更多
2014-03-27
6278 瀏覽
成班朋友約左星期日去長沙灣打war game, 女神搞手提議玩完去就近既“大中華飯店”食晚飯…Wow …好多明星 成日去既”大中華”喎, 出名好食, 個個都say yes la…醒目女神一早book定位, 我地唔使等, 即刻有位!!!”大中華”係一間類似大排檔既飯店, 就係甘d小菜先夠鑊氣 吖麻! 我地一行十五人, 坐張大圓枱, 個個又攰又餓, 差唔多樣樣都點來食呢…1. 鐵板黑椒豬手 : 店內最出名既招牌菜, 點少得佢! 熱辣辣, 切開個大豬手, 肉質微紅嫩, 咬落超嫩滑, d豬皮滑溜溜, 簡直可以話入口即化, ichiban!!!2. 臘味煲仔飯 : 香噴噴, 有好多葸花、芫茜、花生、臘腸粒等等, 煲底仲有飯焦添, 相當有口感, 正一色香味俱全! 但食唔慣濃味既朋友會覺得鹹左d囉…3. 冰鎮花竹蝦 : 成隻碗甘大, 超大隻呀! 肉質又爽又彈, 蝦頭仲有蝦膏呢, 其實唔使點washibi, 已經夠鮮甜!4. 炸大腸 : 炸得好似乳豬皮甘卜卜脆, 腸肉軟嫩! 今餐食唔到招牌菜燒乳豬(因為要預訂), 食呢款補番哂數lu。5. 煎鹹魚肉餅 : 蒸既就食得多勒, 煎既就第一次
”大中華”係一間類似大排檔既飯店, 就係甘d小菜先夠鑊氣 吖麻! 我地一行十五人, 坐張大圓枱, 個個又攰又餓, 差唔多樣樣都點來食呢…
1. 鐵板黑椒豬手 : 店內最出名既招牌菜, 點少得佢! 熱辣辣, 切開個大豬手, 肉質微紅嫩, 咬落超嫩滑, d豬皮滑溜溜, 簡直可以話入口即化, ichiban!!!
2. 臘味煲仔飯 : 香噴噴, 有好多葸花、芫茜、花生、臘腸粒等等, 煲底仲有飯焦添, 相當有口感, 正一色香味俱全! 但食唔慣濃味既朋友會覺得鹹左d囉…3. 冰鎮花竹蝦 : 成隻碗甘大, 超大隻呀! 肉質又爽又彈, 蝦頭仲有蝦膏呢, 其實唔使點washibi, 已經夠鮮甜!
4. 炸大腸 : 炸得好似乳豬皮甘卜卜脆, 腸肉軟嫩! 今餐食唔到招牌菜燒乳豬(因為要預訂), 食呢款補番哂數lu。
5. 煎鹹魚肉餅 : 蒸既就食得多勒, 煎既就第一次食, 唔會過鹹, 煎得有鹹香兼且薄脆, 感覺似食煎芋頭餅呢!
6. 琵琶豆腐 : 外皮一d都唔脆, 內裡既豆腐就夠滑, 餡料少到feel唔到係咩餡, 呢碟似紅燒豆腐多d囉。
7. 椒鹽鮮魷 : 食得出係用鹹蛋去炸, 炸得酥脆, 內裡既鮮魷仲係軟熟新鮮架。
8. 煎蠔餅 : 炸粉厚, 蠔仔少。9. 薑葸炒蠔 : d蠔肥美鮮甜, 乾淨無腥味。
10. 魚香茄子煲 : 茄子軟焾入味, 雖然油膩d, 但非常惹味, 下飯一流!
11. 雜菜煲 : 清清地, 味道唔錯。12. 煎墨魚餅 : 好香脆兼爽口彈牙。
13. 西蘭花炒牛肉 : 西蘭花爽口, 牛肉剛熟, 嫩滑味濃。
14. 咕嚕肉 : 酸酸甜甜啖啖肉。
15. 椒鹽骨 : 骨脆肉香。
仲有叫左其他炒菜, 碟碟炒得透, 鑊氣足, 味道夠, 難怪晚晚爆場 喇!美中不足既係要去外面士多買飲品囉…
張貼
