觀塘係美食之都，但好多餐廳都係海邊或者係工廈，相對下交通比較麻煩，而且夏日熱辣辣都唔想露天行太遠，於是就去咗東廣場食晚餐✨ 以往比較多係買外賣食，今次初嘗東廣場堂食😬 ✨ 虎蝦蕃茄汁扁意粉🍝 $118 虎蝦煎得非常香，有四大隻份量好足👍🏻蕃茄汁香濃，而且茄汁好鮮甜，同樣煎香咗，採用較幼身嘅扁意粉，口感少少煙靭🤏🏻整體味道幾好🤞🏻酸酸甜甜好開胃🫦 ✨ 素魚柳牛油果賓尼迪蛋酸種麵包 $118 第一次食素魚柳，會形容為仿真度好高🤣炸得幾香脆，唔會太厚粉，另外牛油果非常熟！好林而且完全冇草青味😋配埋流心嘅benedit egg同埋開胃嘅酸種麵包一流💯🉑伴碟嘅黑醋沙律味道較重🤏🏻 ✨ Oreo奶昔$46 奶昔好綿滑creamy，完全冇碎冰👍🏻大推✨ ✨ 蜂蜜水果台灣阿里山金萱烏龍茶 $46 沉底嘅蜂蜜好香甜！完全冇死甜嘅味道！加埋水果片做點綴整體好有美感，睇得又飲得🥹👍🏻🉑 另外餐廳有兩邊用餐區域，坐得都好寬敞，幾適合同朋友聚餐🫶🏻

觀塘返工日日都係觀塘食Lunch 東廣場都行過無數次但由於對台灣野不太感興趣(唔討厭但有得揀都會揀其他先) 所以一路行過路過都無買嚟試過 係無意間眼尾見到”新竹米粉”呢幾隻字(呢個係鐘意嘅因為夠幼身同點浸都唔會發到腍) Lunch Time都唔少人排隊買 成間鋪見得老闆一到兩個人 又收錢落單 又沖奶茶 包外賣一腳踢 真係要支持下小店阿！ 我叫左個自選雙料$44 改飲珍珠奶茶+$12 珍珠奶茶係台灣風味 就算正價都唔貴 雙料米粉如圖 正正常常個人覺得個湯底味道重咗少少 原來海陸空係乜餸都有D 下次可以再試💪🏻

Comfy by Chef's Stage Kitchen 位於觀塘成業街7號東廣場地下，以簡約裝修，水泥牆身畫上動物壁畫，文青風格，環境舒適。 QR code點餐，食物選擇以西式為主，亦有兩款（牛/豚肉）加入蘭王蛋的日式丼飯。 凍冰磚鴛鴦玫瑰 冰凍帶甜的奶茶，倒入另一杯以expresso制成的冰磚，少許玫瑰花碎奶泡，帶有玫瑰清香又咖啡味濃郁的特飲。 🍴水牛芝士無花果巴馬火腿沙律 水牛芝士有彈性，口感軟潤又有嚼口，巴馬火腿鹹味適中，配入甜味十足新鮮無花果，新鮮沙律菜，脆口碎果仁，材料豐富，非常清爽醒胃。 🍴明太子薯條 薯條炸至金黃脆口，加上帶微辣鹹香的明太子醬、紫菜鰹魚，令薯條增添咗日式風味。 🍴虎蝦蕃茄扁意粉 扁意粉入口軟腍，每條意粉都沾滿甜甜的蕃茄醬汁，再加上口感彈牙的虎蝦，非常美味。

