影片
開飯介紹
最近珊瑚堡更榮獲2008飲食天王「牛扒天王」一獎。珊瑚堡推介美國安格斯牛小扒，肉汁豐富嫩滑; 紐西蘭肉眼牛扒，肉質鮮嫩香口。如此滋味的牛扒，你試左未?!
繼續閱讀
營業時間
星期一至日
08:00 - 23:30
以上資料只供參考, 請與餐廳確認詳情
招牌菜
每一次來到黃埔搵食,如突然想吃西餐之類,總會來到"珊瑚堡",因"珊瑚堡"的set lunch價錢合理,而且坐得舒服.今天是25/12,這聖誕西方節日,特別想吃西餐,所以今天和母親大人來到黃埔,我們也一致地認為,去珊瑚堡吧!來到珊瑚堡,都是找找set lunch來看. 珊瑚堡真的不錯,這些特別日子沒有在set lunch的價格提高,和平時的set lunch價錢一樣,就是這樣,所以我和母親大人比較喜歡來到這兒.今天,我和母親大人各也order一款set lunch,主菜還未到時,職員很快地送了熱騰騰的湯. 今天,我便選擇了忌廉湯,雖然是set的忌廉湯,但湯和包總算熱騰騰地送上,而且也是creamy,不錯的餐湯.先講今天我order的set lunch - 黑椒牛扒意粉每次選擇吃黑椒牛扒,我也很怕遇到一些味道很"韌"的牛,如真的遇到了,等如整碟牛扒沒有動過,好彩牛不"韌",有牛味,而且有口感,只可惜黑椒汁很少,不能把意粉充分地添上黑椒汁,但40多元來說,真的不錯.肉醬意粉母親大人便選擇了肉醬意粉,我也為了試一試味道,所以也吃了幾口,但可惜這一碟肉醬意粉和黑椒牛扒相比之下,肉醬意粉便比較遜色了. 原因有兩個,1) 肉醬意粉不是熱騰騰的,還未暖的感覺, 2) 肉醬裏的肉碎很像有一點"騷"味還未辟走.雖然這一碟肉醬意粉有一點美中不足的感覺,但勝在坐得舒舒服服,可以在聖誕節的lunch time靜靜地可以和母親大人親親密密地傾傾心事,也是過了一個浪漫的聖誕節.
繼續閱讀
外觀看上去不錯的餐廳睇過餐牌三十幾蚊唔係貴入到去坐低叫野食個 waitress 比個餐牌比唔齊：冇左門口貼住果張「唔該仲有冇門口果幾張餐牌?」於是，有一張餐牌送左黎，但係餐牌都係黎唔齊「唔該仲有冇門口果幾張餐牌?」x2「有學生餐起上面的。」終於，個店員好唔情願的去左個櫃檯，攞左張收得好埋的餐牌出黎比我（同門口果張一模一樣）搞左一大輪，終於齊餐牌叫餐，叫左餐湯同埋個雜扒個餐湯，羅宋湯……我都係第一次飲到同飲水一樣味的羅宋湯！連入面舊薯仔都好似冇煮過入口唔溶，仲要我咬口感似馬蹄但有好少薯仔味一句：個湯唔掂！之後再黎，係個主菜雜扒 + 薯菜粟米：OK豆角：生的，仲有鮮草味同埋草汁香腸：相信係全碟得分最高的食物火腿扒：OK豬扒：熟，但硬， 一D肥肉都冇，咬到牙都痛牛扒：大約九成熟，但同豬扒一樣，硬，一D都唔易切，技巧少D都要切到出聲（乒乒乓乓的敲擊聲）雞扒：三塊扒入面比較好食的一塊，有蜜糖味，唔硬，唔難切，有雞味 但係塊皮係焦的連個主菜都唔合格真係唔掂由上餐牌到埋單的過程去到埋單除左餐廳環境優雅之外（環境仲同餐廳服務質素不符）冇野可以比我讚 = =食得好唔開心唔會再黎
繼續閱讀
黃埔美食坊都算有好幾間食肆，以往都喜歡幫襯詠藝園，今日想食珊瑚堡，原來有黃埔新天地會員卡會有八折優惠,好抵！一於食下~入到去環境幾光猛幾舒服~STAFF比左個靠牆梳化位我地坐...晚餐都幾多選擇,唔啱食重可以揀主餐牌入面嘅食物,一樣有餐包同餐湯,我哋分別叫咗雙腸肉醬焗意粉,龍蝦汁海鮮焗飯,醬油鰻魚雞粒石窩飯(餐跟沙律)~餐飲原本想叫了熱朱古力,但侍應話要加三蚊,如果叫華田或好立克就唔使,好奇怪~!所以決定叫返華田同好立克,餐包好特別,唔係一般餐包而係似麥包,幾好味~餐湯都唔錯沙律係凱刹沙律沙律醬有少少稀麵包粒都淋淋地 但生菜都新鮮可接受我食嘅係意粉汁都幾多而且意粉夠淋雙腸切扁上好好味好滿意朋友話佢個焗飯啲汁都好味海鮮份量都足同樣令人滿意反而最貴嘅石窩飯質素一般欠缺汁所以個飯食落無咩味鰻魚同雞粒份量都唔多整體麻麻埋單有８折都只係加埋一都係180左右~除返開每人60蚊食到呢樣QUALITY加ENV.都算幾抵~可以再來~!
繼續閱讀
約左朋友睇戲，趁住未開場去食個飯先。其實想試呢間好耐，因為見到佢門口個menu同餐廳環境都唔錯，今晚終於有機會食啦！ 聽講呢度出名食牛扒，咁要試下啦。所以我地兩人都點左牛扒餐……** 什菜羅宋湯：味道夠濃，仲有少少辣，都幾開胃** 餐包：熱辣辣，外脆內軟，加埋牛油一齊吃，好香口呀！** 安格斯西冷牛扒：份量都幾大，煎得岩岩好熟，一d都唔韌，肉質相當不錯，口入面充滿住牛肉既香味！ 至於個環境呢，以海洋做主題，裝修得幾別緻呀，好鍾意個石卵牆，一粒粒咁整上去，有新意！如果唔係趕住睇戲，係呢度傾下計，的確係唔錯既choice！ PS: 小弟一向冇寫食評的習慣，因為怕寫開收唔到手成日寫今次特別破案開始寫食評係因為lee間餐廳的侍應的一句話:「先生今晚d牛排有冇問題呀? 如果難食請話我地知等我地可以改善，如果好食請幫忙上去OpenRice推介一下，我地公司好可憐，出少少問題就比人在OpenRice鬧到死，好食就冇人讚下...」講真我都覺好多時d人係多鬧少讚，希望我lee個食評多少可以鼓勵一下那位"美女"侍應吧
繼續閱讀
在黃埔行街後，與朋友想找地方食飯，找了很久也沒心水，最後選擇了這間珊瑚堡。入內座位算是舒適，我要了一份朳餐。食物方面沒太大驚喜，大概是在一般的水準，以價錢計是可以接受的。這店的好處是在晚市時間仍有座位，在附近找餐廳人士可以一試。
繼續閱讀