富泰家 (已結業)

星期日中午同朋友喺旺角睇戲之前，行去通菜街搵午餐食，經過呢間出名芝士撈麵既餐廳就入左去喇。餐廳既地點唔易搵，喺女人街既其中一邊，都算幾隱蔽。但附近其實都幾多間好食既餐廳值得一試。星期日一點幾黎講，餐廳都算唔少人，好彩剛好有張空枱，我同朋友唔需要等位就可入座。雖然最出名既係芝士撈麵，唔太鍾意食芝士的我就叫左個香蒜牛柳粒撈麵，再加一杯珍珠奶茶。侍應既服務態度都幾好，我同我朋友諗左好耐嗌咩野飲佢地都一直喺隔黎等。牛柳粒撈麵俾想像中普通。牛柳粒雖然都幾林，蒜味都有，但唔算好香。而撈麵既醬汁都幾少，好似味道唔太夠，整個麵有少少乾。不過個麵既質感都唔錯，唔會太硬或太林。另外珍珠奶茶加五蚊就有咁大杯，都幾抵飲。珍珠奶茶都算不過不失，味道同珍珠質感都唔錯。而且值得一讚既係份量十足，飲到好飽！