東海酒家 (已結業) 查看

秋風起，食大閘蟹正合時。過去幾年試過自己蒸，也試過到不同酒樓食。今年同事攪大閘蟹宴，選了地點方便的THE ONE東海。先來個湯，很清甜，野菌大大粒。我是非常喜歡食小籠包的，呢個好甜，肉汁多，皮都夠薄。忍唔住點多籠，另加的話$38隻。都幾惹味醒胃，青瓜清甜，配比較油的豬頸肉也很得宜。主角來了！都說出街食是沒有自己買的咁多蟹膏，不過呢個宴每人有兩隻，都算過足癮了！趁熱食，好多蟹粉，好慷慨。就是嫌包的蒜蓉味不太夠。龍脷柳好清甜，不過就無乜味，要自己點醬油的。海參爽滑，鮑魚就細粒少少但都算了。好入味，正！食到呢度大家都幾飽了，成隻雞無食過，被某人拎走回家食。最初大家以為是糯米飯，原來不是。覺得這個飯配豬油一定很好味，而家只有豉油，健康些吧！薑茶好辣呢！不過又唔飲唔得，食完蟹太寒涼了！總結是，味道好，份量大，都食得好開心。只是上菜太快，第一隻蟹都未食完，已上第二隻蟹，同埋啲餸，食唔切，後面的餸都凍了涼了。