蓬萊素食館 (已結業)

是日下班後, 同太太去行一行工展會, 由糖街出發, 直至興發街出口. 沒有任何收獲的我們就直指指定要食的素食館子, 輕鬆的食個晚飯.天后呢一區, 若是維園有野搞, 就必定旺哂這一頭, 是日工展會, 我們後知後覺的才知道, 憑工展會的入場劵去天后搵食係會有Discount的, 結賬後再出示, 店方不許再減, 其實都冇得怪佢既. 只怪事前沒看清楚.我們, 選不落手, 只好叫一個二人餐, 有湯有兩個餸. 湯, 是素海皇羹, 每人一碗, 剛剛好夠喉夠食, 味道上是清雅可口, 帶有重芫茜的香, 這一個羹算是一個較好的見面禮. 兩個菜, 一個炒素雞丁, 一個羅漢豆腐. 來到一看, 就知道是家常的素食小炒. 素雞丁, 味道是源至芹菜, 味道淡淡的, 但有辣椒, 加強其香口程度, 感覺還是可以.羅漢豆腐就好些, 豆腐走過油, 食起來, 外面脆, 入面滑, 加上菜心同冬菇的相伴, 雖然是普通至極, 但起瑪也有聲有色. 再三問一問, 原來套餐沒有包飯. 想叫一碗 "靚仔" 原來需要10大元. 另外, 門口的點心, 也要成5蚊一隻. 可真

今晚係舊曆十五, 想起去食下齋. 入去好多人, 已經無嘜人理, 自己找位啦. 全場兩個待應都超忙, 所以都算數. 已經儘快點菜, 點了個 $128 套餐, 其中包括兩碗粟米粥,兩個小菜, 兩個甜品....最後等咗成 30 分鐘, 只來了兩碗粟米粥, 同其中一個小菜. 之後追了 5 次單, 都無人理會.所以我決定走人, 同老板娘講叫佢取消其中一個小菜. 哈哈....結果埋單係 $138 仲比套餐價貴. 老板娘大大聲話, "係你唔等, 緊係用散價計. 當然貴啦." 我都無咁好氣再爭辯落去, 走人算. 大家平下理, 咁的態度, 價錢又貴, 好快又要 "內部裝修".

朋友喜素菜，一行四人到這裡午膳。裝修後明亮了很多，侍應的服務態度很好，有求必應。例湯是眉豆花生粉葛，沒有油，友人說太淡，對我來剛是剛剛好；粟米粥清甜，粟米多，沒有渣；素蝦仁炒蛋，蛋炒得嫩，難得是炒得不油膩；什菇炒素雞也是少油少鹽，吃材新鮮，一改素菜多油多調味的印象。

好耐都無來過呢度吃飯了，但就成日都來外賣齋，唔知點解，齋卥味間間都差唔多，去邊度買分別好似都唔大。只係，有d舖頭會將d賣唔晒既野留番第二日賣，變左就好唔新鮮。呢間唔同，到夜晚七點就開始減價，點心都減，一件只係賣2個半，所以都會賣清，第二日又可以賣新鮮既。

上個星期日晚，我同我屋企人一齊去呢間齋舖食野叫佐以下的餸菜：五柳黄魚：酸酸甜甜~好開胃XO牛肉：雖然辣辣地 ~ 但係好足料一窩粟米粥：清清甜甜 ~ 清下腸胃幾好勝瓜雲耳炒素肉：ｏ的勝瓜果陳味怪怪地，但係我ｏ的家人話好好食 (可能我個人唔鐘意食勝瓜la)最後叫佐兩件紅豆糕唔係太都ok la，佢地仲送比我地一人一碗南瓜西米露(不過好似只係夜晚先有)

遊行前，和朋友，每人叫了一個下午茶餐 ($24)：前菜：一碗粟米粥 (朋友叫湯，我無試過，唔知好唔好味) ~ 最好味，值得推介 (第一次食，可能好彩，撞正師傅今日好心情 )主菜：(i) 一大碗羅漢齋麵 ~ 足料，但淡味 o左 Ｄ (ii) 一碟炒烏冬 ~ 幾好味，唔油膩甜品：每個餐跟兩小件紅豆糕 ~ 敗筆之作 ( "縮" 味 ~ 唔知擺 o左 幾耐 )另收茶介每位 $4 ；一碟花生 $6。

對上一次吃素點心已是多年前的事,對這食物不抗拒亦無特別好感,而且居住及工作地點咐近也沒有這類店舖,見不到就自然不會去想.這天駕車經過這咐近,剛好停在這店前,看見各式各樣的點心整齊排列在櫥窗內,甚覺吸引!於是買了數款回家作午餐.糯米包----因喜歡吃糯米,所以這個沒有腊味在內的問題也不大,只是這包的糯米偏硬身及用筷子一夾會有油滴出來.燒賣----餡料內有很多爽口的材料,沙葛、木耳、甘荀等,但調味是下得最重手的一款.粉果----餡料與燒賣大致相同,只不過是多了荽茜的味道.蘿蔔糕----入口感覺很"削",帶一點點酸味.腐皮粉絲卷----最好吃的一款,粉絲夠乾身、冬菇的香味突出.從放入外賣盒至回到家中大約半小時,打開盒看見底部已了積一層油,從盒取出放在碟中加熱後又再出現了一層油!齋點心的油份看來比葷做的用得更多,可能因蔬菜本身味道較淡,在調味方面下得頗重手!味精反應很快已出現,吃的買了ニ十多元,解喝飲的也用了二十多元.

