更多
2011-10-16
12 瀏覽
朋友揀左黎食飯,我地一行7個女仔...主題當然真係紅色,紅得黎都唔會俗...坐落都舒服,出面仲有露天茶座,好似有埋BBQ可預訂...我地都不知不覺叫左好多野食...想食清d都唔得tim...三文魚沙律, 雖然酸酸地幾開胃,不過d醋就略然多左d,菜唔夠爽口,三文魚冇食到...覺得生菜多返d會好d...可以加d番茄丫...水牛城雞翼, 叫左一打,本來諗住7個人唔夠食,點知有朋友原來唔食,我變左食左3隻...辣辣地都幾惹味,不過就乾左少少...芝士煙肉焗薯皮, 好熱辣新鮮焗出黎,仲要薯仔都幾厚下,加埋d芝士煙肉都幾好食,可以加d sour cream應該仲好味...豬頸肉石鍋飯, 都有好幾款石鍋飯揀,lei個係好似招牌黎,個飯加左d汁撈埋都幾好食,豬頸肉都唔算肥,仲有d西蘭花,椰菜花,d飯又乾濕度算適中,少許飯焦都唔錯丫...焗芝士露荀帶子粒意粉, 普通啦,意粉粗左d,露荀太幼,咬落冇乜心感,食少少夠喇...carbonara, 去到邊有得叫o既都會叫,不過lei度都整唔到心目中好食o既carbonara, 唔夠creamy,冇蛋香,冇芝士味, 只係白汁煙肉意粉咁, 唔似卡邦尼...意粉都係
我地都不知不覺叫左好多野食...想食清d都唔得tim...
三文魚沙律, 雖然酸酸地幾開胃,不過d醋就略然多左d,菜唔夠爽口,三文魚冇食到...覺得生菜多返d會好d...可以加d番茄丫...
水牛城雞翼, 叫左一打,本來諗住7個人唔夠食,點知有朋友原來唔食,我變左食左3隻...辣辣地都幾惹味,不過就乾左少少...
芝士煙肉焗薯皮, 好熱辣新鮮焗出黎,仲要薯仔都幾厚下,加埋d芝士煙肉都幾好食,可以加d sour cream應該仲好味...
豬頸肉石鍋飯, 都有好幾款石鍋飯揀,lei個係好似招牌黎,個飯加左d汁撈埋都幾好食,豬頸肉都唔算肥,仲有d西蘭花,椰菜花,d飯又乾濕度算適中,少許飯焦都唔錯丫...
焗芝士露荀帶子粒意粉, 普通啦,意粉粗左d,露荀太幼,咬落冇乜心感,食少少夠喇...
carbonara, 去到邊有得叫o既都會叫,不過lei度都整唔到心目中好食o既carbonara, 唔夠creamy,冇蛋香,冇芝士味, 只係白汁煙肉意粉咁, 唔似卡邦尼...意粉都係比較林左少少...
串燒牛加雞, lei個係扣分o既一味, 牛粒同雞粒都煮得太硬太乾喇, 冇沙嗲香味,好稀, 唔pass o既串燒...
焗芝士西蘭花, 都等得最耐o既一味, 勁多芝士係面, 一見到都漏...d西蘭花係好大舊,底下仲有薯蓉,係開粉o既薯蓉..麻麻地喇...
都係叫多左野食, 好飽唔想晒野都要食埋啦.....主菜都有餐湯,餐包同飲品, 我地三個餐...都冇特別叫多幾杯野食, 我叫左杯桂花柚子蜜要加2蚊, 太甜喇...甜到漏...
lei度如果係黎坐下傾計都唔錯o既, 野食就一般啦,唔係特別為左食野而家,只會係為搵個舒服地方傾計飲野...
同埋黎錯兩次意粉,真係要小心d睇單喇...
不過就唔算太貴, lei個價錢食左咁多野都唔錯架喇...
張貼
