影片
更多
2014-09-30
3832 瀏覽
哥哥牛一，今年只想一家四口低調慶祝，大肥爸爸深知哥哥最愛吃日本料理，所以就提議週六午餐時段，去試一間最近不斷有人推介，口碑極佳o既「楽壽司」。「楽壽司」位於銅鑼灣核心地段，時代廣場後面街，交通四通八達，繁忙時間路面情況卻擠塞得不得了 ，週末尤甚，乘搭眾多公共交通工具中最容易掌握時間應為地鐡及電車。大腳板中心有多間食肆，但只有一部升降機，幸好面積夠廣，容納人數多，估計週一至五要預多少少輪候時間，我地週六下午一時左右就唔洗排隊。五樓一出就抵達「楽壽司」簡潔o既候座處，店舖本身樓面高，所以就算坐滿人都唔會話好嘈。慢慢步入並無花巧裝修o既大廳，經過兩旁梳化式o既四至六人卡位，就到達大堂內o既壽司吧，不過因為我地預先訂座，所以被安排入座於私隱度較高及較幽靜o既壽司吧房。據當日助陣o既新師傅所講，壽司吧房可坐十人左右，午市晚市均可包房，最低消費分別為六千及萬二 ，肥肥家族第一次光顧就有機會坐，仿佛係為賀哥哥壽辰而設o既小驚喜，衛生舒適得很 。房中除咗有新師傅助陣之外，亦不時有位姐姐仔進進出出，負責落單、傳遞茶水、熱食等服務，盡責有禮。大肥爸爸食魚生只限佢食慣咗嗰幾款，所以選擇咗散叫，而媽媽因
「楽壽司」位於銅鑼灣核心地段，時代廣場後面街，交通四通八達，繁忙時間路面情況卻擠塞得不得了 ，週末尤甚，乘搭眾多公共交通工具中最容易掌握時間應為地鐡及電車。大腳板中心有多間食肆，但只有一部升降機，幸好面積夠廣，容納人數多，估計週一至五要預多少少輪候時間，我地週六下午一時左右就唔洗排隊。五樓一出就抵達「楽壽司」簡潔o既候座處，店舖本身樓面高，所以就算坐滿人都唔會話好嘈。
慢慢步入並無花巧裝修o既大廳，經過兩旁梳化式o既四至六人卡位，就到達大堂內o既壽司吧，不過因為我地預先訂座，所以被安排入座於私隱度較高及較幽靜o既壽司吧房。據當日助陣o既新師傅所講，壽司吧房可坐十人左右，午市晚市均可包房，最低消費分別為六千及萬二 ，肥肥家族第一次光顧就有機會坐，仿佛係為賀哥哥壽辰而設o既小驚喜，衛生舒適得很 。房中除咗有新師傅助陣之外，亦不時有位姐姐仔進進出出，負責落單、傳遞茶水、熱食等服務，盡責有禮。
大肥爸爸食魚生只限佢食慣咗嗰幾款，所以選擇咗散叫，而媽媽因當日不適，故只係叫咗個午市牛肉飯套餐，而小肥同哥哥每人就叫咗份午市壽司拼盤。
深海池魚薄切（$360）：大肥最愛食薄切，新師傅解釋話當日只有兩款魚適合以切成薄片刺身，第一款為深海池魚，爸爸評語為清甜夠薄，唔錯。
右口魚薄切（$360）：至於另一款右口魚薄切，大肥覺得魚味雖則較為鮮濃，卻嫌肉質比深海池魚更為韌，如果要佢二選一，佢會選擇深海池魚。
午市套餐之牛丼（$230）：外表睇起上黎，牛肉疑似偏乾，但媽媽就非常欣賞，解釋話啲飯粒好軟熟，牛肉又唔會話太肥，香濃且唔油膩。小弟未有品嚐，但自覺如果要食牛丼，會揀選價錢較實惠o既吉野家囉 。
午市套餐「壽司盛り合わせ」（$368）：每款午市套餐同樣包沙律，前菜，麵豉湯，燉蛋及雪糕，而「壽司盛り合わせ」o既主菜為十件壽司加一件手卷，應該係餐牌中最抵食之套餐 。
