青咖喱屋

營業中

休息中

去完海洋公園後，由海洋公園站搭落去黃竹坑站到南朗山道熟食市場一樓找到青咖喱屋，便坐低吃晚餐，到達時間大約6:00人流不算太多，很容易便找到座位。大概6:30後人流開始不斷增加，越來越多人。要留意呢間餐廳係星期三、日休息。網上很多人話海南雞好食，所以點了個海南雞飯。另外點了個泰式炒金邊粉及炒通菜。海南雞飯合格，不像網上說得那麼好食；反而泰式炒金邊粉很好吃，有點驚喜😋唔知道嚟緊係唔係重建嘅關係，所以整個場比較靜。希望可以保留啦，去完海洋公園後一個比較便宜嘅選擇。

俗稱美食沙漠既黃竹坑，真係無咩好食如果唔搭車出去，最多都係去南朗山熟食市場搵食.如果想食泰國野，我一定推薦食「青咖喱」！已經食過好多次，水準都好平均見到有youtuber/ 網站都介紹食佢，果然無介紹錯👏🏻特別係佢既海南雞🐤雞肉滑一滑，份量又多！（雞肉份量我形容為係其他餐廳既兩倍！）不論係配油飯、粉麵定喇沙都好惹味👍🏻平民價錢，但質素拍得住出面專門食海南雞既餐廳（不過溫馨提示，雞皮都相當厚，驚肥就自己去皮啦～）

黃竹坑都擔得起美食荒漠嘅稱號！食物選擇種類好少，而南朗山熟食中心，就可以話係荒漠入面嘅綠洲🏝️呢度有請真·泰國人幫手，一到午市就要等位，而海南雞係每張枱都見到有人叫，今次就試一試去！一隻海南雞整得好唔好食，係可以單憑肉眼就略一二。呢度嘅海南雞肉質好嫩滑🐥，而且唔會好生，我自己好鍾意呢個生熟程度！雞皮唔會太油，可以連皮食，而且有少少雞味，畀嘅雞肉份量一啲都唔手軟！海南雞嘅油飯都煮得唔錯，唔會太油又有香味，不過唔係硬飯而係偏濕嘅口感，但我都鍾意咁綿嘅飯🥰個汁都好好味，酸辣度啱啱好！總括而言，如果你喺黃竹坑返工就一定要試（唔試嘅區內都無咩好食🤣），質素都不錯👍🏼如果唔想喺熟食中心食都可以外賣返公司食😆但如果係區外人嘅話呢…唔使特登嚟🤣唔係唔好食，只係唔會特別吸引到要跨區入嚟食😂

今次嚟到黃竹坑做嘢，其實都預咗附近冇乜嘢食，因為好多都係工廠區，不過最近嘅市區講真要去到香港仔，或者搭地鐵去鴨脷洲，又唔算好就腳，於是近近地就去到地鐵站附近嘅南朗山道熟食中心搵嘢食啦。行緊過去嘅時候望吓OpenRice，發覺原來嗰度好多餐廳都意外地好多好評，咁睇嚟去嗰度食晏晝都係一個唔錯嘅選擇。今次就揀咗呢間最多好平嘅泰國菜餐廳，不過入到去先發覺原來成個熟食中心係冇冷氣，如果夏天呢個環境真係好熱。不過呢個飯真係幾高質，味道夠泰式，而且兩款雞都好有誠意，飯落幾多汁，肉質又唔會鞋，而且炸嘅部份脆卜卜，食完都滿足返。

今晚去左南朗山街市，黎呢到緊係要食泰菜❤️去左青咖喱屋～呢間餐廳係喺街市入邊，環境相對簡單，但係好乾淨整潔🙏🏼🙏🏼今晚嘅天氣唔算太熱 所以我坐喺餐廳內都覺得好舒，不過如果夏天嚟食 就可能會比較熱🙈😈泰式海南雞飯 - $58份量好豐富 飯同雞肉加埋泰式嘅醬汁好夾🔥🔥最重要嘅係只係$58！真係物超所值❤️如果你鍾意食泰式菜同埋海南雞飯，一定要嚟試吓～ 呢到店員都好好人，就算唔叫野飲都會比一大杯水你

