兩位仔仔已先後同靚媽提早慶祝左今年母親節，到5月9日輪到我呢個肥佬出場，因衹得兩公婆撑枱腳就去左間係鳳凰村開左好多年而我就因呢間食店個門面吾討好及出入門口好细及窄關係，雖然在該區住在幾拾年但從來未光顧過呢間食店，今次係相試佢個黃酒鷄兩人套餐，先至會第一次幫襯呢問茶餐廳，點知吾試尢自司一試就後侮咗，原來呢間茶記D野咁好食，做乜之前一路都以貌貌取店而泠落左佢，講番個主角黃酒鷄做得非常好，鷄肉夠滑黃洒湯味夠濃郁，湯料内有紅棗，糯米，洒糟，和芽熱辣辣上枱份量足夠兩人亨用，再加上自行選擇的一碟腰果炒肉粒小菜，和隨餐佢話付送的炒菜心，两碗白飯，一杯熱檸水，和另加$4元改為一枝大可樂，合共都係$202呢個同老婆慶祝母親節套餐抵食超值，呢間食店會成為我揾食肥華嘅飯堂

晚飯又不是很肚餓，疫情時間沒上深圳消費，很久沒有吃地道川式燒烤，突然有衝動想吃串燒，附近剛有一間串燒店開了大半年也沒幫襯過，便和太太便去試試看。 街坊小店，入門左面是燒烤厨房，二邊擺放了大約十桌二人或四人枱，簡單裝飾，也明亮整潔。一位年輕女待應，招呼也很勤快。 這裡是手機下單， 方便快捷，先點瓶啤酒，才慢慢點菜。 茄子不太油，香口軟滑。 韮菜切去尾段老葉，顯得細心。 雞皮烤得香脆。 一夜乾黃花，咸鮮香，差不多連魚骨也清掉。 豬腩片，入口有油香，好吃。 羊肉，香嫩。 牛肉，稍微食粉醃過了些，下次試吃一口牛好了。 豆皮，香口有頭。 牛舌心，厚厚三大片，不靱好吃。 雞腎，有點乾身。 吃了十樣食品，水準達標，可以再光顧。

去完迪欣湖，到鳳凰村食上海菜，家人喜歡這間店的擔擔麵，但我印象一般，今次來又一次印證我的記憶。 . 雞絲拉皮 | $68 麻醬味好鹹似加了醬油，吃起來一口醬，沒有麻醬味。粉皮份量偏少，雞絲粗身，這個價錢可以有其他選擇。 脆皮素鴨 | $48 腐皮炸得好脆，但碟底好多油，脆皮背面沾著很多油饀料有蘿蔔絲、木耳絲等，點些喼汁可以減輕它的熱氣感。 擔擔麵 | $31 麻醬味道香，小辣味道幾惹味，麵條爽，雖然沒什麼花生或肉碎，但價錢便宜可取。 環境好迫，枱與枱之間靠透明膠膜阻隔，但又因為是圓枱，所以有些位置沒有完全阻隔到。衛生一般，枱上放置了兩碟花生，店員把花生疊起來收起，變成碟底碰到了另一碟花生。