午市套餐之沙律：沙律連碗都係涷o既 ，XO仔唔敢講衛唔衛生，不過因為細佬啲牙對過涷同過熱o既食物都好敏感，所以要攤一陣先食得。醋汁沙律中o既青瓜最為爽脆，蕃茄都好甜，簡單醒胃。
忌廉芥辣碎海鮮：忌廉芥辣醬唔算好攻鼻，屬微辣，海鮮碎有生有熟，有爽有軟，好野味。哥哥估計海鮮碎來自早一晚所剩餘o既魚生，如真的懂得善用廚餘，絕對是一件好事 ！
肝醬右口魚壽司：新師傅話「壽司盛り合わせ」中所有壽司都唔需要點豉油，可直接食用。右口魚已塗上醬油，面層亦放有肝醬葱花，肝醬香濃，冇過咸之餘亦帶出右口魚o既魚鮮味，配搭新穎美味 。
金目鯛壽司：金目鯛魚身光滑，原來面層塗上以柚子汁調出黎o既醬汁，酸甜醒胃，新鮮爽甜。
深海池魚壽司：正如大肥所講，深海池魚魚鮮味不及右口魚，不過可能切薄咗o既魚肉質唔同，個人反而覺得深海池魚比右口魚煙韌 。
青海老壽司：青海老又名「花竹蝦」，蝦肉晶瑩剔透，爽脆滑溜，美味可口！
吞拿魚壽司（Maguro）：雖然吞拿魚面有紫菜及芝麻點綴，肉質卻係當日眾多魚生中最嚡最無特色o既一道。
鯖魚壽司：薑葱鯖魚鮮濃爽厚，正！
中拖羅壽司：中拖羅魚油足，肉質幼嫩，入口半溶，魚鮮味充滿口腔，讚！
海膽壽司：海膽壽司不但份量十足，更加係甜滑非常，食後於口腔中o既鮮甜味有增無減，小弟終於領會到咩野叫做「齒頰留香」 ！
燒右口魚邊壽司：右口魚邊經師傅輕輕用火槍燒過，入口即溶，香甜濃滑，食後有種半漂浮狀態，可稱得上為整頓午餐之最高享受哦 ！
葱碎吞拿魚手卷：手卷跟其他壽司一樣，已調有味道。粗粗o既手卷餡中有吞拿魚碎、葱花、芝麻粒及黃色o既蘿蔔塊，超級香脆野味，見狀大肥都叫咗一條黎食，故得知散叫每條要$180 ！計吓條數，午市「壽司盛り合わせ」除咗有一條原價$180 o既吞拿魚手卷之外，主菜仲有十件高質o既壽司，每客單價為$368，真係好抵食囉！相比起下，散叫就勁唔抵啦 ！
卵壽司：XO仔曾經食過一件蛋製o既壽司而引起敏感反應，後了解到「卵壽司」o既千層蛋好多時都會加咗其他食材，所以就請咗媽咪食。媽咪食後感想為「蛋塊清甜鬆軟，做得好好」。
麵豉湯及茶碗蒸：麵豉湯入面有蜆同柚子絲，而且一啲都唔粉，味道又唔會過咸，一啲都唔會話敷衍了事。細細碗o既燉蛋清香幼滑，食完咁多件壽司可以暖暖個胃，好舒服！
海鹽雪糕或南瓜雪糕：甜品之雪糕有兩個口味，分別為海鹽及南瓜，前者呈白色，輕輕o既海鹽味非常清新，後呈為黃色，屬少甜，南瓜味唔濃，但質感就有少少磨沙feel，個人較為欣賞第一次食o既海鹽雪糕。
肥肥家族借哥哥生日為由，去品嚐新派日本料理「楽壽司」，我地一家四口各有各驚喜 。大肥爸爸除咗鍾意餐廳樓面夠高之外，對其優雅潔亮且私隱度極高o既壽司吧房更加係讚不絕口。靚靚媽咪則喜歡餐室所提供o既各款熱食，及並不嘈吵o既環境。絕對超值o既「壽司盛り合わせ」就成為咗XO仔同哥哥最喜愛o既日式午市套餐！
題外話/補充資料：
後記：哥哥留意到，「壽司盛り合わせ」中每片魚塊一早已切好哂，師傅喺壽司吧入面只需加入飯團及塗上醬油就可以上枱。哥哥覺得所有刺身及壽司理應即叫即切，故有必要減去一分衛生分。
(以上食評乃用戶個人意見 , 並不代表OpenRice之觀點。)
張貼