▫️泰式海南雞飯_$53 (午市價) 「鋪頭選用較肥嘅雞肉，雞皮同肉之間佈滿脂肪。除咗做到肉質嫩滑，仲包保滿嘴油香～肥雞被隨意咁鋪喺飯上，睇落賣相唔太精緻，但米飯因此吸收晒雞油精華。配埋酸辣嘅醬汁，好味到十分鐘就可以清晒！」 識食：🧡🧡🧡🧡🧡🧡 ▫️泰式青咖哩飯配牛腩_$53 (午市價) 「青咖哩質地較稀，椰奶味濃郁，有番咁上下辣度。而且超級足料，主角牛腩同配菜茄子份量又多又大舊。不過牛腩肉質腍得唔太正常，同埋好似唔係舊舊都係牛腩。」 識食：🧡🧡🧡🧡🖤🖤 . 環境：🧡🖤🖤🖤🖤🖤 服務：🧡🧡🧡🖤🖤🖤 抵食：🧡🧡🧡🧡🧡🧡 //青咖喱屋喺食飯時間，往往都係人頭湧湧，當中仲唔少人係西裝骨骨添。不過網上對鋪頭唔同餸菜嘅評價不一，跟住揀飲擇食嗌實唔會出錯～// . 🍽青咖喱屋 🚪未有IG賬號 📍黃竹坑南朗山道1號南朗山道熟食市場1樓5號舖 . 喜歡《揀飲擇食》的圖片和文字🤍不妨點一下like和follow 🔹Instagram-揀飲擇食/picky.eaterrr：https://www.instagram.com/picky.eaterrr/

✨沙爹串燒 (6串) $78 有3串豬3串雞🍢沙嗲醬好重花生味帶點甜 仲有粒粒花生粒🥜🤤肉好大塊 燒得惹味仲保留到肉汁👍🏻✨豬肉生菜包 $78 調味好正濃濃既香葉同九層塔味🌿要了少辣都好惹味 不吃辣的朋友都能接受🥬包生菜好juicy不停滴汁💦要準備好濕紙巾😂✨青咖哩牛腩 $78不能吃辣的人可能會覺得比較辣🌶但我覺得不錯 好地道的泰式味道😋青咖哩帶點椰汁味🥥撈飯或者點薄餅都好適合 牛腩不肥啖啖肉 有幾塊會比較韌有嚼勁✨青檸梳打 $20天然的味道好清新解膩🥤無加太多糖水👅可以解辣熟食市場雖然環境不太好沒有冷氣 但食物質素不錯 性價比高🥰天氣凍點可以同大班朋友來叫多幾款食物👍🏻📍青咖喱屋 (黃竹坑)黃竹坑南朗山道1號南朗山道熟食市場1樓5號舖

咖喱汁呈青色，香濃既香料及椰奶味，少少辣，豐富既香茅同埋金不奐既味道。雞肉以雞柳形式去煮，保証啖啖肉，雞脾肉嫩滑。配菜有茄子，煎過，所以香口。第一次食，有驚喜。

12點半已多人等外賣我見Open rice 最多like 我試下外賣叫了海南雞飯等了10分鐘才有無骨雞 雞一般飯太硬汁唔夠辣和惹味下次試另一間份量對我來講太少 食完都肚餓

諗著叫咖喱屋 啲咖喱係招牌點知咁垃圾唔濃 同水一樣咁稀冇咖喱味 甚至丁點香料味都冇薯仔 稔到無牙阿婆都咬到落蕃茄唔個做乜唯一可以係份量多 但咁難食份量多有乜用態度惡劣，問佢有咩飲就大大聲講：加錢！盛惠53蚊自己整衰自己招牌 喜歡吃垃圾可隨便幫襯

工作關係嚟到黃竹坑，唔知有咩食就是但行入熟食市場揀一間就坐低咗，見到啲姐姐都係泰國人諗住應該唔會差得去邊。🍛泰式香茅豬扒飯配黃咖喱 ($53)豬扒唔似係香茅味，加咗鬆肉粉，味道普普通通。咖哩冇乜辣味，椰香味都唔重，但唔算難食嘅。🍜泰式咖喱雞配金邊粉($53)咖喱配金邊粉幾新鮮，但金邊粉有少少黐住一餅嘢咁，要撩一撩。咖喱都係揀咗黃咖喱就唔重複講。配菜有薯仔同蕃茄，薯仔好淋，好食。大排檔格局，大大碟一定食得飽，但味道就一般。

