仲記得第一次食greyhound 係7年前係Bangkok，當時同老公都覺得好型同好食，心想如果係香港開一定有得做，估唔到幾年之後香港真係開咗!咁一定要黎試下係咪同泰國一樣咁正啦!
老公生日適逢母親節前夕，無book枱所以要排wait list，終於等咗20分鐘入坐啦!個manager好細心會同d客講個位上面有air fan會有d凍，當然願者上釣。
我地叫左三文魚配泰式辣汁，個辣汁好醒胃，簡直係主要靈魂!
芝士肉腸餡餅，就係一個pizza，冇咩特別!
海鮮泰式意粉，呢個意粉每次去泰國嘅greyhound都會叫，味道一流同埋泰國d海鮮多d囉!如果喜歡青胡掓嘅朋友一定鍾意!
魚露雞翼，係泰國呢個叫魚露雞翼，但唔知點解呢度浄係叫做單骨雞翼，唔通冇落魚露?點都好啦!好食就得，但總覺得泰國好似嫩口d香d!
甜品叫左香蕉朱古力千層班㦸，呢個d cream真係好香好soft!一個字~正!!
仲叫左2杯飲品，一杯係老公好鍾意嘅Apple Shake!係用青蘋果鮮打出黎，好清甜!而我就叫左lime tea greyhound style，見到好多人都話好飲，但本人就不太喜愛，首先太甜，而且雖然話係lime tea但只有薄薄一小片嘅lime，反而味道好似Malaysia 嘅桔仔冰嘅味道再加紅茶!下次都係試下 d cocktail 會好d!
總括呢講冇得去泰國而又想念greyhound嘅話可以黎止下渴先!

Bad food bad service!!
今日下午3時多惠顧中環ifc mall 分店, 客人一半滿左右, 男經理故意要我地排隊, 但門口只有我們, 唔明點解要排隊, 其實我地已經近門口一邊唔阻住佢門口, 個經理用指令口吻, 感覺似命令緊犯人排隊咁! 咁我地企一陣真係無咩所謂, 反正我地都唔趕時間, 但佢地都攪左一陣, 先等到佢俾我地入座, 餐廳當時只有一半滿的客人, 但就竟然安排一張有冷氣機滴水的位給我們, 眼見sofa位, 及附近都有很多座位, 但男經理就指sofa果邊都close了, 其實當刻仍有位外國人坐緊係sofa位進食中, 但我們費事同佢計較啦, 點不知坐下10分鐘唔夠, 友人個位有冷氣機出口位滴水, 而同時就有個"名人"黃敏德及兩個友人, 進入餐廳就直接坐左去果邊sofa位, 而我們呢, 就繼續坐滴水位!! 想要求換位又話其他位已經reserved! 最慘點左野食!!
食物點了$228的Scallop, 6粒都唔新鮮, 好細粒, 友人都食到有雪味, 我就食到腥味其實以這個昂貴價錢去惠顧這個質素的海鮮, 真的令人失望!
飲品方面, 我們都點了杯Lemongrass tea, 飲落係冇honey, 感覺無咩甜味, 要求女侍應攞糖, 佢就同我地拗, 佢話個茶本身有honey, 但其實廚房冇落honey, 我地只飲到茶的lemon同埋苦味 後來我地再要求另一個侍應取honey給我們!!
不得不提, $98 Shaghai noodle 廚房炒時用了好多油, 食落成口都是油, 豬肉炒得太乾身, 感覺好難食! 而且份量很細碟, 跟其他餐廳相比, 只有一半的份量, 但我唔記得影佢相. 如果有興趣想試的朋友, 最緊要是鐘意油, 但給節食減肥的人溫馨提示, 可能這碟的卡路里是正常份量的幾倍啊!

總結這次的體驗是, 服務質素同食物新鮮程度, 及好味指數都是差極!! 有個好新的後生男侍應生, 來錯食物放在我們餐桌! 不久另一個女侍應取走來錯的食物時, 我們問她是否放錯了, 她沒有理彩我們的提問就將來錯的食物拿走開了! 佢地係完全冇唔好意思的態度
如果, 我指的是假如, 個餐廳經理係想白鴿眼普通的食客, 就是最令人討厭!! 問題是為什麼我們入座時就不給予要求的sofa位, 什至要我們坐滴水的位, 而所謂的外國"名人"後來入座就有不同待遇!! 而他所講reserved 的位旁邊, 仍有很多可以安排的座位, 因為成間野根本就只是坐滿了一半都唔夠! 安排座位是很簡單的服務, 但竟然令人完全廢解! 如果佢close左果邊係要俾佢職員方便清潔服務或休息用的話, 我們食客當然可以諒解, 但事實係佢安排俾佢眼中的"vip" 咁點解唔一早講明全部sofa位都reserved左呢? 佢本來係話close架喎, 咁點解又會有果個"名人"入座呢!