星期四我準備在「鑽石山」「鳳德商場」購買外賣自取晚餐「咖喱牛腩飯」食品之前，嘗試經過「鳳德商場」行人天橋通道，前往「蒲崗村道」對岸的「環鳳街」，找間一般「鳳凰村」的港式茶餐廳食店享用下午茶。 這間位於「鳳凰村」的港式茶餐廳食店實際名稱，叫做「來多客」，我之前也曾經在「深水埗」，光顧過一間名稱很相似的港式茶餐廳，餐廳的名稱叫做「來多客餐廳」。 事實上「來多客餐廳」跟「來多客」都有名稱相似，味道也十分相似的食品和飲品，例如「水果乳酸」飲品，我就曾經在兩間餐廳裡面遇見過了。 今次我跟上次在「深水埗」「來多客餐廳」一樣，同樣選擇了享用「水蜜桃乳酸」飲品，不過今次發現「來多客」「水蜜桃乳酸」飲品味道，偏向比較重「乳酸」裡面的酸味，相反不是太能夠喝到飲品裡面的「水蜜桃」甜味。 至於「來多客」食品方面，今次我選擇了享用，享用「來多客」下午茶時段裡面的「東灜白湯拉麵」食品，「來多客」的所有「東灜白湯拉麵」食品實際價錢，大概在五十六元至六十二元之間，食材以豬肉、鴨肉、海鮮為主。 我選擇了享用「豬軟骨拉麵」，「豬軟骨拉麵」的主角「豬軟骨」實際製成品色澤偏向比較白，感覺不像曾經利用醬油，或其他調味料醃漬「豬軟骨」和慢煮過的樣子。 「豬軟骨」裡面的「豬肉」實際口感算是被煮得頗腍的，只可惜「豬軟骨」裡面的「軟骨」實際口感感覺還是炆得不夠腍，不能夠像「豬肉」那麼入口即融。 至於「豬軟骨拉麵」底層的白色色澤，疑似是「豬骨湯」湯底實際味道感覺不算非常甜，反而「豬骨湯」裡面鹹味的感覺，稍為遮蔽了「豬骨湯」原本應有甜味。 至於我另外選擇享用「來多客」的「悠閒下午茶餐」食品裡面，今次我選擇享用港幣三十八元的「羅宋湯牛肉公仔麵」，配上套餐飲品「凍奶茶」。 相對於「豬軟骨拉麵」奶白色「豬骨」湯底裡面的鹹味，「羅宋湯牛肉公仔麵」「羅宋湯」湯底裡面的味道相對比較酸，和有少許的辣，感覺跟「豬軟骨拉麵」裡面的鹹味很不一樣。 至於「羅宋湯牛肉公仔麵」裡面的「牛肉」實際份量，大概有八、九塊左右，「牛肉」裡面的口感算是被煮得頗腍，而且「牛肉」裡面沒有筋，整體上感覺「牛肉」不難咬，不難撕開，也不算難以咀嚼。 而且「羅宋湯牛肉公仔麵」裡面的「羅宋湯」實際鹹味，沒有「豬軟骨拉麵」「豬骨」湯底那麼濃厚，「羅宋湯」沒有令「牛肉」味道變鹹，配合甜味尚可的「奶茶」，整體味道感覺比「豬軟骨拉麵」「水蜜桃乳酸」好得多。 我想我下次光顧「來多客」，應該不會再享用「豬軟骨拉麵」和「水蜜桃乳酸」，相反「羅宋湯牛肉公仔麵」和「奶茶」整體味道更易適應，下次光顧還是享用「羅宋湯牛肉公仔麵」配「奶茶」好過。

今日中午完全諗唔到食乜野，突然之間諗起想食蒸餃，立即諗到嚟鳳凰村試下呢間沙縣 首先試左個炸豬腳米線，豬腳好入味，脆口，好香，係好惹味 再嚟就係麻辣雲吞拌麵，姐姐好細心，落單已經問要唔要小辣，驚太辣食唔到，我地立即當然係叫小辣啦！雲吞雖然細細隻，但味道好新鮮，麵既醬汁好味道，麻辣得嚟唔係好辣，小辣易入口，味道唔錯 最後嚟既係蒸餃，外型好多摺，真係好好味，下次可以再試炸雲吞同花生醬蒸餃

今晚食完飯想食吓甜品，諗起鳳凰村有間焦糖燉蛋好耐冇食！就即刻去買返杯返屋企食先！ 真係好耐冇嚟～原來多咗塊靚靚掛布喎！ 佢地更新咗menu，一直都係支持燉蛋 今日好好彩，等咗幾分鐘就有得拎嚕 紫薯法式燉蛋 好足料好大堆紫薯呀～～仲有少少桂花喺面，好精緻！味道唔會好甜，岩岩好，好滿足！ 其實仲買咗伯爵茶燉蛋（配乳酪雪糕）食到一半先記起唔記得影相老實講，佢唔多覺有伯爵茶味⋯不過！要讚吓個雪糕！！！好濃好好食呀仲要拎到返屋企仲係硬身+冰凍架！抵讚

唔明點解個系統至少要人俾一粒星😓😓 睇食評原來幫襯過呢間餐廳嘅人同我一樣，都覺得呢間屋邨餐廳啲嘢又唔好食態度又差🤬🤬價錢同出面茶餐廳差不多，又唔見得特別平，咁嘅食物質素真係唔想幫襯，收銀員態度又差😡真係好似同佢乞咁🤬🤬外賣唔俾人坐入面等，又唔係多客，你話多客我都會識做在外面等，得果2枱客人😓如果因疫情關係，等外賣嘅人根本唔使除口罩，比起要除口罩坐係度食嘅客人，外賣客還要安全得很啦，真無腦🤬🤬再者外賣自取又無平到😤😤 以前無疫情係唔會幫襯的，我同家人寧願坐小巴去慈雲山或鳳凰村食都唔會食呢間，多選擇又唔使受氣 奉勸各位想貼錢買難受就幫襯啦😕😕

