影片
更多
2011-10-02
666 瀏覽
第一次於大舞臺舉行既婚宴，我隔離位朋友講咗幾次呢間嘢連續4年最佳婚宴場地。我會從環境，食物質素同服務去睇。環境：係英式建築的feel, 唔需要多講，鍾唔鍾意就見仁見智。酒席要分樓上樓下同每層分兩邊擺，有點怪，新人在進場同敬酒時就有D輪論食物：1. 乳豬：啲皮都脆的，但無肉食，我鍾意傳統有肉食吓那款，乳豬醬一段。2. 帶子珊瑚蚌伴娃娃菜：帶子煎香過再炒味道幾好，不過唔知點解細細粒（但又唔似摵細粒咗），伴碟的娃娃菜好大“注”，食果陣令人覺得“論盡”3. 炸蟹拑：好大隻，蟹肉蝦膠唔算彈牙4. 髮菜瑤柱扒生菜：髮菜無乜味5. 雞絲花膠大生翅：有陣怪怪的甜味同酒味，我朋友那碗仲加料，有條頭髮在內6. 鮑片扒小棠菜：呢款菜色唔係通常配生菜或菜瞻嗎？酒樓係配細棵的小棠菜，唔知係打風影響無菜用定係要慳（上面第二道菜用了娃娃菜，都夠平了)。鮑汁得個咸字7. 蒸大海斑： 我三十幾歲人，未試過去外食蒸魚，係食到鯹的魚，大舞台係唯一一間做到！而且條魚唔係大條，俾佢地蒸到老一老，D肉好鞋口8. 炸子雞：D雞肉係韌（係雞脾位），皮又淋的9. 麵飯：我選了伊麵，唔知點解個廚咁勁，可以炒到D麵碎濕濕，好似小朋友／老人
我會從環境，食物質素同服務去睇。
環境：係英式建築的feel, 唔需要多講，鍾唔鍾意就見仁見智。酒席要分樓上樓下同每層分兩邊擺，有點怪，新人在進場同敬酒時就有D輪論
食物：
1. 乳豬：啲皮都脆的，但無肉食，我鍾意傳統有肉食吓那款，乳豬醬一段。
2. 帶子珊瑚蚌伴娃娃菜：帶子煎香過再炒味道幾好，不過唔知點解細細粒（但又唔似摵細粒咗），伴碟的娃娃菜好大“注”，食果陣令人覺得“論盡”
3. 炸蟹拑：好大隻，蟹肉蝦膠唔算彈牙
4. 髮菜瑤柱扒生菜：髮菜無乜味
5. 雞絲花膠大生翅：有陣怪怪的甜味同酒味，我朋友那碗仲加料，有條頭髮在內
6. 鮑片扒小棠菜：呢款菜色唔係通常配生菜或菜瞻嗎？酒樓係配細棵的小棠菜，唔知係打風影響無菜用定係要慳（上面第二道菜用了娃娃菜，都夠平了)。鮑汁得個咸字
7. 蒸大海斑： 我三十幾歲人，未試過去外食蒸魚，係食到鯹的魚，大舞台係唯一一間做到！而且條魚唔係大條，俾佢地蒸到老一老，D肉好鞋口
8. 炸子雞：D雞肉係韌（係雞脾位），皮又淋的
9. 麵飯：我選了伊麵，唔知點解個廚咁勁，可以炒到D麵碎濕濕，好似小朋友／老人家食飯要碎上咁
10. 美點相暉：係糯米磁同焗菠蘿酥皮既嘢
11. 生果：欠奉（我地問侍應有無生果，無就走人，個女侍應話 “無人，主人家整咗咁多嘢回禮俾你地，你地仲想有生果呀？“ 乜原來係咁架？我以為酒樓有埋果盤或橙包埋添，真係失覺晒！個侍應仲繼續語無論次咁講，D鮑就係罐頭既，俾得多錢D咪可以用原隻囉，D菠蘿酥粒菠蘿都係用罐頭架)
服務：
1. 我寫呢篇食評之前，睇過舊食評，有人話過會上每道菜幫客人換碟。我地就無人會主動幫我地換，係要我地主動提出先有，食完鮑片那味菜碟都唔幫人換就要食魚，D汁溝埋一齊幾核突，混淆晒D味。
2. 有位姐姐仔，著住便服走黎做問卷，問吓我地覺得今晚宴會點樣，佢唔表露身份，我以為係主人家咁細心問意見，一問佢先話係大舞臺職員，我問了幾句，我幫朋友話碗翅有頭髮，個姐姐仔就好快咁講句唔好意思就雞咁腳走，唔再繼續問，好似驚我俾唔好食評咁，應該無幫我寫呢樣嘢落去。
3. serve我地那枱的女侍應，講說話有少少難聽，請大家睇番食物第11點。
張貼