更多
2014-01-17
4296 瀏覽
字有D多, 但我真係好有心打, 因為我真係唔想大家中伏!!!!!!望見諒見BEECXXXY 團購$118(加一: $19), 影到咁吸引, 價錢又唔係貴就打算試下, 買前都有黎OPENRICE 睇下. 好壞一半半, 因為見話要食前兩日BOOK, 咁因為諗時決定, 15號打去問可唔可以BOOK 16號5點, 個女人一聽就話OK, 冇問題.. 咁就決定一博, 咁就賴左野!!!!4:50 上到去, 因為落場中, 起門口坐起度等, 因為已經同家姐有共識, 話唔好有咁大期望. 先唔會有失望....所以都抱住平常心去試下, 咁5點入得座, 當時全場得我地兩個人, 已經開始懷疑....因為平日所以冇人食??咁我地仲好樂觀咁去諗, 冇人咁一定唔會漏單啦...不過相對可能D野食冇咁新鮮...但問題就開始出現!!拎D紙出黎睇....野食選擇少得可憐, 同團購網上寫係有出入, 呢樣都算....之後多左兩台人起附近, 加埋我地兩姊妹都唔夠10個人, 第1 ROUND, 想食會食GE都畫左1, 剌身要左三文魚 6 ,甜蝦 20, 象拔蚌 4, 我諗大家食剌食一定會覺得我畫得少, 但眼見後面果台第2盤剌身都到左
見BEECXXXY 團購$118(加一: $19), 影到咁吸引, 價錢又唔係貴就打算試下, 買前都有黎OPENRICE 睇下. 好壞一半半, 因為見話要食前兩日BOOK, 咁因為諗時決定, 15號打去問可唔可以BOOK 16號5點, 個女人一聽就話OK, 冇問題.. 咁就決定一博, 咁就賴左野!!!!
4:50 上到去, 因為落場中, 起門口坐起度等, 因為已經同家姐有共識, 話唔好有咁大期望. 先唔會有失望....所以都抱住平常心去試下, 咁5點入得座, 當時全場得我地兩個人, 已經開始懷疑....因為平日所以冇人食??咁我地仲好樂觀咁去諗, 冇人咁一定唔會漏單啦...不過相對可能D野食冇咁新鮮...但問題就開始出現!!
拎D紙出黎睇....野食選擇少得可憐, 同團購網上寫係有出入, 呢樣都算....之後多左兩台人起附近, 加埋我地兩姊妹都唔夠10個人,
第1 ROUND, 想食會食GE都畫左1, 剌身要左三文魚 6 ,甜蝦 20, 象拔蚌 4, 我諗大家食剌食一定會覺得我畫得少,
但眼見後面果台第2盤剌身都到左, 我地果D都冇出現,我地食完牛油粟米炒蜆剌身都仲未有影, 我地仲要係第1台入座....原來得3台人都可以漏單, 我真係冇野好講...只好再入紙叫多次, 今次好快就黎左, 象拔蚌, 一放入口, 有怪味, 好臭, 吐都吐唔切, 三文魚望落一D光澤都冇, 好似放左好耐, 甜蝦得11隻, 我地先兩個人, 要20隻好過份嗎?? 隻蝦一啖都食到, 一口都放幾隻啦...間野已經冇咩人食...仲要咁孤寒...咁早D閂門啦!!
可能大家覺得我好奇怪, 點解D餐牌會影晒相, 而D食物唔影相...因為我真係唔覺得D野食可以見得人, 你係睇到都唔想食, 我地第1次食放題係坐起度傾偈而唔係食野..因為真係冇樣得....
牛油粟米:起屋企自己整仲過, 佢連牛油都慳, 咩味都冇, 算! 有好幾粒粟米係黑色, 已經爛..我唔知佢D貨係放幾耐, 粟米都可以變黑, 真係......唉
酸辣鳳爪沙律: 只得個辣, 食左啖都要勁飲凍野, 辣到條利好痺..
蟹子沙律: 青瓜絲, 小量蟹子, 一小條蚯蚓般的沙律醬, 都係果句, 寧願起屋企自己整好過
火焰壽司系列: 我唔知佢點樣令佢火焰, 佢一放低我地已經食..但全部都係凍冰冰, 連火焰果陣香味都冇..真係好好奇佢點樣火焰
仲有炸泰式魚餅蝦餅ETC....但真係唔想再講,
成餐飯除左剌身漏單而Encore, 第2樣就係可樂, 可樂唔係罐裝, 佢用機裝再加冰, 我倒晒d冰得半杯, 所以先Encore, 如果要我揀呢餐最好食ge, 我覺得係飛天炒通菜, 同最後ge芒果布甸, 大家睇到呢度係咪覺得好出奇.哈哈
但真係真心, 佢個通菜炒得好香, 個味幾好,如果真係咁不幸食到唔知食咩, 就叫通菜試下啦~~~
芒果布甸都係出奇之作, 因為好多時都會食到冇味溝得太多水好稀, 但呢度令我好驚喜就係出奇地濃味, 真係可以試下....
食過咁多次放題, 今次係第1次有失望ge感覺, 每次都會食到超飽最後比人趕先走, 今次係食唔飽就已經想走......大家自行決定~祝君好運!
題外話/補充資料：
我地5點入座, 6點半就走, 當時都只係大概得10 台人...感覺大家都食到冇咩表情, 好似同我地一樣,
(以上食評乃用戶個人意見 , 並不代表OpenRice之觀點。)
張貼
