香辣屋 (已結業)

今晚同一位朋友去左香辣屋食飯,佢係大廈一樓，一上到去就見到細細個接待處，又有一位女服務員係到,會用泰文同你打招呼。之後就由一位經理帶我地入去。估唔到原來裹面地方係幾大，兩個人當然係一張二人枱，咁岩望到對面既餐廳有好多燈飾，好有氣氛。餐廳裹面既燈光比較昏暗，所以每張枱都有一個細細地既蠟燭台，又有細細聲既音樂，環境好有情調。一開始就叫左泰式拚盤,賣相十分靚,配埋三款醬汁，有魚露﹑甜酸醬同沙爹醬。岩哂唔同人既口味,首先食個炸蝦餅,外面好香脆而且出奇地少油，入面既蝦肉又彈牙而多汁之後炸春卷呢，外層炸得好脆口又不油膩，餡就有粉絲同雜菜為主，非常好味，點埋唔同既醬,非常正﹗主食是香芒蟹肉炒飯，份量岩岩好,飯底炒得好香，而且材料十足，蟹肉夠哂新鮮，芒果唔會酸,甜甜地，雖然平時唔鍾食有生果既炒飯，不過佢依個既特別又十分好食,所以無理由拒絕。之後雞肉串燒都十分好食，雞肉嫩滑，唔點醬,本身已經食得出一陣一陣既黃薑粉味,而佢肉都醃得好入味，點埋沙爹醬當然會更加惹味哦。最後就飲左依個椰青。椰青都幾大個，又有厚厚既椰肉，質感都幾嫩滑，椰水又清甜解渴,食完野飲岩哂。