衛生方面, 食食下有蒼蠅在我們座位不停來回!! 不知道廚房的衛生又如何呢?!
最不安是餐廳冷氣滴水問題, 冷氣水直滴到友人的頭上, 後來坐近玻璃窗口才逃過滴水的問題, 總結係令人覺得衛生很差! 總之本來好好心情去食野, 變左好差心情, 可以用貼錢買難受來形容! 難頂程度係永不回頭!

本來好想打電話去投訴佢地反影佢地的食物質素, 及侍應以至經理的服務, 可是我覺得要上來俾大家知道我的親身經歷更重要, 所以花了一點時間去打呢篇食評, 而且我打算以後都唔會再惠顧呢間餐廳, 所以都慳點時間不向佢地投訴.

薄切三文魚片配泰式辣汁, 賣相一流, 三文魚口感軟滑, 配以泰式風味辣汁, 可口醒胃.泰式河蝦冬蔭公湯河粉, 湯底帶微酸香料豐富濃郁, 大河蝦肉質彈牙, 配以闊條湯粉, 值得回味.香蕉榛子芝士蛋糕, 香濃芝士及鬆化餅底配以香蕉片, 可可粉及榛仁伴碟, 美味非常.藍蘭豆甜菊茶, 顏色呈海藍色, 味道以甘菊為主, 原味自然, 伴以蜂蜜飲用, 清新感覺足以舒緩全身勞累.

頭盤 意大利肉腸芝士餡餅外皮香脆可口, 芝士夠多夠濃, 肉碎和肉腸很香口, 香辣程度剛剛好, 非常惹味開胃主菜 鮮蝦炒金邊粉
金邊粉很煙韌,很有咬口,完全不油膩,鮮蝦很爽,配合豆干,芽菜和超香的花生碎, 味道讓人讚不絕口甜品 芒果芭菲
最有特色的甜品, 單從外表看想不到會這樣好吃, 面頭冰凍的椰子雪芭超香, 配合椰子肉入口即溶, 下層是香甜的芒果肉, 配合底層暖暖和鬆軟的糯米飯, 冷跟熱的感覺在味蕾中旋轉,令人難以忘記飲品 Greyhound Café特色檸檬茶
這杯檸檬茶最特別的地方就是連冰也是檸檬茶製成的, 苦澀的紅茶, 酸溜的檸檬和糖味的甜蜜, 如連體嬰一樣不能分開, 缺一不可

是日, 買了戲票晚上八點, 但到IFC 已是六時四十五分, 要醫醫肚, 看見近近到的GREYHOUND 於是一試,

過去攞枱, 說明還枱時間為八點, 正好我們看電影的時間, FAIR DEAL!



由於時間關係, 快點了

雞翼 – 係半邊雞翼, 熱la la 及脆脆的, 果然是招牌菜, 推介煙三文魚薄切 – 很有泰國風味, 加入泰或辣汁及蒹片, 做法似泰式生蝦, 很有新鮮感…..

Spaghetti Cha Cha Cha

其實係海鮮(帶子, 蝦, 尤魚圈等) 加墨汁意大利粉, 沒有墨汁味, 但食落香口和辣的, 海鮮好似沒有味道

值得一讚是上菜SPEED 真得很快, 我地7:45 已經完食完….仲有時間!!



下次再來, 但最好先訂位!!

同朋友係IFC Shopping完,
剛好行過呢間餐廳, 見佢環境幾舒服, 就諗住坐低食少少野傾下計~
一睇個menu, 前菜我就點左個"招牌脆炸單骨雞翼",
啱哂我鍾意食熱氣野, 但又怕麻煩LUR骨~
而且d雞翼又香又脆~!! 抵讚!! 之後再叫左個"鮮蝦炒金邊粉", 方便同朋友SHARE~
上到來, 見佢將D辣椒粉同配菜分開, 方便按自己所需去加, 超貼心!
加上佢炒得好香但唔見油膩!! 感覺超健康!!!!! 飲品我點左個藍蘭豆甜菊茶!
好特別的淺藍色!! (雖然唔知點解電話影出來係深藍色LOR)最後當然點多個甜品, 我選了香蕉榛子cheese cake~
本小姐一直都特別鍾情芝士蛋糕, 知道始終呢間係泰國菜, 本來只係本住一試心態就算, 點知同樣有d驚喜!!
又香又滑, 濃郁的香蕉味, 口感同味道都比好多專食甜品餐廳好!!!!!! 朋友話好似又一城都有一間, 下次去開嗰頭Shopping一定再ENCORE!!