「刀鋒寶貝」店舖所在的位置「鳳凰村」，稱不上很方便外來食客，反而有利住在「鳳凰村」附近「慈雲山」居民多一點。「鳳凰村」的北方是「慈雲山」，東方是「鑽石山」，南方是「新蒲崗」，西方是「黃大仙」。 偏偏「鳳凰村」跟港鐵「鑽石山站」，或者「黃大仙站」都有一段不短的距離，導致食客包括我在內，需要徒步步行一段長距離，來回「刀鋒寶貝」所在的「鳳凰村」跟其他交通設施地方，是名副其實的交通不便。 偏偏「刀鋒寶貝」長時間有大量食客光顧幫襯，導致我上次幾經辛苦從西貢坐車趕到「鳳凰村」，最後還是趕不及在「刀鋒寶貝」截單之後幫襯，翌日我幾經辛苦終於來到，「刀鋒寶貝」卻坐滿了食客。 「刀鋒寶貝」侍應再次告訴我食店快要關門截單，我肯定等候不到入座堂食的機會，只能夠選擇外賣自取。怎料「刀鋒寶貝」提供的膠袋，始終未能完全包紮綁實塑膠外賣盒，結果外賣盒等不及回家就已經移位翻側倒瀉。 我本來對光顧「刀鋒寶貝」還是興致勃勃，結果被「鳳凰村」的交通不便，以及「刀鋒寶貝」外賣自取塑膠飯盒的設計不善，徹底破壞我的興致，回家已經不是很想再食了。 結果我跟阿媽互相分享，享用「刀鋒寶貝」裡面的鹹味小食「刀鋒雞翼」，「刀鋒雞翼」的味道偏向比較鹹和辣，而且「刀鋒雞翼」以油浸水煮方式製成，不是我個人最喜歡食的「炸雞翼」或者「燒雞翼」，無疑是有點失望。 至於「刀鋒寶貝」裡面的粉麵飯，都有飲品套餐提供，結果我選擇了「台式牛肉烏冬」麵套餐，至於套餐裡面的飲品，我選擇享用冰凍的「水蜜桃」果汁。 「刀鋒寶貝」的「水蜜桃」果汁，經過長距離的運輸情況之下，飲品裡面的冰塊早已經徹底融化，令「水蜜桃」果汁裡面的甜味，在不知不覺間已經被冰塊的水完全溝淡，沒有原本預期那麼好飲。 至於「刀鋒寶貝」的「台式牛肉烏冬」實際味道，也不見比「刀鋒雞翼」好得幾多，因為「台式牛肉烏冬」的外賣盒在經歷長距離運輸之下，湯汁早已經從外賣盒裡面濺出來，很多湯汁已經倒瀉在膠袋裡面了。 而且「刀鋒寶貝」安排湯烏冬，跟切片牛被安排在塑膠外賣盒裡面，分開兩層各自擺放。結果烏冬經歷長時間沒有被投進湯汁裡面，烏冬質感早已經變冷變硬不好食了。 就連「台式牛肉烏冬」裡面的疑似牛肉湯湯汁，都因為運輸時間實在太長，導致甜味牛肉湯汁溫度徹底變涼，無法與烏冬一起變成重牛肉甜味的湯烏冬麵食品。 所以我經過這次千里迢迢，千辛萬苦趕赴「鳳凰村」，最後卻換來烏冬口感變冷變硬，雞翼口感又冷，味道又鹹又辣不好食，甚至好好地一杯甜味水蜜桃果汁，都因為冰塊融化而變淡，徹底破壞我對「刀鋒寶貝」的觀感。 加上西貢跟「鳳凰村」之間的交通，實在太過遙遠和不便，導致我不斷坐車和徒步前往「鳳凰村」，結果都換來「刀鋒寶貝」打烊休息和全場滿座，似乎我跟「刀鋒寶貝」完全不相襯，我沒有在「刀鋒寶貝」獲得美好回憶。 而且我發現原來「刀鋒寶貝」始終沒有提供例如「牛腩飯」的食品，也沒有製作水蜜桃紅茶飲品，亦令很想食「牛腩飯」和飲「水蜜桃紅茶」的我感到非常的失望。 另一方面，「刀鋒寶貝」餐牌提供的食品飲品，跟我期望食到飲到的有很大的距離，食店選址又跟我有非常大的差距，就算我一早出發，就算千里迢迢趕到「鳳凰村」的時候，都為時已晚了。 而且「刀鋒寶貝」沒有非常適合我口味的食品跟手調台式飲品，所以我估計在將來，應該沒有太大可能再來「鳳凰村」，和光顧「刀鋒寶貝」了。

