平日的午市，這店都座無虛席。原以為這店主打日式食物，但卻有西式食品選擇。我哋叫了三文魚魚籽丼、壽司烏冬定食、芝士黑松露薄餅等。先來三文魚魚籽丼，很失望，三文魚鋪滿米飯，但三文魚切得很薄，質感就一般了。飯質一般，口感和味道屬中下。壽司烏冬定食，有10件不同款的壽司🍣。壽司上的刺身大小適中，不過沒有鮮味或特別好。反而，迷你烏冬質感不錯，麵質彈牙，是幼條烏冬，幾好食。日式食物一般，沒有驚喜，反而西式薄餅都不錯。餅皮香脆，餡料適中，味道幾好。見到鄰座的豬扒飯很不錯😅

繁忙的鬧市，但這店午市卻小貓數枱，是市道未回復，還是。。。我哋揀了石鍋牛肉飯同石鍋豬肉飯。外邊有數般前菜，不包飲品，要加一，每人$九十多元。揀這裡是因為有近窗位，人流少，舒舒服服。坐下都覺得環境不錯，落了單就去睇前菜。唔。。。有啲失望，兩款泡菜、酸瓜、酸蘿蔔而矣。沙律菜算新鮮，但淡。石鍋來了，夠熱，不過感覺少，女士夠，男士可能不太夠。翻看一下，牛肉很碎，很少。豬肉反而有兩大片。我哋取了外邊的生菜🥬，撕碎撈醬及飯，立即感覺大好。飯焦好味啊。除了環境，單看食物，未必回頭。

下午一時多，都未夠兩點，老闆娘見到我哋四個在門外，就主動熱情叫我哋試吓，又話可以叫下午茶。看似小店，就光顧一下。餐牌食物種類都不少。我叫了三重牛（牛柳、T骨、牛舌）飯，可選意粉或薯菜。八十多元，不算平。牛柳厚厚的，不能以西餐廳相比，但的確與茶餐廳類比較，這裡的牛柳，味道和肉質都中上。T骨很長，有三小骨之長，質素一般。有兩片牛舌，我反而覺得這好味，不會鞋，也不會硬，食到牛味，咬感軟淋，適中。阿仔叫了炸雞脾薯條，雞脾都大隻，皮脆。四十幾蚊。我哋還叫了黑椒豬手，七十多元。落單已知豬手不是德國式香脆果隻，但質地軟淋。一個老闆娘頂成個樓面傳菜及收銀，佢都勁，而且對客殷勤有禮。

這食店食物選擇多，晚餐可以西式意粉和飯類，還有各式扒餐，此外更有多款小菜。今晚一家四口大家都揀了扒類，兩個仔揀了雜扒，有豬扒、雞扒、牛扒和司華力腸。餐湯有羅宋湯或忌廉湯，忌廉湯稀稠適中。羅宋湯內也充滿菜蔬。扒餐還有一片多士，這不是平時普通的多士，唔記得個名，很鬆很香。扒是大大件，牛扒是厚厚的，不是早餐薄薄果種。牛扒肉質都正常，雞扒醃味就一般，所以大家都不多好。我叫了羊架，有三大件，不過肉質很差，沒有咬感，又肥，更重要是完全沒有羊味。我哋四個食完各自的扒，都覺得質素麻麻。或者下次試小菜吧！

平日的晚上近八時，見到酸辣粉餐，有紅油抄手、炸雞扒的酸辣粉餐，七十多元，都幾吸引。落單時，店員很誠實話要等起碼15-20分鐘🤔⋯⋯既然唔趕時間，冇所謂。我認為店員落單前已告知客人考慮，這是非常好。最後真的等了18分鐘，因為得一人工作，我見佢都唔停手的，辛苦啊！ 我特意話微辣便可，幸好講左，不然我食唔到了。這酸辣粉頗酸，辣味有啲特別，有啲逐喉，不錯的，只是我不懂欣賞。紅油抄手，皮薄，很滑，我覺得好好食。最讚是炸雞扒，炸得外脆內軟，雞扒肉質仍滑滑，熟度適中。我很滿意這餐。

平日，青衣城都不太熱鬧，四點去食下午茶，這店都不斷有客。講真，青衣城食嘢唔平，我食過這店午餐，下午茶略平少少。是次叫了海鮮喇沙。有一隻青口、兩舊豆卜、兩片魚片和一隻蝦。連熱檸蜜$61。喇沙送來，顏色很美和吸引。嚐一口湯，嗅一嗅，很撲鼻的椰香，又很惹味，或許花生粒及香料等。我幾滿意這碗喇沙的稠稀度，適中。不過這是一碗「海鮮」喇沙，得一隻青口和一隻蝦，沒有其他海鮮，卻嫌吝嗇。內裡的麵和米粉，軟硬適中，亦吸晒喇沙的醬料，好味。通常在青衣城午餐，想不到食咩，我就去這間店，因為價錢合理，食物款式多，也坐得算舒服。不過下午茶就不太優惠。