今日lunch time 行過東廣場 地下個層好似一個food court咁 有勁多唔同嘅餐廳 呢間Burger餐廳，價錢幾親民 所以入咗去試吓 叫咗一個經典牛肉漢堡🍔 再加蛋🍳同煙肉🥓 落單後大概10分鐘，個burger 就送到 漢堡賣相好吸引😍 齋睇個外表已經知道好足料 牛肉漢堡幾厚，又juicy😋 牛肉味非常濃郁 額外加嘅雞蛋係半熟🍳 煙肉🥓煎得好香，好惹味 芝士份量都好足夠🧀️ 洋蔥加咗餐廳自家製嘅醬汁 好味又特別👍🏻 漢堡中生菜🥬好fresh 漢堡麵包微暖，外脆內軟 食得出成個漢堡都係用心製作☺️ 食完個漢堡已經好飽 證明我冇加薯條係正確嘅選擇

在觀塘東廣場上完堂，黎到「巧得鍋」品嚐了招牌二人雞鍋餐$168，其中包括半隻雞鍋和魚湯浸娃娃菜。首先他們的雞鍋上菜時是用電磁爐熱著的，抽氣非常好，不會有煙煙著吃，雞肉鮮嫩多汁，經過慢燉後，口感更加滑嫩，充滿了濃郁的雞肉香氣。湯底煮得恰到好處，還有紅色黃色椒鮮甜可口，融合了各種香料的風味，使整個鍋更加豐富👏🏼 而魚湯浸娃娃菜則是一道清爽的配菜，娃娃菜保持了蔬菜的鮮嫩口感，搭配魚湯的清香，帶點胡椒香味，女兒大讚好味😋不太喜歡喝湯的她，還要這個湯「撈」飯吃，這個湯給整個餐點增添了層次感，抵讚👍🏻 我們點了兩款特飲，分別是檸檬青蘋果和西瓜汁。檸檬青蘋果特飲帶有濃郁的檸檬香氣，加上薄荷葉帶來一種清新的口感，而西瓜汁店主說是沒有添加糖的，純天然甜味道散發出甜美的西瓜味道，非常解渴。

觀塘呢邊可以話係一個食肆匯集嘅地方，即係日本拉麵來講已經有好多唔同嘅選擇。今日久違嚟到東廣場呢邊有見到一間新開嘅日本拉麵，望左望餐牌發現相對於其他日本拉麵來講，價錢相對親民，大約港紙七$80已經有大大碗嘅拉麵，加多$20嘅話更加可以追加汽水同埋小食，食完成個套餐之後真係好飽好飽。 呢間舖嘅賣點係冇味精嘅蝦湯拉麵，我覺得蝦湯嘅味道都好濃郁，完全可以飲到蝦嘅鮮甜味。今次我叫咗叉燒同埋蝦天婦羅嘅拉麵套餐，叉燒軟爛嫩滑之餘邊緣又有少少煙燻過嘅感覺，口感豐富有層次。蝦天婦羅🍤大大隻脆卜卜，店員有講係廚房新鮮炸出嚟嘅！朋友嗌咗雞湯拉麵，相對蝦湯來講，佢嘅味道會比較清新，但同一時間因為湯冇咁濃郁麵都冇咁入味，所以如果兩者比較嘅話我會更加鍾意蝦湯🦐！ 小食方面，我哋叫咗炸魷魚鬚同埋牡蠣天婦羅🦪魷魚鬚嘅份量超級大，同樣都係炸到酥脆可口。但最最令我驚喜嘅係牡蠣，一口咬落去脆卜卜之餘都好多汁，啲汁都好鮮甜，感覺有大海嘅味道🤣🤣 成間鋪嘅裝飾用咗日本嘅復古風格，仲有一啲波子機同埋遊戲機可以比客人玩，都幾得意㗎，我幾鍾意牆上面黐住好多日式復古海報，好有feel！