叫餐跟餐飲 但遺留餐飲然後叫佢送返 諸多藉口
野食又難食 店員態度惡劣 自己錯好似個客錯咁樣
以後唔食 亦為免有其他市民中伏 所以打返今次親身經歷上黎
真係唔建議大家食呢間
鳳凰村有更多好選擇

前幾日同個住黃大仙的朋友去左沙田坳道個到行山，食完之後，佢同我講係鳳凰村個邊有間茶餐廳佢食開，好正好好味，所以我地去左食。 餐廳仲會提供紙袋比人袋口罩，方便食客唔怕唔知放邊同整污糟口罩。 我地去到就食左一個下午茶炒粉炒麵餐，揀左金菇肥牛炆伊麵43蚊，同埋一個淨雲吞，因為我朋友話好耐無食，好想食，所以就叫埋，飲品就揀朋友介紹的個兩杯，椰汁紅豆冰同凍柑檸梳打。 我朋友鍾意飲紅豆冰係因為呢間的紅豆冰椰味好重，同出面食個啲溝好多水、花奶、冰粒好唔同，而且紅豆冰仲會連埋冰一齊打碎，凍得嚟又唔會溝淡椰味。 而至於柑檸梳打方面，有少少似鹹柑桔，但係就無咁鹹同埋就算篤爛都唔係太酸，原來個老闆娘話係泰國入口的西檸，因為係西檸所以就唔會太酸，亦都有小清新的感覺。 淨雲吞都有7粒，湯底清清甜甜，連埋雲吞飲都好好味，最正係無鹼水味，蝦都大隻同爽口，食得出係自家包。 金菇肥牛炆伊麵就出面比較少有，至少我比較少見，料都好多，絕不吝嗇，伊麵炆得入味，但又唔會好濕同太乾，我個覺得啱啱好，恰到好處。 而且佢仲有咁多唔同的下午茶餐，連早餐個啲都仲到6點，可以加錢轉配咁好飲的紅豆冰，真係不錯的推介。

呢間位於鳳凰村嘅茶餐廳已經經營了好一段日子，因為食物質素高而且抵食，所以能夠吸引到好多街坊幫襯！我細細個經常到呢度附近探親戚，都會黎呢間茶餐廳食嘢，今日重遊舊地！當然也要食個午餐回味一下啦！ 簡單的叫了味菜牛柳絲炒麵及熱奶茶，一間茶餐廳的水準，只要看看他炒麵的功夫就知龍與鳳！呢度嘅炒麵水準一流而且夠鑊氣！首先炒麵要炸得鬆脆，呢間茶餐廳就能做得到！而上面嘅獻汁味道濃郁夠厚身！牛柳絲大大條而且肉身軟滑，茶餐廳能做到這個水準，已經值得一讚，嘩！大大碟的牛柳絲炒麵價錢只係$54，而且加$6就有杯熱奶茶，街坊價錢真係抵到爛！唔怪得知街坊咁擁戴佢啦！ 有機會再嚟嘅時候，一定要再幫襯，感受一下佢哋對街坊街里嘅人情味！

今次再嚟黃大仙鳳凰村的這間隱世台灣美食小店！位置不是十分顯眼，但食物質素卻不是一般貨色，每道菜都包含著老闆娘的心思及烹調技巧，食得出每道食物都是精心製作，加上店舖內很多撐醫護嘅標語！可見老闆娘是有情有義及做事認真嘅人！當然要多多幫襯！ 今日我就試試店長推介👍🏻嘅台式牛肉麵（$48）及刀鋒雞翼（$22）作為我嘅午餐。 📍台式牛肉麵🍜 台式牛肉麵真係食過唔少，但呢度嘅台式牛肉麵真係同坊間嘅牛肉麵有所不同，首先佢嘅台式牛肉比較諗身！而且牛肉有好特別嘅醬汁，食落甜甜地而且很軟滑！加上有少少牛筋，充滿骨膠原，與其他店舖硬實實的台式牛肉相比，簡直係與別不同！而麵嘅質地夠煙韌，很有質感！這原本平凡嘅台式牛肉麵都可以整得咁好食，可見廚師嘅功夫！ 📍刀鋒雞翼 聽老闆娘講這個刀鋒雞翼是他們的鎮店之寶！他們用秘製醬汁醃製，加上蒜香辣椒，便成這個味道特別嘅刀鋒雞翼！食落去少少辣，而且秘製醬汁及蒜蓉很入味，肉質軟硬度適中，果然十分香口美味！ 這個簡單嘅午餐，平凡嘅食材卻有着不平凡嘅美味！而且價錢相當大眾化！老闆娘又這麼親切招呼，感覺好像同街坊傾偈一樣！這個午餐真是食得很愉快！

