黃埔美食坊有間健康抵食素食，提供多種素食菜餚。餐廳環境舒適和溫馨，裝潢簡潔而現代化。餐廳內的座位安排得宜，且空間寬敞。 先點了粟米豆腐羹。這個碗裝的湯品味道濃郁，口感滑順。粟米的甜味和豆腐的軟嫩相當不錯。 我們選了紅燒鴛鴦豆腐，用紅燒醬汁烹調而成。豆腐質地細嫩，口感豐富，搭配著濃郁的紅燒醬汁。 另外點了雜菜炒麵。炒麵的味道濃郁，調味適中，各種蔬菜的甜味和麵條的口感完美結合在一起，帶來美味的素食選擇。 這裡還有精緻的點心選擇。金箔蝦餃和台式煎鍋貼都是其中的亮點。素金箔蝦餃內餡鮮美。台式煎鍋煎得幾香口。另外茶位$10/位。

今晚同朋友去左黃埔嘅California Pizza Kitchen食晚飯, 就朋友要喺正MTR一出就到嘅地點, 而又想食pizza嘅願望. 喺黃埔美食坊樓上, 地方都幾大, 坐得舒服. 🍝 特色蒜香蒜油意大利粉配雞肉 我地聞到好香Garlic味呀, 意粉炒到乾身但唔係Dry, 啖啖都充滿蒜油香, 見意粉上面灑左勁多芝士粉仲好味; 足料嘅雞肉大件入味, 抵食👍🏻. 🍕 水牛香辣雞肉薄餅 辣度係有嘅水牛城style雞肉, 有西芹但完全唔覺會怪, pizza批底係即拉嘅薄批底, 批邊好chewy好味. 我地以前點解會有碗咁細嘅湯？ 原來係一大碟Blue cheese醬點pizza, 想講係勁正勁夾架! 🍹 好似外國餐廳, 飲品大大杯, ice tea係free refill呢, 店員非常留心, 讚! 而且見到餐廳嘅枱櫈setting勁family friendly, 係Open Kitchen, 而家好有氣氛嘅Halloween佈置. 最緊要坐得舒服.

放工同朋友食個便飯，去左黃埔美食坊內的巧饍坊食下素菜。大約八點左右去到，以外地少人，可能因為過左晚飯時段啦。 店員好快送上茶，可選普洱或香片，我地揀左前者。之後又送上qr code，個介面好多選擇喎，晚市都有點心食😍 🥢辣子猴頭菇 朋友揀嘅小菜，哈哈，望落好多辣椒，但其實唔辣㗎。猴頭菇切粒再炸，炸得香酥唔油膩，口感不錯，正😍 🥢亞麻籽燕麥叉燒包 呢個有驚喜！叉燒包包身鬆軟唔立口，亞麻籽增加口感，素叉燒香口唔過甜，比真叉燒包更好食，推介👍 🥢素菜燒賣 餡料有木耳絲、紅蘿蔔絲、粉絲等，咬落軟綿綿但木耳有脆脆嘅口感，好食😋 🥢鴛鴦蒸餃 餡料同燒賣差不多，但多了椰菜，食落有少少辛味，感覺似有薑，綠色的餃子更多了點菠菜味，雙色餃子都唔錯。 🥢小籠包 小籠包不似預期😅餡料雖然同燒賣/餃子類似，但呢樣較乾身，香味欠奉，較推介其他點心了。 飲個夜茶嚐下素點心確實唔錯，值得再訪😌

我經常去黃埔行街食飯，但很少上去「黃埔美食坊」3樓，原來3樓有間很大間的「California Pizza Kitchen」，座位寛闊，燈光光猛，有很多款pizza 選擇，食材新鮮，味道還很不錯呢！真是後悔發現得太遲。 「原味燒烤雞肉薄餅」$132 這個招牌菜薄餅果然名不虛傳，滿滿的雞肉條加上秘製的燒烤醬、煙高打芝士、紅洋蔥和芫茜，配合手拉的薄餅皮，批底厚薄適中，非常好吃。 「肉醬意粉」$119 意粉軟硬適合，配合超多的肉醬混合一起吃，好好味 難得有可以添飲的檸檬茶