試過川婆婆的銅鑼灣、尖沙咀分店，對其印象都不錯。除了食物質素好之餘，最重要是份量多，價錢划算。最近來到觀塘工作，居然在東廣場發現川婆婆的分店，同樣主打四川粉麵及小食，今次就與同事各自食碗粉，配些小食過過癮。
——————————
🔹酸菜金湯米線 （韭菜餃、美國肥牛、腩肉）$56與一般的酸菜金湯相比，這裏的酸辣味無咁重，鹹度較高，惹味～三款配料中最愛韭菜餃，外皮滑溜，餡料飽滿鮮香。
🔸酸辣寬粉（司華力腸、炸豬扒、墨魚味春卷）$57酸辣度適中，寬粉彈牙煙韌🍜最愛的是炸豬扒，欣賞它連骨、帶少許脂肪，肉質較腍且香，食得出它沒加鬆肉粉；炸得香口，充滿醬油的焦香味，出色。
🔹椒麻墨魚嘴 $38份量不小，一小碟有10幾粒，簡單煮過後灑上特製辣粉，爽口彈牙。
🔸麻辣豆腐串 $20豆腐串浸泡在麻辣湯中，吸飽了湯汁的精華，相當入味。
🔹凍豆腐 $12/杯

《川婆婆 - 觀塘》
熟悉觀塘既人都知道，喺工廈區果邊其實有好多唔錯既cafe同餐廳，不過要講到價廉物美的話，非東廣場同觀塘廣場莫屬🤭我就最常去果邊買格餅同牛腩米😉其實有間川菜館一直都幾想試，之前行過門口見到佢主打水煮肥腸、酸菜魚等菜式，呢啲菜式一般都要幾個人share先可以食到，但呢度就有一人份比大家選擇，咁就算lunch time 都可以一人自私食啦😉今次過黎接我姑姐收工順便食飯，姑姐又係好喜歡食川菜的，順理成章就黎試下呢間餐廳既水準啦
💁🏻‍♀️涼拌魚皮 $38 魚皮爽口彈牙，個涼拌汁入面有醋、辣油、芫荽、香蔥調配，酸酸辣辣咁好開胃，一份都有幾多片魚皮架，餐廳切得都算大件，令到個口感更改紮實，同埋我覺得佢墊底既青瓜點滿左涼拌汁後都好好味，又係另一種口感

💁🏻‍♀️水煮肥腸魚片 $88 由於我真係好想試佢個肥腸，但佢個魚片又好似好signature 咁好吸引🤭所以唔好揀，兩樣要曬😎我就叫左個水煮肥腸魚片餐試下，佢入面已經有寛粉、芽菜、豆皮、海帶等配菜，基本上一定夠食，如果驚唔夠飽仲可以加錢要白飯又或者加底添😉佢個魚片切得薄身，食落軟滑吸湯👍🏻最緊要係無骨丫嘛，啖啖肉好正😋而且份量真心多，肥腸處理得幾好無怪味，咬落油份充足好香口，浸左水煮湯後更加惹味
💁🏻‍♀️酸菜魚 $68 酸菜魚入面同樣已經有齊配菜，同樣可以按照自己食辣既程度叫小、中、大辣，我地第一次食所以小試佢個小辣就夠啦😎驚自己太不自量力🤣個人覺得呢度既小辣唔算太辣，大約x仔既五小辣左右啦，魚塊同樣都份量十足，個湯底微微帶酸又係好開胃，另外個酸菜都係幾好食的，基本上菜葉都比我清曬咁滯😜

💁🏻‍♀️西柚茉莉花梳打水 $12 佢呢度既特飲平均都係$10-12蚊左右，抵過飲汽水呀😌西柚茉莉花梳打水叫少甜的話味道剛剛好，唔會太膩太黏喉，飲落清新有西柚肉喺度，解辣一流

💁🏻‍♀️荔枝茉莉花茶 $10
而另一款飲品姑姐就揀左花茶，茶有助中和食左咁多辣野既油膩感，帶點微微既荔枝味，清清甜甜易入口，$10真係抵呀

總括嚟講，呢間位於觀塘廣場嘅餐廳我之後都應該會再嚟試食其他嘢，以佢呢個價錢食到咁嘅質素咁嘅份量絕對超值，我個人特別推介佢嘅魚片同埋肥腸，佢個魚片唔係好有咬感爽脆嗰種，反而係好滑溜嗰一隻，係我鍾意食嘅口感👍🏻以後喺觀塘自己一個人都可以獨食酸菜魚啦

