影片
更多
2014-07-25
1897 瀏覽
昨晚老公諗住出街食, 去到筲箕灣想起有人推薦過夜功夫, 所以就去試下, 去到以為冇位, 原來佢仲有閣樓, 上到去坐都幾舒適, 店員好好禮貌.叫咗兩杯青檸梳打, 燒魷魚筒, 招牌炒飯, 青咖哩軟殼蟹配米餅, 焗雜菌.焗雜菌最早嚟, 唔知落咗咩香草焗, 好香;燒魷魚筒就一般啦, 本身就冇比醬汁, 我諗如果有會好d, 不過懶就攞, 都ok啦;之後等咗好耐都冇嘢到, 追單至發現漏咗, 個店員非常唔好意思, 但見我地冇咩, 仲主動同我地講下嘢, 都幾得意;好快招牌炒飯嚟啦, 好好味好香, 食食下見鄰近有人食炒金邊粉, 本嚟都想試, 不過仲有軟殼蟹未到怕食唔晒, 最後到冇叫;青咖哩軟殼蟹配米餅要比3個正佢, 好好味好香, 雖然我自己唔係好食得辣但都接受到, 因為d青咖哩好好味所以我老公都忍唔住叫多碗飯嚟撈埋d咖哩汁, 食飽我老公仲話估唔到佢d白飯都幾得(因為試過喺第二間食, 個白飯好唔掂), 下次再去試其他嘢.
叫咗兩杯青檸梳打, 燒魷魚筒, 招牌炒飯, 青咖哩軟殼蟹配米餅, 焗雜菌.
焗雜菌最早嚟, 唔知落咗咩香草焗, 好香;
燒魷魚筒就一般啦, 本身就冇比醬汁, 我諗如果有會好d, 不過懶就攞, 都ok啦;之後等咗好耐都冇嘢到, 追單至發現漏咗, 個店員非常唔好意思, 但見我地冇咩, 仲主動同我地講下嘢, 都幾得意;
好快招牌炒飯嚟啦, 好好味好香, 食食下見鄰近有人食炒金邊粉, 本嚟都想試, 不過仲有軟殼蟹未到怕食唔晒, 最後到冇叫;
青咖哩軟殼蟹配米餅要比3個正佢, 好好味好香, 雖然我自己唔係好食得辣但都接受到, 因為d青咖哩好好味所以我老公都忍唔住叫多碗飯嚟撈埋d咖哩汁, 食飽我老公仲話估唔到佢d白飯都幾得(因為試過喺第二間食, 個白飯好唔掂), 下次再去試其他嘢.
題外話/補充資料：
唔知係咁啱定係佢不嬲都有, 樓下佢會播mv比人睇, 閣樓就播歌, 我就鍾意閣樓播嘅歌啦.
(以上食評乃用戶個人意見 , 並不代表OpenRice之觀點。)
張貼