影片
營業時間
今日營業
06:00 - 00:00
星期一至日
06:00 - 00:00
以上資料只供參考, 請與餐廳確認詳情
而家疫情未過，好多時都買外賣回家吃。昨晚家人在這店鋪買了20隻鍋貼同一個蔥油餅，佢竟然比咗5個發泡膠盒！而家周圍都話減塑，為地球出一分力，不用膠盒膠餐具，但呢間店舖竟然仲用緊最唔環保的發泡膠盒！所有餐具當然都係膠 😔 結果愈食愈內疚，已經叫家人盡量堂食或選不用膠的店舖。食物以這價錢來說係不過不失，唯一係鍋貼塊皮真的太厚，同有少少臭豬肉味，但加左醋味道都ok。希望這店舖日後轉紙盒（其實好多鍋貼餃子舖都用紙盒），比D企業良心！
繼續閱讀
疫情下禁堂食，就買左外賣返屋企試下👍鍋貼（$17/5個）返到屋企都仲熱熱地，個皮好脆咬落去有噴汁幾好味。😋👍生煎包就$10/個比較貴，但味道方面都唔錯不過冇鍋貼咁多汁。😋👎個炸排骨+擔擔麵（$42）就唔好食😅個排骨太多骨同好薄身，好厚粉得好少肉而且肉質比較乾。擔擔麵冇花生味湯底比較淡味，可能因為外賣關係麵質好淋唔好食☹️👍👍👍👍豆漿（$12/杯）最有驚喜係豆漿，好好味，比起一般支裝豆漿好味，好有豆香味唯一缺點係唔夠凍😋
繼續閱讀
行過入去解決一餐，叫了個上海麵，粗麵要$+$2。上台時熱，但個湯底無乜味道，要加少少豆瓣醬先得。餃子味道正常，但一食就散開哂。排骨方面是超級多油，而且個粉好厚，食了2件已經無食，真心覺得他們浪費了食材。上面麵無什麼味，食了2/3已經無食。呢個除咗平之外，無咩特別。
繼續閱讀
今日難得和朋友吃午餐，她說這間的鍋貼不錯就過來吃，來到午餐時間都不少人，幸好仲有二人位可以坐下，最後我就叫了一個担担麵，麵質可以選擇要了中麵，再加二隻鍋貼七元，一共三十元都十分抵食，首先鍋貼先來，熱度帶點微溫，入面都有湯而味道幾濃肉味，皮不過不太脆但都可接受。中麵的口感都幾好，不會太粗，担担的肉味不錯但太肥，不辣但幾香口，份量都夠女仔食夠飽，下次可能會叫排骨，因都見到不少人食而且價錢三十多元又大份。
繼續閱讀
今日中午食lunch經過呢間鍋貼大王，我見網上都係介紹食佢既鍋貼，但我驚唔夠飽，而我又想食飯，所以揀咗呢個炸雞翼菜飯外賣拎走，因為鐘意食辣既關係，我仲落左辣椒油！😋😋😋佢既炸雞翼係分開上，非常細心，咁就唔怕俾d熱菜飯焗林啦！雞翼食落口夠香口，又夠脆，好味！而佢既菜飯都好食，菜既份量都好多，而且唔太油，好開胃。👍🏽👍🏽值得加分既係員工既服務態度好好，因為我要辣椒油既關係，阿姐無話我煩，仲好好將包好既外賣盒打番開，再幫我落辣椒油，然後再幫我包番好，仲會講笑咁講，你四川人來嫁，咁食得辣既！唯一係外賣等得比較耐，所以阿姐佢都會叫我拎左佢地店鋪電話，早十幾分鐘打來叫左先，下次黎到就差唔多有，唔洗等！
繼續閱讀
您可能會有興趣的...