#20230728 🤍 📍 韓米 @hanmi_korean 觀塘成業街7號東廣場地下G53A號舖 🍽️ 將軍澳｜屯門｜柴灣｜荔枝角｜青衣 均有分店 ➖➖➖➖➖➖➖➖➖➖➖➖➖➖➖➖➖➖ #五花腩紫菜卷 $58 💭 有時lunch唔太肚餓想食啲輕食，韓式紫菜卷都係個唔錯既選擇🇰🇷因為想清清地唔想食咁多醬，於是揀左呢個五花腩卷，入面料都有好多，菜肉比例岩岩好，舊五花腩好厚身，彈牙爽口👍🏼夾埋啲蔬菜食一啲都唔會膩，如果想食飽啲都有套餐可以揀，不過🐷數過咁樣一條都有9件，食晒都幾飽肚😎 . #觀塘美食 #🐷在觀塘 #將軍澳美食 #🐷在將軍澳 #屯門美食 #🐷在屯門 #柴灣美食 #🐷在柴灣 #荔枝角美食 #🐷在荔枝角 #青衣美食 #🐷在青衣 #🐷_食

Comfy by Chef’s Stage 平時經過觀塘東廣場都冇為意入面有特色嘅餐廳，今次選擇左呢間西餐主打嘅餐廳同老公撐枱腳。入座時間比較早所以立即已經有位，值得一提嘅係餐廳入面有唔同風格嘅打卡景點，適合情侶或者閨蜜SELFIE影相。 前菜order咗芒果蟹肉牛油果沙律，本身唔算好鍾意牛油嗰陣味，不過結合埋蟹肉同芒果，比多一種驚喜嘅感覺。 Main dish揀咗煙肉及意大利豬肉腸花椒忌廉汁扁意粉，煮法加入咗中式香辣嘅元素但又唔會掩蓋左意粉本身嘅味道，都算幾特別。 另外仲order左香煎美國雞胸，煮法上佢保留左本身雞肉嘅肉汁唔會有諧霎霎嘅感覺，而醬汁亦都幾配合。 飲品方面order左一杯冰磚抹茶紅豆鮮奶同埋雜莓乳酪沙冰，兩杯飲品都好靚，其中綠茶紅豆特飲，入面既冰磚係用濃厚嘅抹茶粉整，所以成杯野飲都keep住咁好飲。 整體而言呢間餐廳性價比唔錯，而且坐得舒服，可以再encore。

今晚朋友話想食西餐💕 平日既晚上我地6點鬆d就到左位於觀塘東廣場既comfy by chef’s stage 果時時間未算好多人 唔洗點等位就可以入座啦 環境都尚算非常舒適✨ 之後我地就點餐，叫左3樣野食 Pizza, 薯條小食 同埋牛扒🥩 份量都尚算適中 Pizza好足料味道都唔錯👍🏻 要讚一讚個牛 有肉味🫶🏻幾香口 配埋旁邊晚配菜都有85分💖 如果兩個人叫餐黎講 份量唔算好多 所以都只係岩岩好夠飽 而價錢就中上 但我都欣賞依間店鋪 食物健康 伴碟都靚 賣相一流

約咗朋友係觀塘下午茶，朋友推介先知東廣場最入面，有間又大坐得又舒服嘅Cafe，好適一邊Chill 住傾計，一邊慢慢食野 😆 

 📌冬陰功軟殼蟹意大利飯  🦀 
本身都鍾意食泰國菜，見到呢個fusion意大利飯好似好吸引，所以就叫黎試下。果然無令人失望，首先一上枱賣相已經好吸引 🤩軟殼蟹炸皮唔會好厚，脆卜卜好香口，冬陰功意大利飯有驚喜，酸酸地帶少少辣，好match好開胃!
☕️ 咖啡方面，叫左一杯Ice Americano 同一杯Latte，咖啡豆係我鍾意嘅偏nutty，飯後一杯啡解膩一流! 😍

