鳳城酒家 (已結業)

以前試過黃埔的鳳城,並無深刻印象。今朝遲起想飲茶,又唔想去太遠,諗起飲食男女提過嘅鳳城,於是同兩個女去一試。大約12點去到,即刻有位,有啲擔心。地方新淨企理,杯碟乾淨。打開點心紙,見大部份都是傳統點心。叫咗:1.金蒜鮮蝦春卷 - 無乜餡料,但即叫即炸,有燙口的感覺;2.紅油抄手 - 完全唔係果回事,只係豆苖餃加鼓油同些少辣椒;3.上海小籠包 - 細女一人食哂,唔知乜味,但上面加咗幾粒蟹子扮蟹皇,唔掂;4.香煎蘿蔔糕 - 得;5. 四寶滑雞扎 - 好,魚肚入味,雞件有咬口;6.香茜叉燒腸 - 腸粉夠滑,料多;7. 鳳城高湯炸粉果 - 炸不透,粉果皮有糊口又含油的感覺;8.雪耳木瓜糖水 - 太早叫,嚟咗攤凍咗,還可以。整體印象,食物水準不平均(千祈唔好點非廣東點心)。優點喺即叫即蒸/炸,要等耐啲但可提高食物質素(尤其係天冷)。招呼方面只係一般,明顯人手不足。環境衛生好(無去廁所,唔知乾唔乾淨)。環顧四周,見到多數係一家大細飲茶聚餐(可能假日關係)。最後埋單,6大點,1中點,1小點同埋3位茶錢再加一共$216,免找$220落樓。以食物質素而言,屬偏貴,唔會係經常去嘅選擇,偶一為之,食吓傳統點