California Pizza Kitchen (黃埔天地美食坊) (紅磡) 紅磡黃埔天地美食坊(第8期)3樓302號舖 。 唔知大家記唔記得細個嗰陣，食pizza 🍕 來來去去都係食2-3間連鎖餐廳，其中一間就係California Pizza Kitchen 😝 嗰陣仲間唔時就會去下旺角家樂間分店食 。 時至今日，呢間老牌餐廳係黃埔美食坊依然屹立不倒👍🏻 。 事隔多年無食，今次簡簡單單叫左The Original BBQ Chicken Pizza ($132) 🍕 & Bolognese Spaghetti ($119) 🍝 。 仲有就係必叫嘅無限refill凍檸茶🍹，我鐘意糖水另上咁我就可以輕鬆走甜，食pizza通常都會比平時食飯飲得多飲品，無限refill就唔洗慳住慳住飲啦 😍 。 Pizza餅底仍然保持水準，係我喜歡嘅口感，帶有少少煙靭，厚薄岩岩好 😌

去黃埔美食坊 因為就腳  心情唔平靜 所以要食清淡
我不是無肉不歡， 一碟菜煮得好味 發揮食材的最佳味道就是極致了。  無需一定要配搭肉 三杯猴頭菇 麻油 醬油 酒 的調味足 加上九層塔增加香氣
猴頭菇炸完 更硬和乾身 一絲絲纖維更有口感
還有黑木耳索汁 xo醬炒腸粉 夠香辣  腸粉結實 份量足
有預先煎香
比酒樓不合理貴的點心 和油淋淋 做得更有誠意  通菜炒得好有鑊氣 仲可以選低油低鹽 欖菜肉鬆 炒飯粒粒分明 素肉鬆脆脆的
鹹香味突出  三色豆 只要煮得好 一樣好好味。  最後叫了一個麥米糕  我最鍾意呢d 粗糧 雜糧的甜點  貪有嘢可以咬  以為只係麥米 原來都有糖水住過的雜豆係中間
麥米硬 豆豆軟
外面用馬蹄粉漿包住  成個糕熱上 攤凍後好煙韌   餐廳入面有個小佛壇 好平靜 員工大家都好平靜 大家對答好舒服
大家食野又不需要 狼吞虎嚥  平靜的享受食物

問心，第一眼望落去唔睇字你真係知佢係齋咩？😏🤨🤨 呢間喺黃埔美食坊好耐嘅野我基本上住咁耐紅磡一次都冇食過 今次算機緣巧合就會一會佢 吖又ok喎😮 😇炒麵 就冇咩特別真係豉油皇炒麵咁 不過幾香口 😇杏鮑菇條 係咪我唔講完全冇人知其實唔係薯條嚟😎 佢幾得意 有烤炸嘅香脆，又多一陣杏鮑菇嘅菇味同口感 得意又有營養 😇飛天通菜 佢地啲齋鋪醬有時真係零舍惹味 佢炒菜隻細醬有少少偏鹹同辣 但係係惹味同鮮味，拍得住腐乳炒出嚟 😇南瓜醬賽螃蟹 好有趣嘅組合 冇記錯食落冇蛋黃 直接用南瓜嘅甜香帶個蛋白香出嚟 清清哋但印象唔差 😇麻辣雞煲 真係有料犀利不得了 佢搵麻辣雞煲啲醬炒炸過嘅厚切猴頭菇 個口感呀味道同鮮味同真嗰啲有得輝 再加埋佢咁樣熱住上真係香到冇朋友🤩 佢啲擺設好佛好清心，食一次即刻拯救蒼生X1😎 肥仔指數：🐒🐒🐒🐒/5🐒滿分 #foodiehk #food #美食 #美食家 #肥仔覓食 #食物 #hongkong #hk #hkig #Instagram #食家 #食評 #香港 #香港人 #hker #hkfoodie #delicious #foodblogger #greenmonday #vegetarian #vegan #素食 #veganfood #vegetarianfood #素食者 #佛 #賽螃蟹 #麻辣雞煲 #以假亂真 #色即是空