#南朗山道熟食市場 #炸雞飯黃竹坑返工附近大部分都係工廈餐廳，但係又唔係平架喎. 如果去d好少少既都最少一百以上💸.去街市食算係比較划算炸雞配雞味飯🍗炸雞出面層炸皮好薄好夠脆，裡面既肉唔會好juicy但亦都唔會鞋配上泰式辣醬酸酸甜甜好好餸飯雞味飯唔係好食到雞味，其實即係油飯，粒粒分明乾身，唔錯👍🏻🥤本身無包野飲，但+$3/5就可以加杯飲品，仲可以揀d特色少少既添我d同事就鐘意叫椰汁冰*味道: ❤️❤️❤️❤️賣相: 🌸🌸🌸🌸環境: 🎪🎪（都乾淨既，但枱之間距離近，同埋都好多人行黎行去）服務: 👍🏻👍🏻👍🏻👍🏻..............................價錢: 💸Lunch 人均消費~$53🏷青咖喱屋📪黃竹坑南朗山道熟食市場一樓（上一層）

失望到一個點☹️😣😣😣一開始嗌咗4樣嘢生蝦、螄蚶、生菜包、炒芥蘭螄蚶都正常嘅，係份量少生菜包同炒芥蘭算好食嘅🦐🦐🦐生蝦d肉霉霉地，淋啫啫無蝦味重點嚟啦！諗住係生蝦唔好食唔新鮮其他嘢都過得去啊，食個甜品補返對生蝦嘅失望啦！就嗌埋個芒果糯米飯外賣，食唔晒可以直接摞走。等咗好耐，唔知係咪無落到單，再催多次阿姐。到咗之後我打開望到盒嘢，超級愕然點解d芒果碎上嘅？然後數咗一下12粒芒果，我就叫咗姐姐過嚟，問佢咁樣嘅份量係正常嘅？佢答我“係，係咁樣㗎！老闆娘話係咁樣嘅份量㗎！我地俾腰芒㗎，俾咗一粒㗎啦！”嘩！大大聲講俾咗一粒㗎啦！唔知真係以為好多，然後我係無理取鬧。我依家係度教下大家咩係腰芒。最後係樓下泰菜舖買多一個芒果糯米飯，對比之下真係高低立見，講真味道都好食過青咖喱屋嘅一粒腰芒嘅芒果糯米飯🤬😡😡😡

1️⃣ 泰式黃咖喱雞配白飯🍛+椰汁冰海馬公園免費深度遊之後🥾 一於過埋黃竹坑繼續深度食😋喺 黃竹坑站旁邊嘅南朗山熟食市場有間在地人推薦嘅平靚正泰式小店🇹🇭 梗係要試試啦😎青咖喱喺Menu上有2隻🌶️🌶️ 辣之修行未滿嘅👦🏻 最後都係揀返1隻🌶️嘅黃咖喱黎試😝 黃咖喱似乎加入左椰漿, 屬於偏甜辣嗰種~ 份量望落都唔少, 起初以為會食唔曬, 最後係一滴都無剩🙈 實在太岩撈飯喇👍🏻面頭嘅飯略嫌濕濕地扣ddd分🤏🏻 值得加返分係午市飲品+💰$2就可以揀唔同嘅泰式飲品: 例如椰汁冰、龍眼冰、珍多冰、涼粉冰等等👍🏻熟食市場三角形平面嘅設計幾特別, 好有舊式大排檔嘅風味, 秋季行山季節黎食飯無冷氣都幾舒服😌 食嘅時候撞正午飯時間都幾多上班族黎食😲 另外, 不得不提幫手落單嘅女侍應都有點「霸氣」🙈對話內容節錄🤭👇🏻👇🏻👇🏻「飲品可以後叫嗎? 」「唔可以!」

Lunch time 街市最多人係呢間叫左個泰式金邊粉 等左20分鐘先有得食.....份量好多 夠2個女仔食但無乜料 得3隻蝦🦐午餐加2蚊有珍多冰 幾好飲 不過侍應話無得少冰