更多
2014-10-20
15440 瀏覽
表妹今年生日食咗六個生日蛋糕，當中以Zoe出品o既「Blood Orange」最為出眾；有份食o既哥哥亦有同感，覺得蛋糕軟熟，味道清新香濃，家中嫲嫲應該啱食。十月份剛好堂細佬生日，小肥哥哥就襯住十月十一日家庭日，訂黎做晚餐甜品；訂購當日順便訂多個Opera蛋糕同契妹個哥哥慶生。其實之前都食過Zoe兩款蛋糕，記得當時對餅店o既服務生及糕點都不大滿意，而且價錢偏高，所以都冇再幫襯。今次重臨灣仔分店，發覺小小o既店舖裝修依舊，簡單光亮整潔，只係周邊o既餐室唔同哂。駐守於店內o既只有一位姐姐仔，態度尚算友善，起碼好過之前嗰個先；XO仔分別訂咗兩個蛋糕，佢都好有心機地續一落單。同契妹個哥哥慶生o既5” Opera（$240）：Zoe本蛋糕簡介中列出Opera蛋糕主材為朱古力及咖啡，但小肥只係食到朱古力味，唔係好食到咖啡味，蛋糕勝在唔係太甜，經Papi餐廳加工後更覺美觀美味，唔錯。同堂細佬慶生o既7” Blood Orange（$480）：唔知係咪家中雪櫃過涷呢，主角「Blood Orange」蛋糕乾咗少少，不過值得一讚o既係蛋糕上層內o既橙味忌廉好夠light，味道清香且唔溜，底層塊曲奇又薄又脆
其實之前都食過Zoe兩款蛋糕，記得當時對餅店o既服務生及糕點都不大滿意，而且價錢偏高，所以都冇再幫襯。今次重臨灣仔分店，發覺小小o既店舖裝修依舊，簡單光亮整潔，只係周邊o既餐室唔同哂。駐守於店內o既只有一位姐姐仔，態度尚算友善，起碼好過之前嗰個先；XO仔分別訂咗兩個蛋糕，佢都好有心機地續一落單。
同契妹個哥哥慶生o既5” Opera（$240）：Zoe本蛋糕簡介中列出Opera蛋糕主材為朱古力及咖啡，但小肥只係食到朱古力味，唔係好食到咖啡味，蛋糕勝在唔係太甜，經Papi餐廳加工後更覺美觀美味，唔錯。
同堂細佬慶生o既7” Blood Orange（$480）：唔知係咪家中雪櫃過涷呢，主角「Blood Orange」蛋糕乾咗少少，不過值得一讚o既係蛋糕上層內o既橙味忌廉好夠light，味道清香且唔溜，底層塊曲奇又薄又脆，如果糕身濕潤返少少，效果應如表妹同哥哥所講般軟熟。
張貼
