金圓軒 (已結業)

幫襯左好耐,各種食品質數一直都keep住,而且加價極都算係幾抵食。今日waiter同我講商場勁加租,老闆做埋今個月唔做。 唉......香港地在商言商,真係唔想再鬧咩地產霸權點點點,只係每次都覺得好無奈。今日一個人食,又係食我最鐘意嘅五香牛肉飯,牛展夠曬淋(間中會有一次半次煮得唔係好淋架),又入味; 一直覺得果兩片伴菜青瓜超酸, 例牌咬一啖就算(如果同老婆黎食會比佢食,佢覺得OK酸)。關門大吉前應該會同老婆黎最後一轉。