(最近腸胃炎肆虐, 身邊不少人都中了招, 各位食友請保重, 有好腸胃才可以吃好東西啊!)今次輪到我了, 只得打消吃午餐日本菜的計劃, 吃齋去。附近吃齋的地方除了甘香齋之外就是這裡了。下雨天, 店內地下又黏又滑, 這裡很多婆婆光顧的呀, 不要滑倒她們才好。胃口不佳只好吃粥, 拿過餐牌看看, 都是那幾味的粥囉, 於是要了一碗三菇粥 ($20)。餐牌上寫明是有得要求走味精的, 只是我忘記了, 出來的粥自然是有味精, 怨不得人。三菇是冬菇、蘑菇和草菇, 全部切粒都不少的。單吃粥當然未夠飽, 想要點別的來伴粥吃, 看上了一道薑茸蒸鮮腐竹 ($50)。阿姐說是小菜份量, 又沒有小份裝的; 雖然我知吃不完, 但看遍餐牌好像只有這一味最清淡, 也就點了。阿姐明言要等, 好在我不趕時間, 後來證實這一等可是值得的! 這道菜為什麼要半小時才出來, 是有原因的, 大家見圖中的賣相都知這全是手工啦, 絕對出得大檯的。鮮磨薑茸夠辣勁 (希望可以殺菌喇), 配合嫩滑腐竹, 如果沒下味精, 就配稱得上清鮮味美了。結果還是吃剩了半碟, 打包拿走回公司當下午茶, 其味可比陳意齋的扎馬蹄呢!茶錢 ($4) 是給那大壺普洱

下午三時許入去, 女待應即問飲乜茶. 我地話唔飲茶, 清水便可. 跟着叫了兩個茶餐. 食物無可厚非,不過不失, 只是馬豆羔水準差.但系埋單時竟然多收每位$7茶錢(共$14). 跟佢理論, 佢話清水都照計! 但我指出茶餐牌无寫明, 一样无得講. 整段時间還播着佛樂! 我地照比錢, 但以后唔会返去.所以香港地開齋舖都係為揾錢. 可能食齋多數系善男信女, 更容易攞着數, 甚至揾笨. 各位小心.

yesterday I went to this place for dinner. Unfortunely I was short of cash, so before placing order, I was thinking of going away. I cannot imagine that their ugly waitress asked to charge me tea money! I did not drink, didn't have eaten anything! Of course I did not pay them and asked for police. They were scared and let me go! I admitted that I was so stupid! I should call the police immediately and give them a lesson on the spot! So ugly restaurant!!!!!!!!!!!! Never go!!

好耐都無食過砵仔糕, 路經見到這兒的砵仔糕都頗多紅豆, 就買一件試下. 砵仔糕$3一件, 都好平下. 砵仔糕甜度適中, 紅豆唔會煮得太硬或太淋, 紅豆味亦算香, 不過砵仔糕太過軟淋淋, 唔夠彈牙.

早排諸事不如....決定每月初一及十五都食齋 積下福, 不過從來都無打算係lee 2個日子特意去齋舖食齋...因必定多人....不過今次 男友話2個人食飯如果我食齋, 佢都唔知可以食d咩 同埋叫餸都好難叫, 咁不如就齊齊去齋舖食.....結果未夠8點就黎到, 出面都企左大約十個人.....入去攞飛先....佢話要等15分鐘, 結果15分鐘後真係可以入去座,不過要搭枱...無所謂啦粟米豆腐羮 -- 係男友叫既, 我覺得怪怪地, 可能唔多接受粟米同豆腐溝埋, anyway...清清地 ok 啦"錦魯"雲吞 -- 又係男友叫既....真係完全唔好食...個雲吞連d齋餡都無無,又唔脆, 個汁水 liu liu...得個酸字....d 麵筋加埋個水 liu liu 既汁變左一 pak 野.... 枝竹豆卜炒素雞 -- lee 個最好食...可能因為我鍾意食枝竹豆卜同素雞...不過男友話鹽既分佈好有問題, 佢食過一個豆卜咸到佢想死....始終尖沙咀蘇小姐果間最好食

行左成條電器道都唔知食乜, 基於大家食野習慣不同, bb生冷野不食, 越南不食, 打邊爐又不感興趣, 牛肉不食, 本來想食泰國野, 又full, 最終簡左食齌(佢最有興趣)叫左個2餸1羮套餐: 芋頭什菜煲: 芋頭夠淋, 其他配料ok喇, 但個汁就稀左少少.菠籮咕嚕肉: 呢個唔錯wor, 個汁好味, 咕嚕肉(麵筋之類的東西)好好食, 食極都唔怕肥, 比起用排骨仲好. 豆腐什菜羮: 清清地ok啊.西米露: 我冇食. bb話普通.白飯要另外叫, 其實應該包埋落個套餐就差唔多.埋單120左右, 唔記得了. 對於呢d質素來講就比較不值

今天要去維園做野,在開飯上找到這間素食館,下午五點去到,還可以order下午茶餐(可以到五點半),共有八款炒粉麵飯,可選擇一款,要了北菇豆腐炒飯,加西洋菜例湯.,馬荳榚甜品,份量大小適中,味道也可以,素食之人不會要求太濃味,再開一壺壽眉茶,$28埋單,夫複何求! 值得一讚.

因為我和朋友都唔係好舒服，想食得清清地已經是第二次來紅燒獅子頭，很細粒，好趣緻，味道也不錯蝦球豆腐煲，也是細細粒的蝦球不過豆腐湯就麻麻地，反而上次來食的粟米粥就不俗總的來說，真的很清，食得很舒服