黃埔美食坊真係好多嘢食，今日就去咗食茶木！ 先叫咗一個「台式滷味拼盤」（$86）， 一碟有齊雞翼、豆腐、牛栢葉、五花腩、牛𦟌同滷水蛋，認真抵食！
每樣食材都好入味，特別鍾意食嚿豆腐，真係好香口！

第一個餐叫咗「紅蔥地瓜燉牛頰肉配白飯」（$114）， 牛頰肉用小鍋上，底下有火暖住，放幾耐都熱辣辣！
肉味十分濃重，而且炆到好腍，加上飽肚嘅蕃薯，令人好滿足。
加咗兩款小食（$44），分別係「自家製台式烤香腸」同「黃金鹽酥雞」， 呢個夜市組合好正，香腸加埋蒜片好夾，送飯一流，
鹽酥雞份量就超多，而且炸得好香脆，肉質亦都好香嫩！
嘢飲就叫咗「木柵鐵觀音奶茶配仙草凍」（加$14），另外再加咗胚芽（$5）， 奶茶可以配唔同嘅配料，選擇好多，加咗胚芽令個奶茶更香更濃！

第二個餐就係「鳳梨鮮果甜酸肉配白飯」（$130）， 甜酸肉放在喺菠蘿上面，好Grand，個汁酸酸甜甜，好開胃，
而配料有菠蘿、火龍果等，好甜好香，令個口感更加豐富！
小食方面，又係加咗兩款（$44），分別係「蒜香麻辣豬耳朵」同「黑麻油雞翅」， 豬耳份量有好多，唔算辣，但就好香口，撈飯一流；
雞翼同拼盤果款好香麻油味，兩隻雞翼只係加廿零蚊，十分抵食！
嘢飲就叫咗「雲頂咖啡」（加$19），咖啡加咗焦糖漿，夠甜夠滑， 加上少少鹹味嘅奶蓋，成個配搭好好，好啱食完嘢解解膩。

最後跟餐有兩款甜品，第一款係「台式奶茶茶凍」， 濃重嘅牛奶加上淡淡嘅茶香，令呢個甜品好易入口，唔會覺得飽膩。
另一款係「精選冰淇淋」，今日係「茶木珍珠奶茶冰淇淋」， 雪糕好香口，加上甜甜嘅珍珠同淡奶，為呢個晚餐劃上一個完美句號。 茶木真係好好食，食幾多次都唔厭呀！

近期聽佛計聽多咗，覺得多食素無論對環境，心靈同健康都有幫助，比我搵到一間喺黃埔美食坊的素食店。餐廳環境大而寬敞坐得舒服，有個小佛堂可以供奉，環境，食物有點心，小菜，炒粉麵飯選擇多。小籠包
素食版本，以菇類做餡料，皮薄餡靚，只差了湯汁，要不然就更完美了。金絲香芋酥
外脆內軟，外面一絲一絲所以更加鬆脆的，入面的芋蓉好香濃。羅漢齋炒麵
可選少咸少油，感覺比較健康，羅漢齋的材料有菇類，雲耳，小粟米，腐竹，白菜，上枱時熱辣辣，火候夠，味道啱啱好。滷水素鵝片
外皮做到脆脆的有如食鵝皮的口感，肉質唔會太硬但有口，仲有雲耳花生托底。亞麻籽燕麥叉燒包
包身加了亞麻同籽同燕麥，健康加分，包的質地好軟熟，叉燒餡料分量足感覺唔會肥膩。是日糖水，番薯糖水
除咗番薯有薑，做到原汁原味，食得出番薯本身的甜。

