見有酮友話食得,就去試下,問個staff, 係咪生酮都食得,佢話唔知咩生酮,咁我問你用咩糖,佢又話唔知,結果識得去問廚房,話係桂花糖水,咁我問係咪唔係白糖,又唔知,仲要話寫得低糖就唔係白糖,邊個話低糖即係唔等如用白糖? d職員又係度講頭先見到人去廁所冇關門,睇住人地去...想點呀,我食緊野㗎 我有食晒個蛋白杏仁茶,但個蛋白底好似加咗大菜糕咁,個杏仁茶係食落好甜,完,冇下次

午餐叫咗 水門雞飯 雞冇咩味,但汁好食,惹味,油飯好食,但太小,男士會不夠飽 青咖喱雞飯 咖喱汁特別,好香金不換味,同出面不同,好食,同樣飯太少 泰式奶茶好飲,偏甜 好食,但係要顧及打工仔食飯時間,等半個鐘都未有得食,買飛時收錢已經慢,前後枱都有話出錯單,葵興真係好多人食晏,希望可以做好啲

今日去經過添馬公園，順便去食個tea 先，有幾款不同嘅多士揀，一見到有牛油果，就揀咗佢 一見到就好開心，有花心思擺盤，個多士底好脆，好香香草同牛油味，個蛋係我至愛流心蛋，牛油果醬加蕃茄好fresh 好新鮮，正 !齋啡正常。 最好笑係上菜嘅叔叔見我做緊嘢就叫我食完先做啦，又不停有人加水俾我，結果我坐咗兩小時，下次要試下午餐先，值得支持嘅社企

今日去開荔枝角，見到有間新開貓cafe，就去試下啦，門口有鞋套，入到去都冇味，有好可愛嘅貓貓，好得意呀，任摸，又肯玩，隻隻都好親人，咖啡同蘋果批都好好味，地方夠大，人同貓都好舒服

喺波士冰室隔離見到間新開嘅冰室，於是去試下，星期日兩點幾要排隊... 凍檸茶好飲，冇檸檬係因為佢係冷榨嘅?咁好咁高級? 不過又真係冇苦味，又冇核，幾好飲喎.. 葱油巨雞扒飯，好多葱油豉油，以為會好鹹，但又唔係喎，又無肥膩感，雞扒都算滑，個飯係幾好食，似日本米感覺。 炸雞翼薯條，雞翼似生炸，薯條都炸得幾好，薯條個炸粉特別。 最好食係個菠蘿包，一砌流d芝士出嚟，芝士鹹味同菠蘿包甜味好夾，芝士有兩個層次，一個流心，一個有拉絲感，好食!其實都幾大個，好飽好味

記得曾經食過，好似ok，不過偏貴，今日想食下T，行咗入去。 叫咗個芝士壽喜燒牛肉丼，唔駛5分鐘就到，係暖嘅，不過好鹹，芝士鹹，牛肉又乾又鹹，個飯底係0k嘅 加錢叫咗杯mocha, 如果我係叫熱朱古力，好味；如果係叫咖啡完全唔掂，但個賣相幾靚

今日又去咗食comfort food, 原來由第一次幫襯到而家大半年，都沉住最多一個星期會去一次，雞扒流心蛋無論配bagel 定牛角包都好好食.. 雞扒用坑板煎加黑椒剛剛好，流心蛋又夠流，哈哈，咖啡向來都苦度夠強，補返之前其實有食過鰻魚炒蛋，又係又抵又好味，價錢便宜，職員們又落力又可愛，好好記性，老闆真係要加下佢地人工先得

今日Pacific 生日，有紅色有半價，當然要幫襯下啦，有個好有禮貌嘅咖啡哥哥，見有客用英文同佢講英文，就即刻轉channel, 隔住口罩都知佢笑，又快手，一如以往咖啡好飲，地方夠大又好坐，可hea

成日經過都想試下呢間咖啡，今日心血來潮就去試下個早餐先 叫咗一個煙三文魚忌廉bagel好好食， bagel軟硬適中，喺香港好難食到一個我覺得好食嘅bagel，裏面啲菜夠新鮮，加埋煙三文魚同cream cheese一啲都唔漏，完全係perfect match 加咗杯signature coffee, 玫瑰latte, 其他嗰啲cafe會好甜,但係呢杯啱啱好,有玫瑰味但係仍然飲到咖啡嘅苦味, 拉花又靚 另外值得一讚嘅係兩位店員同啲客好熟好親切， 就算我第一次嚟都感覺到，佢哋好有heart，就算啲客一個接一個都冇黑面，又好有禮貌，而家香港真係愈來愈少見 佢仲有午餐set今日未試過，不過我見到佢哋預備緊材料已經好香推介值得一試下次再來

openrice 外賣自取網上落單真係好方便，而且又有折， 平時星期六日都成日去The Base而家冇得堂食梗係要去叫外賣啦 因為返到屋企就掛住食唔記得影相 因為十五分鐘就有得拎，而且飛快地返到屋企啲食物質素重保持得非常之好。 今日叫咗香煎日本刺身帶子配海鮮墨汁意大利飯， 平時鍾意食嗰個米形粉今次試下第二樣先， 帶子夠鮮意大利， 意大利飯有口感， 好食! 跟住叫咗個澳洲草飼牛肉漢堡配炸薯格， 牛肉漢堡同薯格個配搭啱啱好，薯格炸得夠脆，牛肉漢堡生熟度適中，正! 仲叫咗個慢煮博多地雞胸藜麥馬芝士芥末子汁沙律， 呢個我成日都叫，而家個價錢咁優惠叫多個set當菜食， 佢個雞胸係滑到冇朋友，個沙律汁同 ，沙律又好夾， 實在喺茶餐廳價錢餐廳質素! 希望佢捱得過個疫情唔好執笠仲送3杯嘢飲，實在冇得輸!