更多
2014-05-04
1171 瀏覽
群記真係一間好出名既鋪頭,每日都有長長既人龍,仲有古傳至今既秘笈食譜,果然係強勁。一去到假期,佢D牛丸同豬手一眨下眼就賣哂,炸卷更加唔洗講,想試就要早D,如果太夜先去就真係要明天請早,其實好多人一早就將豬手同辣椒油係一個推介,但其實佢個炸卷同時都係誠意之作,外面一層薄薄既腐竹皮炸得又香又脆,又唔會太油,裡面既牛又塞得滿滿,而且唔會太多調味,絕對有真正既牛肉味,非常好食,除左配埋鎮店辣椒油食之外,放清湯到食都係一個美妙既組合,保證一試難忘, 另外當然要叫一支支裝氣水,咁先係絕配,不過提提大家,如果真係想食佢炸卷既話,就真係要早D,因為好快就會賣哂。
張貼