影片
星期日全家十多人到譽滿廚開餐。之前打電話先寫菜單, 每人$200。菜單有頭盤四小碟 (海蜇頭, 窩荀-非常好食, 皮蛋等), 牛肉粒 (老公話啲汁好好味), 炸子雞, 煙鴨胸焗薯 (應該放咗芝士), 大魚一條(老公話大約有5至6斤重, 老板話係海魚), 湯 (但太多M.S.G. - No good), 炒帶子同上湯浸菜。以上每碟餸都好大碟, 好似酒席咁大碟, 基本上我們全家到最後就連條魚同菜都冇點食, 因為實在太飽!環境-ok, 我們被安排在2樓, 樓上最多只放2枱大枱消費-除咗條魚貴咗d 之外 (好似要千幾元)食物-除咗個湯唔得之外, 其他ok服務-好好
繼續閱讀
以上資料只供參考, 請與餐廳確認詳情
前日一行五人去中環卑利街間好出名嘅外國餐廳八下, 睇下有無d明星呀, 明人呀响度食飯, 經過荷李活道見到老字號庶汁, 梗係要一人整返杯先啦, wow ~ 依舊甘甜清香…正.到左餐廳門口望入去見無咩人, 諗住上SOHO搵食, 轉身之際見到間落地玻璃嘅中菜館, 印象中都有一段時間無營業, 跟住比佢入面d水晶燈同鏡吸引左响門口裝下, 見幾個懶鬼FRIEND又話無咩主意, 食咩都無所謂啦... (心諗, 食垃圾好唔好?). 之後就入去坐低睇下有咩食. 見到得兩枱客禁大把, 心諗…大鑊, 好食極都有限啦, (一般好食嘅食肆, 八點零都重會有好多人). 不過唔緊要, 有賴就賴自己幾個懶鬼FRIEND.坐低左之後有個黑衣人行埋SERVE我地, 倒下茶, 問下我地有咩想食, 睇下餐牌禁(我食野一貫作風都唔LIKE睇餐牌, 所以二話不說就叫佢整d好食又有特色嘅小菜出黎試下. 佢介紹左幾個餸之後約十分鐘左右, 第一碟上枱 嘅 原來係頭盤, 名堂叫冰鎮四小碟, 有鮑魚, 海蜇頭, 窩荀(上海菜), 麻辣牛根. 外觀都ok, 試下先…嘩~ 有無攪錯, 同枱 五個人無人出過一粒聲, 直到食晒呢碟為止. 好味+ 感動. 跟住再上白酒煮中蝦配天使麵, 烤焗羊架, 炸子雞, 煙鴨胸焗薯, 炒飯, 糖水…基本每個餸 都好好食, 好驚喜. 傾傾下發現黑衣人原來係鋪頭嘅 老闆, 亦係上手嘅 大廚, 平時主要做個午市, 幾乎每日LUNCH 都爆, 不過有訂位服務. 埋單走人時佢叫我如果响 中環呢頭就上去試下佢地嘅 SET LUNCH, 六十五蚊有餸 有湯有飯有甜品, 無加一. 我跟住同佢講我每日成四點先起身, 有機會先啦. 不過好肯定晚飯會再去食, 重要推介比d朋友. 因為d野食真係精神.
繼續閱讀
時間： ８月２９日食晏人數： ２人消費： １４０元簡介： 中國菜，叫咗兩個set一齊share，整體唔錯。[ 味道] 幾樣嘢d味道都很好：湯、XO 醬豬頸肉、紫羅牛肉、糖水。[ 環境] 環境OK啦，有少少窄。[ 服務] 服務很好，不停斟茶。[ 衛生] 地方好乾淨，通常日本嘢都唔會衰得去邊。[ 抵食] 呢度OK抵食啦，五十五蚊（連加一）一個set lunch。
繼續閱讀
一行五人黎利度，叫左五個，每個都係一人size的。 選擇有大該１０－１２鍾。其實d 無乜特別，都係中環小菜加飯。特別喜歡佢個格局，同埋門面。另外必題的，是佢個湯。今日我地試果個真係原全無味精，好鮮，而且又完全一滴油都無。大家黎食，記住叫湯。
繼續閱讀
昨日要到到中環,便約了好友午餐,好友誤會了我0既意思,結果令我行到這裹,反正來了又見唔太多人,環境又不太差,便入去試試!約60元一個套餐,有小菜,燉湯,白飯及甜品,選了糖醋骨及京蔥駝鳥肉,糖醋骨0既賣相唔錯,味道可以啦,駝鳥肉唔夠熱,但又老了點WOR?燉湯(青紅蘿蔔粟米肉粒湯),有落味精的湯及似糖水的湯,類似木瓜雪耳0既糖水,不好所以無吃!環境OK啦,唔太嘈,雖然唔係好大地方,但兩至四個人是可以的,起碼可以慢慢食,唔洗食完即刻走!
繼續閱讀