試新嘢！今次朋友喺澳洲返嚟，難得齊人開飯，我哋包咗間房。房間好闊落，啲嘢好新淨。食物質素同埋都有驚喜。值得推介。 我最鍾意佢個胡椒豬肚湯，啖湯好濃，好香。豬肚夠爽，胡椒味適中，好暖胃。 冰鎮南非鮑伴糖心蛋 - 滷水味伴隨有輕微清酒香氣，夏天食非常清新！ 章紅魚三食 - 刺身、雞湯灼、酥炸腩骨。魚夠新鮮，三種都好食。個人比較鍾意酥炸腩骨送啤酒一流👍 荔枝脆蝦球 -造型好Ig able🤣 熱辣辣上碟，外脆內爽，正。 糯米釀雞翼，手工菜，唔係度度有✌🏻 紅燒三層肉，啲肉真係好肥，鍾意食肥肉嘅啱晒。雖然唔膩，但人多叫比較好。 鮑魚雞粒石鍋飯，炒飯粒粒分明，石鍋上有飯焦，又香又脆。

今日我嚟到咗黃埔美食坊嘅茶木台式休閒餐廳，真係食到好滿足㗎！😋 📍草莓蜜糖歐軟磚塊（$78） 真係好味到爆！草莓蜜糖歐軟磚塊有住新鮮嘅草莓味，再加上香甜嘅蜜糖同柔軟嘅歐軟磚塊，咁好食嘅組合真係令人欲罷不能。🥰🥰 📍抹茶鮮果流心歐軟（$88） 抹茶鮮果流心歐軟就更加驚艷啦！外層係抹茶慕絲，入面有住新鮮嘅水果，再加上流心嘅驚喜，一口咬落真係好過癮！😍 茶木嘅環境都好舒適，氣氛好放鬆，啱哂嚟緊壓力大嘅你嘅心情。👍 🎯茶木‧台式休閒餐廳 地址: 紅磡黃埔天地美食坊(第8期)1樓113號舖 #生日餐廳推薦 #打卡餐廳 #打卡 #相機食先 #美食推薦 #foodie #hkfoodie #hongkongfoodie #foodstagram #foodblogger #ilovefood #foodie_features #美食推介 #黃埔 #黃埔美食 #美食坊 #黃埔美食坊 #甜品控 #甜品 #抹茶 #抹茶控

黃埔開左好多餐廳，琴晚終於有時間同朋友係黃埔美食坊嘅茶木chill下先🥰🥰

📍紅燒牛肉米粉（$88）
個湯底濃郁，牛肉滑嫩，好淋，加上勁甜既蘿蔔👍🏻👍🏻米粉係我最愛既地瓜米粉😍😍😍米粉勁出色🥰口感幼滑💁🏻‍♀️好食！

📍鳳梨鮮果甜酸肉（$98）
呢個色香味俱全！我勁推介！必食！
酸酸甜甜嘅鳳梨，配上肉質鮮嫩嘅炸肉片，實在係一絕，而且肉塊勁香脆！食唔停口😍

📍古早杏包三杯雞（$82）
顏值高高的說💁🏻‍♀️有個小蠟燭暖住個爐，味道濃郁，雞肉滑嫩，杏包片吸哂肉汁👍🏻香氣四溢，好適合慢慢品嚐。

📍蜜汁燒豬小腿配火炙金鑽鳳梨（$88）
燒豬肉質鮮嫩，表面啱啱好啖嘅蜜汁燒汁，再配上香甜嘅火炙鳳梨👍🏻加上燒小豬腿勁淋勁正👍🏻必試👍🏻

📍金鑽鳳梨水果茶
水果茶有冷熱既選擇，水果都好滿滿的💁🏻‍♀️
而且可以選擇甜度，讚呀👍🏻👍🏻
📍冰淇淋鳳梨沙冰
滿滿整杯都係好香既鳳梨味道！不時不食😍現正係鳳梨既當造時節，緊係要試！勁幸福滿滿鳳梨口感！好飲啊！加上雪糕，令成杯味道提升呢💁🏻‍♀️


