影片
更多
2011-10-22
2595 瀏覽
早一陣子師傅約左好友毛毛睇場映畫戲, 而播放映畫戲嘅地點喺旺角, 咁未開場前當然係要先開飯醫肚, 於是師傅亦預早問下好友毛毛想食啲咩; 點知好友毛毛次次都硬係比啲難題師傅諗, 話要食上海菜, 上海菜好多地方都有得食, 但喺旺角看來選擇不多, 就算有也不是有水準的, 為免被人搵老襯, 師傅都係叫好友毛毛揀過!之後好友毛毛話要食中菜, 呢一下範圍真係大好多, 可惜兩個人都係難揀, 喺旺角擾攘左一陣後, 師傅忽然想起呢間食店, 皆因心思思想黎試好多次, 可惜一直苦無機會, 於是同好友毛毛商量下, 好友毛毛就話一於試下佢, 於是兩個人去到食店門口望左一陣, 至少見到價錢合理才行入去!入到去好友毛毛第一個反應係"嘩"! 師傅心裡當然明白好友毛毛嘩咩啦, 但個伙計就好似好唔明白咁問咩事, 師傅唯有苦笑而視! 可能真係未到萬聖節, 所以入到去人影都冇隻, 你話好友毛毛唔嘩就有鬼喇! 由於事前冇睇過呢間食店嘅介紹, 所以師傅都有少少拗底, 立即叫好友毛毛睇下呢間食店嘅評分, 可幸結果都唔太差, 師傅才稍為鬆一口氣!坐或後睇下餐牌, 發現有個二人套餐, 價錢都合理, 好似幾啱, 於是就決定食套餐! 二
之後好友毛毛話要食中菜, 呢一下範圍真係大好多, 可惜兩個人都係難揀, 喺旺角擾攘左一陣後, 師傅忽然想起呢間食店, 皆因心思思想黎試好多次, 可惜一直苦無機會, 於是同好友毛毛商量下, 好友毛毛就話一於試下佢, 於是兩個人去到食店門口望左一陣, 至少見到價錢合理才行入去!
入到去好友毛毛第一個反應係"嘩"! 師傅心裡當然明白好友毛毛嘩咩啦, 但個伙計就好似好唔明白咁問咩事, 師傅唯有苦笑而視! 可能真係未到萬聖節, 所以入到去人影都冇隻, 你話好友毛毛唔嘩就有鬼喇! 由於事前冇睇過呢間食店嘅介紹, 所以師傅都有少少拗底, 立即叫好友毛毛睇下呢間食店嘅評分, 可幸結果都唔太差, 師傅才稍為鬆一口氣!
坐或後睇下餐牌, 發現有個二人套餐, 價錢都合理, 好似幾啱, 於是就決定食套餐! 二人套餐可於餐牌肉任揀兩款小菜, 仲有白飯或黃薑炒飯同甜品; 而套餐亦有兩款唔同價錢, 就係分別在於個翅, 一款係紅燒蟹肉生翅, 另一款係紅燒蟹黃生翅, 蟹肉同蟹黃兩款相差四十大元, 當然係蟹黃貴啲啦, 於是就決定要紅燒蟹黃生翅餐; 至於兩款小菜好友毛毛就揀選清清地嘅金翠海皇豆腐, 而師傅則穩陣地揀香橙焗肉排!
落完單, 同好友毛毛天聞聞地聞聞, 唔使等好耐就已經有得食, 第一道登場菜式係主角紅燒蟹黃生翅, 先睇下個賣相, 紅燒蟹黃生翅真係金黃色咁, 揭開煲蓋見到紅燒蟹黃生翅仲滾緊, 起晒卜咁, 十足十卡通片藍精靈裡面加達用黎煮藍精靈個煲咁, 放落碗後即刻開餐, 師傅發覺紅燒蟹黃生翅嘅湯底都腥, 未知係蟹黃定係翅嘅腥, 不過就好唔吸引, 再試下個翅發覺非常之硬, 一啲都唔腍, 整鍋紅燒蟹黃生翅真係唔得, 師傅真係唔明點解呢間食店夠膽死用翅黎做招牌!
當試過第一道菜後, 師傅都唔敢對其他餸抱太大期望; 既然都柯打晒, 點都要食埋落去, 於是師傅先試金翠海皇豆腐, 呢個金翠海皇豆腐有蝦粒, 菜粒同豆腐粒, 豆腐粒就真係幾滑身, 而蝦粒同菜粒都好爽口, 味道都幾夠, 不過全部都係味精, 不太討好; 至於香橙焗肉排嘅橙味就好香甜, 而肉排亦好鬆身, 可惜亦放左好多鬆肉粉, 令口感和味道驟降, 唔掂! 最後師傅食埋碗冇咩特別嘅白飯, 而好友毛毛都食左碗黃薑炒飯, 應該都係冇驚喜右喇!
總括黎講食物質素唔得, 環境就舒服, 皆因冇咩人夠靜, 服務態度友善, 價錢接受到啦, 埋單四百幾兩個人, 咁嘅水準同質素, 絕對唔抵食! 師傅是次唯一得著係 "還了心願", 可惜呢個心願絕不美滿, 可幸好友毛毛亦冇咋型, 所以師傅好肯定唔會再黎, 而喊臉係值得一比!
張貼
