影片
更多
2014-07-09
2500 瀏覽
真係唔睇由自可，睇到就把幾火...見到原來呢度已經有咁多負皮文，一係一早睇多D，唔使咁慘豬！話說前幾日同班fds周圍拍野，咁貪美都個景夠舊，又未食過，米打算去試食加影相。本身上到去都無咩嘎，因為無乜人，上左樓上坐窗口位，我地6人坐兩張枱。睇完一輪餐牌，我張枱叫左碟西炒飯，時菜炒牛肉同牛肉湯麵。因為無做任何research，所以唔知咩係“招牌菜”，純粹隨便叫。咁個牛肉麵基本上就極度普通啦，d牛肉無咩味，但又未至於難食。個時菜牛肉飯，同個牛肉麵基本上係同一樣野，係無左個湯同換左做飯。份量唔算大，適中。不過d菜我以為會係菜心，點知係椰菜。個汁傑撻撻又淡卯卯，d肉又唔係特別新鮮入味，所以都係...唔難食，不過一d都稱唔上好味。個西炒飯最好quality啦，起碼係西炒飯咁geh味道。不過呢個價錢，加埋個味道泥講，我就覺得唔值得啦。真係唔平囉碟頭飯泥講。好難激心事情泥啦。咁我地食完野，個景咁懷舊，當然會想拍下美好時刻啦。咁個地板咁懷舊，不如影下個地板啦。我個朋友企起身，一舉機，唔使5秒，個貌似太子爺geh物體就喝停我地：「呢度唔俾影相！果度已經寫左唔俾影相！」唔俾影米唔影囉，可以客氣少少geh，跟
見到原來呢度已經有咁多負皮文，
一係一早睇多D，唔使咁慘豬！
話說前幾日同班fds周圍拍野，咁貪美都個景夠舊，又未食過，米打算去試食加影相。
本身上到去都無咩嘎，因為無乜人，上左樓上坐窗口位，我地6人坐兩張枱。睇完一輪餐牌，我張枱叫左碟西炒飯，時菜炒牛肉同牛肉湯麵。因為無做任何research，所以唔知咩係“招牌菜”，純粹隨便叫。咁個牛肉麵基本上就極度普通啦，d牛肉無咩味，但又未至於難食。個時菜牛肉飯，同個牛肉麵基本上係同一樣野，係無左個湯同換左做飯。份量唔算大，適中。不過d菜我以為會係菜心，點知係椰菜。個汁傑撻撻又淡卯卯，d肉又唔係特別新鮮入味，所以都係...唔難食，不過一d都稱唔上好味。個西炒飯最好quality啦，起碼係西炒飯咁geh味道。不過呢個價錢，加埋個味道泥講，我就覺得唔值得啦。真係唔平囉碟頭飯泥講。
好難激心事情泥啦。咁我地食完野，個景咁懷舊，當然會想拍下美好時刻啦。咁個地板咁懷舊，不如影下個地板啦。
我個朋友企起身，一舉機，唔使5秒，個貌似太子爺geh物體就喝停我地：「呢度唔俾影相！果度已經寫左唔俾影相！」
唔俾影米唔影囉，可以客氣少少geh，跟住我d fds好客氣咁問：「係咩？睇唔tim，我地影下自己隻腳炸woh。」
跟住個物體就大聲講：「總之呢度唔俾影相，影乜都唔得，樓上樓下貼曬野話唔俾影，睇唔到嘎？」
咁在我地進食途中有位講普通話geh女士其實係離開過個座位影過相geh，我同d fds已經好嬲唔想再理個物體，咁我地自己討論：「呢間野唔係俾香港人食geh，遊客可以影相，但講廣東話geh香港人就唔得，算吧啦」點知個物體又自己搭爹，仲勁串話：「人地旅發局geh，仲有我唔需要同你解釋，埋單落下面！」
哇真係激死人，完全無服務態度可言，無啦啦響度發惡，真係唔會再有下次同一定要話俾人聽佢地d惡行囉！癡Q線嘎！
張貼