同女支去IFC睇戲之前食餐飯先,今晚就去左Greyhound食泰菜, 可能係星期四晚, 所以一行埋去就好快有位。
兩個人又唔係咁肚餓, 所以我地今晚唔係叫左好多野:

薄切三文魚片配泰式辣汁
泰式生蝦就食得多, 三文魚+生蝦汁就第一次。三文魚好新鮮泰式辣汁好入味 , 如果對蝦有敏感而未試過泰式辣汁就要一試啦.鮮蝦辣椒膏炒飯
我對蝦膏真係情有獨鐘, 一見到都無問過女朋友就叫左呢個。蝦膏味真係好香, 飯身夠乾仲有碗湯俾你食完之後清下個口tim.
新鮮椰子千層蛋糕
見好多review 都堆介椰子千層糕 , 今晚終於有得試下，新鮮椰子口感爽脆+薄薄班戟皮真係超夾.
Greyhound Café 特色檸檬茶
好多人都介紹過,我都不作多評。

因為上次在12月在新店又一城吃過Greyhound Café，一直令我回味無窮至今，於是忍不住再去吃多一次。同樣是我本人好喜歡的Butterfly Pea & Stevia Tea，這個茶是可以抗血壓，清熱，好適合都市人飲。而最特別的地方是它的顏色是湖水藍，好像看著一個海，好舒服。味道其實有點甘甜，不是中國茶有苦澀味，又不如一些西式的般淡。而加了蜜糖之後更會變得深色。藍色的飲品甚少見，我真的超喜歡。意大利肉腸芝士餡餅 - 餅皮烤得金黃香脆，入口鬆脆可口，打開看到一絲絲的芝士，芝士味道濃郁，再配上有意大利辣腸，洋蔥等等配料，口感豐富。鮮蝦辣椒膏炒飯 - 鮮蝦爽口彈牙，而且體積不小，飯炒得很乾身，一點也不油，再配上微辣的辣椒膏頗醒胃的。衝著我最最最愛的甜品而來 - Fresh coconut crepe cake。樣子平平無奇，白色一點也不colorful，但你吃了一口一定會愛上。層次分明的蛋糕，班戟中有忌廉，有新鮮椰子肉，一層一層的。忌廉香滑輕柔，一點也不膩，我甚少吃到如此又綿滑的忌廉。又再加上新鮮天然椰子肉，感覺好清新，芳香軟滑而又不太甜膩，確是好吃，我真心推介給大家，不愛吃椰子肉的也會愛上，你看到我要吃第2次就知道是美味指數爆燈了。

約咗2個好耐無見既朋友，想揾間可以傾計又有特色既餐廳！有個朋友就介紹我去依間泰菜！食辣野，正中我下懷，即刻 book 枱！ 7 點去到，侍應就即刻安排入坐！打開餐牌，都有好多選擇，又有圖睇，正！

頭盤點咗三文魚配泰色辣汁，好有創意，好似傳統既泰式生蝦，個汁好出色，酸酸辣辣咁，好醒胃！ 另外，軟殼蟹沙津都幾好，一整隻軟殼蟹上碟，賣相好之餘，都炸得好脆！個汁有香蕉味，好得意!

到主菜啦.... 我地叫咗泰式銀魚柳意大利粉同河蝦冬陰功河，個意粉辣辣地，味道濃咗少少，但都唔錯！而個冬陰功河大大隻蝦，唔係太辣, 味道啱啱好! 最後我地叫咗2個甜品，芒果芭菲同草莓千層蛋糕！發現佢地既甜品仲出色，唔太甜, 又有創意! 特別係個千層蛋糕, 莓味之中又有芝士味, 一流!! 同朋友傾多陣計, 於是我就叫咗杯藍蘭豆甜菊茶, 成杯茶藍色, 好特別!但提醒大家, 最好要襯熱飲!!

總括黎講都係一個同朋友傾計既好地方!

又再食e間泰菜上一次食覺得好好味!! 今次親住白色情人節再食一次先!!
門面好靚好吸引同上一次係又一城一樣.頭盤軟殼蟹沙律
整整一隻軟殼蟹放係碟上, 一眼望埋去都5知點食好難以入手
點知一刀吉落去很軟很軟,不過就有少少難分開
軟殼蟹入口香脆而皮薄，加上蜜糖芥末醬、十分開胃!!饀餅一向都係我同男友既心頭好!!
E個饀餅都絶對冇令我地失望!!
餅皮焗得香脆, 有油酥餅脆既質感,裡面充滿辣肉腸、洋葱同溶化既芝士, 一口咬落芝味突出
外脆內軟....超好味...勁正冇得頂!金邊粉炒得好乾身..配上甜酸的醬汁好開胃
花生碎及辣椒粒放左碟旁邊，適合不喜歡加花生碎既我,由自己配搭令人感覺好貼心!!
雞蛋肉鬆飯-香口開胃,令人食完一口又一口
半煮蛋既蛋汁LO埋白飯超香口令人難忘!!

甜品逹人天堂椰子千層係招牌甜品,上次冇食到今次一定要叫來食下先
CAKE 表面既CREAM 好香滑好清甜, 用叉仔一吉落去一層一層咁落好得意
內裏有好多既COCONUT 果肉口感很好好正芒果芭菲最頂層就係白色既芭菲,中層就怖滿芒果肉,最底就係糯米醬
甜甜既芒果肉加上暖暖糯米醬,大家互相配合甜而不利
真係鐘意食甜品既人既天堂...好幸褔^^