影片
更多
2012-09-25
3641 瀏覽
人就係咁犯賤，越得唔到既野就越想要，越去唔到既地方就越想去；食友間好多時都喜歡發掘D少人去既食肆，又或者將幫趁門檻SET得好高，等閒人士想試一次都難。從其他食友口中，知道童軍總會內既食肆，水準唔錯，雖然自已從來未參與過任何童軍活動，但都胆粗粗攪一局。事實上，想訂檯係要有少少方法，但為免店方難做，想知就問我啦！雖然係閒日，但竟然全院滿座，心諗：「唔通D野食真係咁堅？」而自己早已經係網上搵左幾個要預訂既小菜，再臨時睇人加多幾味就啱啱好！賣相已經知出事既椒鹽豆腐，皮不脆、肉不嫩，無釐火氣，連呢道菜最精髓地方都無埋，真係唔知賣點係乜？反而醬燒茄子個人幾鐘意，本身無走油，肉質變得較爽口，加上醬汁惹味，就算其他人未必欣賞，自己都食好多。糖醋子薑骨用腩排部位，雖然油份多，但相對地會好香口，炸得夠乾身，醬汁酸酸甜甜，其實好入味，唔錯。金陶軒原來有好多得獎菜，個名好靚既麗影紅紗卷，要一早預訂，賣相特別，用紙糯米包著肥牛炸到金黃色，但太乾身，起初仲以為係金華火腿片，另外，沙嗲醬竟然混入牛肉碎粒，反而帶起了肉味花雕豬手香味差少少，酒味流於表面，豬皮夠爽脆，有D似粉嶺群記豬手。另一味得獎菜係脆皮椰子雞，可以講
從其他食友口中，知道童軍總會內既食肆，水準唔錯，雖然自已從來未參與過任何童軍活動，但都胆粗粗攪一局。
事實上，想訂檯係要有少少方法，但為免店方難做，想知就問我啦！
雖然係閒日，但竟然全院滿座，心諗：「唔通D野食真係咁堅？」
而自己早已經係網上搵左幾個要預訂既小菜，再臨時睇人加多幾味就啱啱好！
賣相已經知出事既椒鹽豆腐，皮不脆、肉不嫩，無釐火氣，連呢道菜最精髓地方都無埋，真係唔知賣點係乜？
反而醬燒茄子個人幾鐘意，本身無走油，肉質變得較爽口，加上醬汁惹味，就算其他人未必欣賞，自己都食好多。
糖醋子薑骨用腩排部位，雖然油份多，但相對地會好香口，炸得夠乾身，醬汁酸酸甜甜，其實好入味，唔錯。
金陶軒原來有好多得獎菜，個名好靚既麗影紅紗卷，要一早預訂，賣相特別，用紙糯米包著肥牛炸到金黃色，但太乾身，起初仲以為係金華火腿片，另外，沙嗲醬竟然混入牛肉碎粒，反而帶起了肉味
花雕豬手香味差少少，酒味流於表面，豬皮夠爽脆，有D似粉嶺群記豬手。
另一味得獎菜係脆皮椰子雞，可以講係全晚最好既菜色，針筒將椰汁注入雞身，醃製後再用椰汁浸熟、吊乾，食之前再炸到金黃色，皮薄香脆，肉質幼嫩，又帶有椰子既香味，的確值得一試。
這個琵琶鴨，比益新好得多了，鴨肉羶之餘，醃料又入味，比好多燒味檔仲要好。
上湯鮮菌浸莧菜純粹食肉太多，加碟菜中和一下，鮮菌無乜味，莧菜浸得好稔，係咁多。
全晚最攞命係呢個蝦多士，油益味重到死，多士過份厚身，吸油太多，咬一啖已經覺得好油膩，蝦膠完全無味，又唔彈牙，真係乜野黎？
至於梅菜鴨粒窩窩頭，其實即係將饅頭預留中空位置，食既時候放梅菜鴨粒入去，一般而言，餡料都會偏咸，但混合包子之後，又正常好多。
兩款糖水係麥米粥同紅豆沙，以單尾黎講，又真係超水準，麥米夠稔，料又足，而紅豆沙竟然煲到起沙，又唔太甜，真係幾好。其實埋單$260，除左兩三味真係唔好要之外，幾個得獎菜都唔錯，下次有機會再黎要小心D。至於上菜我只能用神速形容，我諗如果人客跟得到，一晚翻三次檯都得！
張貼
