三姐松記糖水 (已結業)

行過見到門口個牌寫住, 就諗起好耐無食過, 心思思, 有件事......$5有6粒, 湯圓為無餡款, 粒粒都用薑水煲透, 所以咬開都覺得薑味。 質地煙煙韌韌, 而花生糖碎甜度適中。花生糊 $10, 睇相片都睇到稀杰適中, 唔係一般嘅花生醬開水咁煮出來。 初入口花生味道唔係好重, 但係越食越有花生回味, 雖然唔係出晒油咁厚嘅回味, 至少覺得$10食都抵。