更多
2013-07-09
9504 瀏覽
細佬弟婦為左答謝我哋幫阿b搞百日宴,豪請我哋一行七人去食宵夜buffet,大家當然舉腳贊成啦﹗酒店大堂全落地玻璃設計,增加空間感及透光率,加上樓底極高,營造寬敞、舒適環境。一邊享用美酒佳餚,一邊欣賞金鐘迷人夜景,讓人培感恬靜寫意。弟婦訂位時要求坐梳化區,故酒店安排我哋坐係梳化區最角落處。雖則拎嘢食要行得較遠,但呢度較靜而舒服又有私隱,啱傾偈;遠處又不時傳來陣陣悅耳的歌聲。夜消磨,十分愜意﹗宵夜buffet有沙律bar、冷盤類、魚生檔、熱葷類、片皮鴨、蒸點心、粥粉麵檔、甜品、Haagen Dazs雪糕等,選擇頗多。蝦餃皮薄餡靚,蒸得剛好,澄麵皮晶瑩煙韌,蝦仁爽滑、配上豬肉,香鮮融為一體。若加點碎馬蹄或筍,口感則會更佳。燒賣以兩大隻鮮蝦及大量鮮豬肉作餡,蝦鮮甜而肉味香濃。黃薄皮有規律的波浪,燒賣頂以少量橙色魚子點綴。餡料若加少許冬菇粒,更能襯托出豬肉餡的鮮味。紐西蘭煙三文魚薄薄超大片,惜太鹹,不太合小妹口味;沙律菜則鮮爽且清甜;炆鮑魚把鮑魚橫切薄片,一分為二,軟腍入味,Yummy﹗Salami意大利腸夠鹹香,配合哈密瓜嚟食,腸的鹹味可以襯托出哈密瓜的甜味,水果的清甜又不會讓腸變得死鹹,十分
張貼