雖是工廈，但見餐單和食店環境不俗，專登早啲來試，因為工廈普遍午市非常旺的。十二點十五分到，見到堂食客不多，🤔想多了，怎會知道外賣單多得源源不絕。我廿幾分落單，四十七分有得食，都唔算誇張。午餐$48，我叫了海南雞飯，配特飲加$3，青檸梳打，抵。一送來，喜出望外，個雞的顏色很吸引，感覺肥瘦適中，雞的份量也不少，仲給我雞髀，正啦！這餐跟湯，嚐一口，清清地，接受，好過味精水，👍🏻。雞的肉質算滑，有啲啲咬感，好唔好叫有點韌？但我接受到。不過，雞的製法略欠一點味道，一啲雞味都沒有。不過這價錢已很不錯。醬汁有兩款，其一是正常的酸酸辣辣，非常開胃。但另一居然像豉油，稀的。平時海南雞飯，一般是稠杰略帶點甜味的醬，這醮雞也是一絕。但這裡用這普通豉油就失分了。只好醮酸辣汁。這個餐還送糖水（送完即止），是日係西米露，略甜。但這一餐真的非常滿足了。青檸梳打就非常淡，近水。我都會再試，因為這店午餐還有多款，我都有期望。

星期六七時多的晚上，東薈城各樓層的食店都有人等位，只是多與少。自己一人就選擇了食代館，貪果度多選擇。見到呢間$80有蛋包飯，仲有吉列炸蝦和雞扒，應該都大滿足。$80是沒有飲品的，就是這一碟飯。轉眼就有，飯市的確快手喎。望落去都不錯吖，有兩隻吉列炸蝦，相信都係急凍果啲。蛋包飯的蛋，不滑，也不覺得蛋香。最不滿的居然如此普通的雞扒都麻麻。一入口非常失望，飯市時間，人客不少，雞扒居然是冷的🙄。這就是致命傷。$80不是平呢！早知食其他。

常常聽到這食店的名字，那一夜又是座無虛席。這是我們大家族的冬至飯，揀呢度原因是海鮮冷盤啱大人，天婦羅、甜品啱孩子，就試一次。我哋成十幾人，所以被安排較偏位置，我就不覺大問題，因為本身這裡的每個角落都會放置食品，都係要周圍行的。先說冷的，開邊龍蝦，有大有細，有膏冇膏都係師傅隨手給。疫情下，這樣都衛生。龍蝦肉都爽實，味道一般啦！本身這些開邊龍蝦間間都無乜味，所以唔霉算贏。還有生蠔，之前睇食評有啲幾大隻，這晚較細，不過我覺得都新鮮，唔落野都食到。特別讚，女師傅手勢好，完全冇殼。換左男師傅就有少少殼了，立即浪費了。還有青口、翡翠螺、凍蝦、蟹腳等，不過我冇試。 刺身款式都係三文魚、吞拿肉、劍魚、八爪魚、北寄貝和帶子等。我食左一round就冇食，因為唔覺得特別鮮到要encore. 阿仔成日見到有新炸起的天婦羅🍤就會取，的確味道不錯。師傅不停炸，不斷出貨，所以唔怕冇。還有多款西菜，如：西班牙海鮮炒飯、意大利飯。。。多到唔記得。中式就蒸魚，不過一般啦。唔覺得特別鮮甜，自助餐質素屬正常。聽講燒味很出名，的確叉燒軟林；燒腩肉燒得皮脆，肉不鞋。剛好有個細路👦🏻問職員有冇海南雞飯🤔⋯⋯原來有，但不會放出來。我問了職員取小碟，雞嫩滑，油飯香。不錯👍🏻。中場有得排片皮鴨，我覺得是排回來，所以特別好食。不過1-2件已足矣。 這裡每位只包一杯飲料，冇得任飲又欠少少。不過有得轉輪抽獎，阿仔贏多次贈飲，咁就夠了。當然，職員也會不時加水。有一杯特飲，檸檬紅酒🍷，OMG, 熱🤔⋯⋯正想淺嚐，果陣味，藥酒味咁，試一啖，😅真係好難飲。 甜品有不同款式的蛋糕，細細件。不過，我真心唔覺得好食，其中一兩款酸到不能入口。轉陣食雪糕。雪糕都很多款，惟有食雪糕啦。 成人埋單$718，加一。講真，唔算抵，但我覺得食物普遍正常，環境都舒服，食物亦不停refill. 不過自己食量小，就唔多抵。

公眾假期，在青衣城覓食不易的，所以行遠一點去青衣城二期。101這食店有多間分店，見到餐牌選擇多，有飯、湯麵、拌麵。價錢亦由五十多元至七八十。既然咁多選擇，入座才揀。蕃茄、咖哩，都不太想。未食過三杯雞，就一試，叫埋應該正常不過的珍珠奶茶吧！埋單$53，平吖。落單後，很快就上菜。講真，一送來是失望的，賣相一般。不過想下價錢及望真啲，有菜、肉、豆卜、半隻烚蛋同肉燥，其他算不錯。試吓雞肉，有啲鞋，不過個汁出奇的好，令人開胃，伴飯不錯。肉燥也不過鹹，白飯略為過軟淋。因為汁開胃，很快KO了成碟飯。最遜色是珍珠奶茶，滿心期待這應該好正常😮‍💨⋯⋯珍珠質地過軟，沒有味道。奶茶如水一般的淡。如果想在青衣城找平的，可試這，但不要對質素太高期望。