影片
更多
2004-02-27
276 瀏覽
試過"Zaika" o既weekday lunch buffet, 雖然覺得唔夠中環"寶軒" o既咁好, 但依然對佢地逢週日o既South Indian vegetarian lunch buffet 仲有期望, 因為話晒南印度菜同平時食開o既北印度菜好唔同, 而o係尖沙咀夠膽打正旗號賣南印度素食自助午餐o既, 除o左樂道o既"Branto" (逢星期二中午) 之外, 就只有呢間, 加上食過"Branto" o既veggie lunch buffet 好多次都好滿意, 所以我心諗呢度都唔會差得去邊. 上個星期日我就試埋呢個South Indian veggie lunch buffet."南印度素食自助午餐" ($66連加一; 包一杯啤酒或咖啡/奶茶) - 同weekday o既lunch buffet 一樣, 大大細細夾埋都有十幾樣o野, 但因為係南印式o既齋菜, 所以比較特別, 每樣同大家講o下. 有部份食品我會同o係"Branto" 或其他地方食過o既作出比較:蒸米漿糕(Idli) - 係用米漿同扁豆粉發酵蒸製, 細細個圓形o既鬆糕, 酸酸地鹹鹹地. 呢度o的idli 做得幾似樣
"南印度素食自助午餐" ($66連加一; 包一杯啤酒或咖啡/奶茶) - 同weekday o既lunch buffet 一樣, 大大細細夾埋都有十幾樣o野, 但因為係南印式o既齋菜, 所以比較特別, 每樣同大家講o下. 有部份食品我會同o係"Branto" 或其他地方食過o既作出比較:
蒸米漿糕(Idli) - 係用米漿同扁豆粉發酵蒸製, 細細個圓形o既鬆糕, 酸酸地鹹鹹地. 呢度o的idli 做得幾似樣, 味道唔錯, 但係就散o左o的, 唔夠"Branto" o個o的咁實淨;
炸米漿圈(Vada) - 係用油炸o既idli, 一個個好似小donut 咁. 我一向都鐘意食vada, 呢度o既做得都算唔錯, 幾香口, 但係面o個層脆漿就唔夠"Branto" o個o的咁鬆脆;
炸雜菜(Vegetable Pakora) - 呢度o的pakora 應該係北印式(炸x瓜片同蕃薯片), 因為我o係中環o既"寶軒" 食過. 呢度o的pakora 炸起o左好耐, 已經淋淋地, 唔多好食. 如果係o岩o岩炸起o既(好似"寶軒" o個o的咁) 就會好得多;
煎米漿薄餅(Dosa) - 用米漿同扁豆漿做o既超薄煎餅, 即叫即整, 可以揀有餡(咖喱薯仔餡, 即masala dosa) 或冇餡(plain dosa). 雖然係即叫即煎, 但就唔夠"Branto" o既dosa 咁鬆脆, 算OK 啦. 不過, "Branto" o既lunch buffet 就唔係經常有dosa 供應, 而呢度就次次都有(我問過老闆).
炸麵包(a.k.a. 炸泡餅; Puri) - 同o係"Branto" 食到o既差唔多, 夠大塊夠新鮮熱辣, 又有自然o既甜味, 味道完全對版, 正!
米漿薄煎餅(Uttapam) - 同o係海港城3樓"咖喱鄉里" 食到o既差唔多, 呢度o的uttapam 都係用白米漿煎成o既薄餅, 不過就細塊o的. 餡料有椰菜絲, 蕃茄粒同青椒絲, 幾新鮮, 煎得煙韌, 味道唔錯;
馬沙拉鷹咀豆(Channa Masala) - 同o係上星期三食到o既lamb channa masala 一樣, 只係冇加羊肉去煮. 鷹咀豆煮得入味, 但係個紅色o既馬沙拉汁冇乜油, 比一般印式餐廳o既channa masala 為遜色;
南印式炒椰菜(Kerala-style Fried Cabbage) - o係全個buffet 之中我最欣賞o既熱盆! 椰菜絲同洋蔥絲用黃薑粉同芥菜籽一齊炒, 面頭沈上椰絲. 好香, 樣樣配料都好夾, 撈埋白飯一齊食, 好好味!
白飯(Steamed Rice) - 依足南印度餐o既規矩, 白飯係中國o既白米飯而唔係平時食開o既basmati rice, 所以有o的失望, 因為我一向認為式印黃飯好味o的, 冇中式白飯咁寡, 不過冇所謂啦, 都係當返屋企食飯一樣o者.
總體o黎講, 以相同o既價錢, 呢度o既南印度veggie lunch buffet 唔及"Branto" o既「星期二buffet」咁出色, 但水準又唔算係差, 中規中矩o個種. 如果平時星期二o黎唔到"Branto" o既話, 咁星期日o黎呢度食veggie buffet 都唔錯o既.
張貼