更多
2014-11-22
2503 瀏覽
政局不穩, 旺角頓變成其中一個「戰場」…..少不免都會減少到旺角, 但旺角實在太方便了!!! 飯局後各自回家也容易得多, 就在前幾天就約定了朋友在旺角開餐, 基於樣樣都想食既關係, 任食放題成為左首要target, 上網一搵之下, 搵到近旺貿既日本放題<<番本>>, 評語都唔錯, 就鐵定去試試, 早一兩日打去book位, 店員回覆用餐時間有兩小時, 當晚七點多就準時到達, 地點來說, B2出口就對面已經係, 絕對不難找到當晚也挺多人喔, 沒有預訂的, 可能要在門外等一下, 幸好已預訂了位, 跟職員說了有預約, 找到了記錄就好快可以入座, 安排了一張二人桌, 一邊是背靠牆, 兩旁是張二人桌及四人桌卡位, 不是安排在路中心兩旁的位, 有食過放題既人都知道店員多數行來行去, 又或者拎住個大托盤, 有幾次差D俾撞到個頭, 真係認真牙煙~今次我同朋友仔仲upgrade左$50, 升級可以無限任叫赤蝦, 油甘魚, 北寄貝, 帶子刺身, 羊架, 蟹粥同青口, 除左青口之外, 樣樣都order左, 第一輪多數叫刺身+前菜+飲品, 前菜叫左枝豆, 螺肉, 豆腐沙津, 和風
當晚也挺多人喔, 沒有預訂的, 可能要在門外等一下, 幸好已預訂了位, 跟職員說了有預約, 找到了記錄就好快可以入座, 安排了一張二人桌, 一邊是背靠牆, 兩旁是張二人桌及四人桌卡位, 不是安排在路中心兩旁的位, 有食過放題既人都知道店員多數行來行去, 又或者拎住個大托盤, 有幾次差D俾撞到個頭, 真係認真牙煙~
今次我同朋友仔仲upgrade左$50, 升級可以無限任叫赤蝦, 油甘魚, 北寄貝, 帶子刺身, 羊架, 蟹粥同青口, 除左青口之外, 樣樣都order左, 第一輪多數叫刺身+前菜+飲品, 前菜叫左枝豆, 螺肉, 豆腐沙津, 和風白蜆, 唔知係咪好多人同時order野食呢? 唔計飲品(鍾意飲酒就正啦, 清酒梅酒可以任叫), 野食等左都3個字, 枝豆, 螺肉, 豆腐沙津也不錯, 和風白蜆味是ok, 但食落去有沙, 相信不會encore了, 赤蝦, 油甘魚, 北寄貝, 帶子刺身也OK
刺身就叫左三文魚, 白肉拖羅, 螺片, 赤貝, 甜蝦同希靈魚, 當中三文魚堅厚切呀! 味道仲好新鮮添~正~
之後就到壽司卷物, 叫左海膽甜蝦壽司, 黑松露三文魚壽司, 火灸三文魚腩壽司, 左口群邊三文魚, 香芒大蝦卷, 三色花之戀, 海膽甜蝦壽司賣相令人有點失望, 海膽少得可憐呢> < 而左口群邊跟飯一樣是白色, 差點就睇漏左條邊!!!
黑松露三文魚, 香芒大蝦, 三色花之戀只是普通而已, 火灸三文魚腩最好味!! 經燒過既三文魚, 油香跟壽司飯好match呀, 所以我同朋友仔決定再追加
食到呢到, 又點會少得燒烤炸物, 翠玉瓜, 粟米(冇影到), 味道還好, 燒完都仲好多汁, 鹽燒海老串, 焗蠔(這個是每次放題必叫的!!!), 燒菠蘿, 呢三樣都超讚的喔
先講鹽燒海老串, 好惹味; 焗蠔好juicy, 面頭上既沙津醬料, 烤得剛剛好; 燒菠蘿好甜又醒胃, 食到停唔到口啊, yeah 以上三樣野食都成為追加list上的首位
炸物選擇唔係好多, 而且炸野都係少食多滋味, 小試牛力叫左紫心香芋丸, 一口芝士豆腐同炸芝士年糕, 紫心香芋丸朋友說不錯的, 一口芝士豆腐這個有點取巧, 是有芝士, 但芝士只有一小粒在內, 而食落唔似豆腐, 似魚蛋多D, 炸芝士年糕就普普通通啦, 畢竟食一塊已經好飽肚麻
呢個時候, 之前order左既蟹粥就上桌啦, 店員竟然沒把碗匙一同拿來, 可能真的太忙, 也忘了給我呢, 是有蟹味, 加上粥內也有蟹蓋及半邊蟹, 份量果然足料!!! 兩人份, 每人分到兩小碗左右, 細食人士都盡量唔好叫啦最後尾round, 所有追加encore既食物都食完, 「甜品胃」係時候出動啦, 雪糕同雪米磁真係唔少得, 炸香蕉都有? 咁真係要試下啦, 炸油都幾油下, 但入口又唔係話好味, 香蕉都幾甜, 嗜甜朋友不妨一試
雪糕是牛奶公司, 雪米磁就特別D, 有綠茶味, 溫馨小提示, 雪米磁可以早多少少叫定, 待溶解左個雪米磁皮軟身D先食, 就very good la肚子大滿足, 食食下兩個鐘就過左, 食物都還可以, 除左上蟹粥冇俾碗之外, 其他時候都好主動加茶收碟, 埋單每位連加一要二百多元, 原來午時/六點半前入座有優惠, 只需$168, 假設唔要upgrade食物, 二百元內有找, 也不失為旺角放題之選, 可以一試
題外話/補充資料：
當我地食緊雪糕既時候, 羊架竟然上桌?! 食到最後先來, 仲點食得落架, 初初以為漏單, 都冇特別去催單, 話時遲那時快, 原來鄰桌四人座那邊正在催羊架, 唯有俾左佢地食, 冇謂浪費食物0麻
(以上食評乃用戶個人意見 , 並不代表OpenRice之觀點。)
張貼