📍追加小食：鹽酥雞（$22/半份）
呢個價錢性價比高👍🏻份量都唔少💁🏻‍♀️夠香脆，新鮮即炸既感覺呢🥰

餐廳勁舒適，同朋友一齊係餐廳食飯吹水既好地方，裝修有格調👍🏻有休閒既感覺💁🏻‍♀️

巧饍坊在黃埔美食坊，系一間創意齋菜館，佢環境優雅，食物出品用心，非常高質。 餐廳用咗好多蓮花燈做裝飾，周圍環境都充滿佛教元素。 鳳梨生炒骨 加咗三色椒的生炒骨味道酸酸甜甜好開胃，生炒骨由腐皮及蓮藕捲成，外皮炸得香脆，蓮藕夠粉夠香，層次感唔錯，好似食緊排骨嘅口感，分分鐘可以以假亂真。 秘製叉燒 配兩條翠綠菜心，用麵筋模仿的叉燒樣子媲美真叉燒，外皮有啲燶邊脆感，內裡比真叉燒更軟滑，叉燒醬汁調得啱啱好又唔會太油膩。 脆香紫豆卷 香脆腐皮把紫菜一層層卷住，口感Q軟，層次豐富，又十分香脆可口，沾上喼汁味道更好。 千島醬蘿蔔糕 極具創意嘅蘿蔔糕，外皮炸到金黃色，仿肉鬆鋪面加上千層醬，咬落外脆內軟，蘿蔔餡非常綿密。 📍巧饍坊(素食) 紅磡黃埔天地美食坊(第8期)1樓106-107號舖 港鐵黃埔站D出口，步行約1分鐘

而家素菜款式勁多，今次再訪黃埔美食坊內呢間主打精緻素菜，一入門口就見到一排排荷花🪷燈裝飾，整體裝潢極有氣派的餐廳。 荔芋酥魚 之前食過好回味😋 做成魚的形狀，外層鬆脆，芋蓉香滑，配上酸甜醬汁，食得更滋味 京式素烤鴨 少鹹少油，用腐皮做成嘅烤鴨，外型幾可亂真，入口脆軟帶煙韌，最緊要伴著薄餅、青瓜甘荀條、脆片及醬汁一齊食 皇牌素小籠包 餡料有鮮菇蔬菜，加上滿滿的湯，外皮唔算太薄，但整體食落好有口感 素菜燒賣 有驚喜🤩 每粒都好飽滿，入口嫩滑爽脆

之前食過咁多間新興素食，都想試下傳統少少，依間位於黃埔美食坊既餐廳裝修以佛教元素為主，門面有好大牌匾同埋蓮花燈，入面食客主要係一家人、長輩。 二人富貴套餐 $368 呢個套餐本身有鳳梨生炒骨同鮑參翅肚，但上菜後發覺有啲唔同，不過睇落都吸引，可以試試。 蜜汁叉燒 呢個叉燒應該係用咗比較高蛋白質嘅麵筋粉，令口感煙韌啲，咬開中間會見到一絲絲氣孔，似叉燒肉嘅質感，口感同肉味未必好似真肉，靠醬汁搭救。 蓮藕粉葛湯 有清熱滋陰既作用，清甜冇肉類既膩，而粉葛同蓮藕都切到一粒粒，都算足料。 斑蘭蓮蓉包 呢個蓮蓉包外皮以青綠色同金箔為主，一咬開就見到好似抹茶深綠色嘅餡料，散發出陣陣嘅班蘭香味，咬落味道香甜又軟熟，非常推薦。 紫豆卷 即係以油炸既紫菜腐皮卷，一層一層咁夾住，咬落酥脆，係平時傳統素食常見既菜式。 蘿蔔糕 蘿蔔蓉既份量唔算多，食落係糕為主，但以冇咗火腿嘅素食蘿蔔糕來講都算香口，口感唔錯。 仲有用橄欖製嘅欖菜四季豆同精美甜品係番薯糖水，整體不過不失。 巧膳坊 🍚🧆 人均~$200