澳門金隆雲南米綫 (已結業)

喺愈嚟癒無嘢食嘅銅鑼灣，今晚再次光臨呢間食店。渣甸坊食肆林立，有好多隱世名店（例如秀殿），可能由於自由行的關係，發現地鋪基本上都系為咗迎合自由行嘅口味，我原來以為呢間亦唔例外。睇咗以下幾位嘅食評，先知原來金隆喺澳門咁出名，仲開設咗幾間分店。呢度以過橋米線主打，樽仔奶茶打招牌，其實我已經嚟過幾次，一路都當系普通茶餐廳食兩餐，之前試過雞湯過橋米線，感覺唔錯，砂鍋上，熱lala, 雞湯清甜好飲，樽仔奶茶反而就感覺平平。今晚嘗試五香小排骨米線，order jor細麻辣湯底，其實已經夠辣，入邊有d酸菜，都幾開胃。平平地食飽又一餐。