋等位唔好崔、崔、崔...佢地已經好辛苦GA LA..

p.s. 睇過之前有d食評話服務態度差，我地又唔覺~
不過講起又講，落單果時，本來有果職員同我地落緊單。
但我地隔離有人搭台，搭台果個又唔分先後，一輪咀問個職員e樣果樣...
遲來先上岸，果職員仲變左幫佢地落單，我同男友"O"哂嘴...
好彩突然有果醒目D的姐姐走過來幫忙，如果唔係真係未食野都一肚氣。
結論︰某些職員的敏銳度真的有待改進。

今次食唔到想吃的，有機會再試

愈來愈像老頭子睡不著的我，星期日早晨依舊起了個早。在家東摸西摸一個多小時後，想起北角有一間米芝蓮一星級的小吃，就決定踩單車來看看。

騎到阿鴻小吃門口約莫是十一點半，已經大排長龍，好奇心使然決定立刻飛車回家，盥洗完畢再出門來試一試。

再抵達時已經是下午兩點，門口外賣的人大排長龍。因為看到openrice上很多人批評阿鴻出名後服務態度不佳，提心吊膽的問了門口登記外賣的靚姐「堂食該如何攞飛」，阿姐倒是很有禮貌的請我自己簽名留下人數即可。

呼，嚇死我了！本來想說外賣大排長龍、靚姐會很不耐煩的，不知道是不是因為我長的很討喜所以靚姐很親切。在門口看看各週刊與雜誌的介紹打發時間，等了兩個字後就有位置坐。

大力女王依然不改本性，來到沒有吃過的店，必將餐牌當作小說一樣細細閱讀，我則是好奇的東張西望，當記者時分析週遭環境的習慣依然存在。

一入門的右手邊，便是阿鴻師父的工作區，左手邊是收銀區，收銀區旁的小桌子上擺著一盤仍在處理中的芥茉雞腳筋，我坐在店裡唯一的「大」圓桌，與看起來應該是一家人的一男兩女同一張檯。

說是「大」，我想也只能容納八個人吧！其餘的桌子則都是方桌，最小的是兩個人，其餘多數是四個人一張。必須小心的是地板真的很滑，雖然有舖塑膠的紅地毯，但是沒有鋪的部分真的很滑，請小朋友與長者要小心。

大力女王終於看完「小說」，於是請本來在登記外賣的靚姐來幫我們點餐。本來要點鵝片的，但是靚姐很親切的告知今天的鵝片不夠靚，因此就改成鵝肉。

又一驚訝！服務還不錯呀！

首先送上來的是「保證無味精明火例湯」。應該是樹薯燉豬展吧，味道清清淡淡的，1碗12元OK。

樹薯我不喜歡吃，豬展有點碎碎爛爛的，賣像不是很好。真是抱歉了！香港人喝湯不太吃料，但是台灣人喝湯是必定吃料的。

隨後送上了很特別的「芥末雞腳筋」。這碟40元份量雖少，但是相當值回票價！相信這個芥末用了很多不同的香料下去調配，雞腳筋很有咬勁、醃的相當入味，保證是送飯良伴！

隨後送上了「招牌撈麵」。口感很好、顏色很漂亮、香味四溢，但是吃起來就是少了一個味道，所以大力女王與我加了不少用公雞碗裝的調味醬來增加味道。口感是真的很好，但是味道真的不夠，應該不會再吃第二次吧！

最後送上的是「鵝肉拼大腸」。果真是新派潮式滷水店，與我曾經吃過的潮州鵝肉拼大腸完全不同！

「大腸」很特別，是沒有吃過的味道，現在回想不起來大腸內是灌進哪些材料才這麼好吃，因為好吃到只顧著吃忘了研究，哈哈哈。

「鵝肉」很滑嫩，肉質很好沒有筋，但是沒有鵝味！！！我感覺不出來我是在吃鵝肉，雖然大力女王覺得比一般的潮州滷水鵝好吃，但是我不能接受這樣的滷鵝肉。

下面鋪的「豆腐」則是很滑很嫩很入味，口感很好，要不是吃太飽，我們會再加一份豆腐。

會再來試試其他菜色！因為阿鴻師父坐在我們這張檯吃治療雙手發炎的藥，閒談幾句後又立刻回到料理區繼續工作，讓我看到料理人的用心與敬業。

上星期連續几日報紙都報導緊關於2010年車呔人既食肆…
最受人注目既當然係添好運同阿鴻, 所謂既"地踎"竟然上左車呔人
添好運雖然我未食過, 不過爸媽佢地都食過几次了
一於上OR 搵搵料, 睇下阿鴻係乜東東, 見到d 相…鵝片飯同撈麵好吸引啊…

尋日一起身, 老爸就提議話要去阿鴻試一試係咪真係值一星…
去到大概晏晝兩點, 離遠見到好多人企晒0係門口…
點知竟然只係等兩張檯, 0個堆人係排隊買外賣
諗住兩張檯好快, 點知去完十蚊店返黎都未有, 其實佢入面有檯只係無人得閒叫人入去

終於入到去, 諗住叫海哲拼芥末雞腳筋, 無海哲… 唯有淨食雞腳筋
千層豬大腸, 招牌撈麵, 阿鴻鴨舌, 鹵水豆腐, 鹵水蛋 (無鹵水蛋 )
再要多條鵝頭頸打包益grandma!

芥末雞腳筋碟頭超細, 只有一個碗仔, 我諗大概十舊左右 ($40)
阿鴻鴨舌好淡, 無乜味又唔辣, 不過好爽係真既 ($25/6條)
千層豬大腸中規中矩, 几香几淋 , 特別在係腸套腸, 變成千層囉 ($40)
招牌撈麵, 麵質的確爽味道亦不錯…唯獨是個湯實在係唔掂…一d 味都無
雖然都無咩人會成碗拎黎飲, 但實在無理由一d 味都無 ($40)
鹵水豆腐好滑夠豆味 ($20)
鵝頭頸分量多, 一條就裝滿晒一個飯盒 ($30)
見到隔離碟鵝肉好靚, 不過無叫啦…唯有返去等阿嫲食淨, 試下條頸…

食到尾, 老闆都夠鐘要食藥, 一日之間多左咁多人黎幫趁, 實在登老闆&老闆娘辛苦
比錢0個陣仲見到牆上貼住張紙, 寫晒訪問既時間…
唔夠時間整野, 唔夠貨賣, 仲要再分多一份時間去接受訪問…實在有d 殘忍
行到出門口, 堂食都唔再接受登記了, 有心的話四點後再來吧

好老實, 我亦覺得呢個時候去都試唔出佢既真功夫...
眼見之前好多人都話佢d 野咸, 但係今次好明顯係唔夠味, 唔夠時間煲同浸?
大家需知道阿鴻賣既野都係賣功夫賣時間, 突然間咁多客人, 佢地都根本做唔切
就以鹵水蛋為例, 佢就係浸唔切, 所以無得賣
海哲又無, 連食雞既薑蓉都無…我話碟鴨舌無味, 我都覺得只係時間問題
浸三個字同浸一個鐘差別已經可以好大了...