做完gym 2點零鐘想食番d健康野食，見東廣場Coffee Art menu有雞胸豆腐沙律，就決定試試佢。
脆豆腐煎雞胸和風沙律 7/10 ⭐️
雞胸片簿左3塊黎煎，簿簿地煎得幾香口，調味亦啱啱好，唔會太咸，咬落去有d脆硬既感覺幾過癮。新鮮炸既豆腐外層酥脆入面軟滑，我個人好喜歡，可惜成碟只有4粒，有d唔夠喉🥲。沙律菜幾新鮮，加左海帶入去，亦用左柚子醋作為seasoning，酸酸甜甜幾開胃。成個沙律overall味道唔錯，而且好健康👍🏻，唯一缺點就係佢無咩特別🙈

Flat White 8/10 ⭐️
奶泡綿滑，拉花好stable keep到好耐無走樣，飲落去咖啡好順口，espresso既濃度同奶比例我認為恰到好處🤎

服務: 職員熱情有禮

環境: 我去既時候係閒日既2點幾，人流較少，所以都有好多空位可以揀。不過店鋪唔係十分闊落，假日人流多既時候可能會比較擠逼。


📍Coffee Art
🚇 觀塘
🕑 My visit: 閒日下午
⭐️ Food: 7.5/10
💲ard HKD 100/person

以前喺kt番工都成日去東廣場lunch，宜家竟然開左間靚靚餐廳！所以約左個媽媽去帶b gathering! Tea set❤️ 煙三文魚begal配薯條 $99 Bagel唔硬，煙三文魚份量適中，裏邊仲有cream cheese! 火腿芝士牛角包配薯條 $101 有2個牛角包，鬆化，好食！ Tea set包部份飲品，其他特色飲品要額外加錢。 柚子蘋果梳打 略甜 +$21 玫瑰西柚烏龍茶 清，好飲👍🏻 +$23 水牛芝士無花果巴馬火腿沙律 $128 水牛芝士配Parma ham根本冇得輸，而且佢份量都多！用嘅黑醋唔錯，襯嘅！ Tiramisu $58 自問tiramisu愛好者，去餐唔同餐廳都會嗌嚟食🤣呢間係少數餐廳，我覺得tiramisu 係做得好食嘅，可以一試👍🏻 地方夠大，2架bb車都放得落。waitress超級nice，絕對係baby friendly👍🏻

經過觀塘東廣場，見到有一間別樹一格嘅西餐廳🍴裝修簡潔，走文青風路線。環境舒適，有種令人恬靜淡然嘅感覺🌿 我係晚餐時段去食飯，人流吾多，坐得較為舒服。 我地叫點咗一份明太子甜蝦扁意粉+黑松露雜菌賓尼迪蛋酸種麵包。 明太子甜蝦扁意粉🍝汁醬好多，幾乎每條意粉都沾有明太子醬；而且餐廳選用扁意粉，能夠充分掛汁係意粉上。個人口味偏淡，略微覺得意粉有啲鹹，意粉質地偏軟腍。甜蝦一般，食得出吾係新鮮嘅🫢 黑松露雜菌賓尼迪蛋酸種麵包一份有兩件，有沙律菜🥗伴碟，酸酸甜甜，幾開胃。黑松露味道香濃，雜菌份量多，但偏油。雞蛋🥚餐廳標明係選用蘭王蛋，切開係金黃色流心嘅。個人認為荷蘭醬麻麻地，吾太香，奶味吾重。酸種麵包🥖係偏硬身，比較普通。 飲品方面，特飲巨峰提子檸檬梳打味道吾錯，賣相滿分👍🏻 但略厭檸檬味淡，梳打氣泡少。 整體嚟講，味道質素中規中矩，環境舒服，適合想要寧靜享受時光嘅朋友仔。