除左泰國菜～ 上海菜我都非常鍾意食！～ 以前屋企一直去鳳凰村有間老字號「美味齋 」～ 可惜幾年前結業左～ cwb lee間上海舖一直聽聞水準不錯～ 價錢又ok 所以今晚試試佢！！ 入到去有d清清地ge茶🍵（5收茶錢嫁） 雞絲粉皮（$46） 份量都算對得住個價錢～ 但d粉皮5太滑～ 亦太凍 清炒河蝦仁（$128） 有鑊氣～ 但論好食5夠tst有間老子號上海飯店咁好食～（係寶勒巷條街個間！） 蒜蓉津白（$52） 正正常常～ 收$52我覺得有d貴⋯ 冇咩特色～ XO將炒年糕（$72） lee個值得叫！ d年糕5會太「淋」 有口感！ 而每一件都有味！！ 好味！ 份量又夠！！ 小籠包（$42） 有肉汁爆出黎！ 又5太肥！ 好味ge！☺️ 仲有個糯米蒸燒賣啊（$42） 但我5記得影相🤦🏻‍♀️ 哎呀本身見到覺得特別就叫左 點知伏黎 完全冇味😂😂😂😂 食舊粉咁😅😅😅 但大致都值得試！～ 我發現佢d小菜係好味d同抵食d！！

前幾日同男朋友係黃大仙食嘢，行左上去鳳凰村個邊的華園茶餐廳食飯，佢入面位置間隔不算闊落，眼見好似有上層，但唔肯定係咪客人位置，而我坐的下層，初初入座時都未算太多人，但坐坐下就越來越多，好多人都要搭枱，同埋可能個到大多都係街坊，啲人都好肯去調位。 入座後，佢好快就拎左啲茶水同餐具來，仲有兩碗例湯嚟，其實某程度上製造左啲壓力出來，因為未決定好食咩，佢都好似已經預你食咩咁，當然或者係一番好意，但比了我地呢啲非熟客壓力。之後我呢啲叫食物慢的人，男友叫左可能五分鐘到，我都未諗到，職員便來收回一碗湯，到我叫返之後，又要放返一碗，好似重覆了動作，當然，我有聽到啲職員會問啲熟客飲唔飲多碗湯，我明佢唔介意，但唔明既然比左又為何要收回呢？原理同好似啲人收餐具一樣嗎？不過佢的例湯還可以，但都算是碗碗有湯料。 佢個到的主打係煲仔飯，我都見到好多人去食煲仔飯，不過我地就叫左晚餐，男友本身係想食免治牛飯，但入面menu見唔到，所以叫左芙蓉蛋飯，原來佢係c餐賣晒轉左，但就只有改左出面，我地都係食到一半先聽到，而我就叫左焗墨西哥豬軟骨飯。先講芙蓉蛋飯，都係正常多料的，有火腿、叉燒、韮皇等材料，味道都算ok的。 而我個個焗墨西哥豬軟骨飯，個汁都ok，芝士都算多，個飯底係炒飯底嚟，所以都ok，不過係我誤會左，我以為係豬頸肉，但係個豬軟骨都ok的，都入味，都好夠淋。 以下評分以5⭐️為滿分 推介⭐️⭐️

鳳凰村中的黃金小店 小食店座位不多，估計最多坐5-6人，有部大電視，見到裝潢自然就會入去懲罰一下 ， 所以叫外賣返屋企食。老闆是個年輕人，態度幾好，不過有陣幾濃既香煙味。。 係有6款精選飯餐，我就揀左 $35泰汁雞扒火腿飯：泰汁酸酸甜甜 ，雞扒切開數件，肉質滑口， 兩片完整火腿。 我就幫老公就揀左 $32 重量級餐蛋飯：有兩隻靚靚太陽蛋，仲可以啜蛋汁，個蛋邊煎得好香脆，另外有三大片餐肉，厚度適中，唔太油，同樣地煎得好香脆，配個甜豉油不錯。 重點等得唔耐， 返到屋企仲係熱呼呼，仲出緊煙。。仲要包維他牌既飲品，價錢非常合理。 支持小店下次試埋其他飯餐先。