更多
2012-10-02
1160 瀏覽
難得回港後一連可以再放3日, 更係相約友人出來飲下茶.係銅鑼灣唔想排隊之下,我地就來新星碰碰運氣, 今日係幸運日等唔夠3分鐘已經可以安排入座.叫左馬拉糕, 鳳爪, 菜苗餃, 黑椒韭菜餅, 鮮蝦腐皮卷及蜆介鯪魚球.其實來過此店2次都覺得佢地既點心做得都有水準, 最喜歡此店既馬拉糕做得好鬆軟只是今次味道偏甜不過用來配茶都算唔錯.另外菜苗餃皮薄餡料多中間既蝦肉都算彈牙.蜆介鯪魚球即叫即炸來時仍然熱辣辣配上咸香既蜆仔肉非常美味反而最差算係 黑椒韭菜餅, 又無黑椒味連韭菜份量都少得驚人,整個餅都偏硬又無味, 算係最差既點心.
張貼
