尚膳潮州酒家 (已結業)

下午茶食完隔離的廣東茶居，晚飯食潮州菜。以為好多人，所以一早訂了檯，但原來都唔係好滿座。斑腩豆腐湯，斑腩用油爆過，所以個湯有啲油，不大喜歡。黃豆涼瓜排骨煲，湯底好清，好味過個豆腐湯，味道亦不錯。蘿蔔中芹半煎煮黃花魚，依個菜做得很好，魚肉嫩滑，白蘿蔔索晒啲汁好好味。潮式爆蝦球，以為是辣的，但又不是，是甚麼味道又講唔出，淨係食到有個獻係面，咸咸地，唯有叫佢做有特色啦！整體食物素質尚可，價錢亦算合理，但服務態度就要講下啦。首先幫我們落單的經理表現得極不耐煩，問多句時他回答的語氣都拉長咗尾音；另外有兩三個服務員圍在收銀處和收銀員只顧著傾計，還有一位女經理坐在收銀處講手提電話，他們都沒有看見客人的需要。食食下望下個菜牌，發覺原來和隔離廣東茶居是同一集團的，唔怪得服務都是同出一徹，一樣咁差啦！如果有得再選擇，兩間都唔會再去。