更多
2013-09-11
9806 瀏覽
雖然朋友生日剛過了一個月，不過特別的當然要替佢補祝翻，因為之前試過「和光」嘅日燒團購，覺得水準唔錯，加上朋友未試過日式燒肉，今次決定帶佢嚟試下。日燒同韓燒日大分別就係食材唔會過份調味，而且會比唔同調味品俾你自行選擇點咩風味。相比起日式刺身放題，和光嘅食物種類相對較少，主要集中係肉類，不過都有刺身、太卷同熟食提供，除咗剌身比較出色，熟食就真係麻麻。雖然無團購，不過都會每人送翻一隻 7吋大虎蝦 ，燒完真係好好食，又大隻有鮮味十足，如果有得俾人任點就正囉！話哂日燒，主打當然係燒肉， 牛胸腹 真係正到暈，雖然細細舊，但肉同脂肪比例好靚！另外，和光嘅海鮮都好有水準，特別係 特級太子貝 大大隻，而且燒起嚟有牛油香加上本身鮮味，好食！不過叫到第4次時，店員說已經無哂。整體上，牛、豬、雞中最好味絕對係牛，豬就要睇下邊款，有隻七味豬就真係太辣，而雞真係全部唔得，試過一次就無再叫。食得咁多肉，所以都叫咗啲蔬菜小食，去下油膩感， 牛油金菇 燒完幾好味， 青瓜小食 唔知係咪食得肉太多，意外地覺得唔錯。不過 矮瓜 燒完好乾，唔太好食！最後送上個人最鐘意嘅兩種肉推薦： 牛胸腹 、 牛舌
日燒同韓燒日大分別就係食材唔會過份調味，而且會比唔同調味品俾你自行選擇點咩風味。
相比起日式刺身放題，和光嘅食物種類相對較少，主要集中係肉類，不過都有刺身、太卷同熟食提供，除咗剌身比較出色，熟食就真係麻麻。
雖然無團購，不過都會每人送翻一隻 7吋大虎蝦 ，燒完真係好好食，又大隻有鮮味十足，如果有得俾人任點就正囉！
話哂日燒，主打當然係燒肉， 牛胸腹 真係正到暈，雖然細細舊，但肉同脂肪比例好靚！
另外，和光嘅海鮮都好有水準，特別係 特級太子貝 大大隻，而且燒起嚟有牛油香加上本身鮮味，好食！不過叫到第4次時，店員說已經無哂。
整體上，牛、豬、雞中最好味絕對係牛，豬就要睇下邊款，有隻七味豬就真係太辣，而雞真係全部唔得，試過一次就無再叫。
食得咁多肉，所以都叫咗啲蔬菜小食，去下油膩感， 牛油金菇 燒完幾好味， 青瓜小食 唔知係咪食得肉太多，意外地覺得唔錯。不過 矮瓜 燒完好乾，唔太好食！
最後送上個人最鐘意嘅兩種肉推薦： 牛胸腹 、 牛舌
題外話/補充資料：
限時2個鐘而且一定係 6 - 8 or 8 - 10，而且送上嘅份量用人頭計，兩個人真係食得好急，而且要不停落紙，店鋪可以改革一下，人少總可以送上較多份量吧？而且一無團購真係貴好多，下次都係睇時機先再去。
(以上食評乃用戶個人意見 , 並不代表OpenRice之觀點。)
張貼
