之前聽聞已幫襯過的原居民裝修過後有新menu，有韓牛扒食，立即訂位試試，果然無令我失望，既有牛味又夠腍滑，可說是集美國牛和日本和牛之優點於一身，一定會盡快約朋友再去食過，因餐廳說這韓牛推廣期有限
另外龍蝦和另一款海鮮拼盤都非常好，龍蝦雖然唔算好大隻，但個調味令我有深刻印象，不會過於重手蓋過龍蝦本身鮮味，也不會過份單調地只是鹽和黑椒，惹味得黎又帶出到龍蝦本身鮮味，一流！
海鮮拼盤有銀雪魚，大蝦，帶子，每樣都食得出好新鮮，火候一流，特別魚同帶子都係特別容易over cook的食材，師傅卻處理得剛好，有焦邊得來卻不會過熟，配埋個龍蝦濃汁食非常正
以上都係晚餐menu上選，每個主菜另有頭盤可以選擇，可惜我無影到相，其中一個非常特別，法國小膳海撒沙律，膳魚細細條，有咸鮮又唔腥，第一次食，好特別好好食，總括今餐每樣都好滿意，又抵食，同屋企人share食，埋單都唔駛一千蚊，以呢個價錢同質素，性價比超高👍

同幾個朋友一行4人去晚飯,其實之前食過一兩次,食物質素的確唔錯,所以值得再去

今次食物質素照樣KEEP到,手切安格斯牛肉入口滑溜,但略欠牛味,$198(大)(不是圖片中的肥牛)

美國肥牛唔抵食,$98,雖然價錢平一半,但分量少,質素亦非常普通,只比市面其他任食火鍋的肥牛好一點

蝦滑拼墨魚滑好食彈牙,芝士牛丸和WASABI墨丸sell 創意居多,好食與否見人見智

響鈴食得出自家新鮮炸起,略厭大件左少少,食兩件已覺得油膩感十足

本想叫醉蟹鍋做湯底,但經理話賣晒,推介左個牛尾鍋,朋友講笑問道係咪真係好味架?

經理話湯底似羅宋湯,但來到唔係一回事,湯底麻麻,唔係太似羅宋湯,但牛尾好食

另外坐低時侍應會幫你加豉油,一款是打邊爐用,一款是加wasabi食刺身用,有少少似暗示你要試呢度d刺身咁

我地最後都叫左個章紅魚刺身,大約$80,份量不算多,但的確新鮮,魚肉彈牙,值呢個價

最後想講佢地服務,一入到去坐低幫我地加豉油的男侍應,我開頭唔知點解要有兩款豉油,問佢有咩分別

但佢唔知聽唔到定發緊夢無答我,最後問另外一個阿姐先有答案

個男侍應全晚問佢野或叫佢跟單都似夢遊緊,唔係答得慢就跟左單都係無結果無黎到

女侍應個阿姐好有禮貌,見佢都好勤力,但叫佢跟單都係做唔到野

最後就係漏單情況真係非常嚴重,由我地落左單開始等左20分鐘只係黎左碟牛肉,個鍋都未黎

過多十分鐘就黎個鍋,等到滾起我地食完碟牛都未黎其他野,我朋友仲講笑話似食緊法國火鍋餐,上菜速度奇慢

崔一崔單先黎個刺身,食完再崔先再黎其他配料,最後碟後加的美國肥牛要崔上崔,分別崔左兩三個唔同侍應同經理先黎

我當然知道呢個只係個別情況,因為隔離枱遲過我地黎0既客0係我地食緊刺身時已經黎晒所有野

呢個先係我地更加嬲0既原因,

但始終呢間火鍋食物質素真係ok,可以再去,只希望下次再去的時候我地唔會再咁黑仔係被遺忘的一群

同女朋友買左兩位團購晚餐食俄羅斯菜,以下係該團購的資料 :

$138歎【中環Ivan the Kozak 俄羅斯6道菜晚宴】歎盡俄羅斯、烏克蘭名菜：三文魚子醬、海鮮蘑菇卷、酥皮燴牛仔肉/俄國焗兔肉/東歐煨香辣牛腩、基輔炸雲尼拿雪糕等！東歐主題餐廳，100%地道風味！

老實講,我同女朋友都未食過俄羅斯菜,並唔知道我地當晚食0既算唔算係正宗地道的俄羅斯菜

所以我唔可以只以這一餐的經驗去話俄羅斯菜難食,只可以話係呢間餐廳0既呢一晚晚餐真係好難食

首先我地當然係比團購寫的資料吸引我地去買呢個團購,但黎到0既菜同我地所預期0既真係差天共地

先講下我地揀左咩食先,每人6道菜,其實唔止以上選擇,去到個MENU仲會有好多選擇

首先每人一客三文魚子醬係一定的,之後每人可以在6-8樣頭盤中揀兩樣

我地揀左一個海鮮蘑菇卷/一個唔知咩焗蘑菇/茄汁龍利柳/一個唔知咩五花腩大約3分鐘已經可以上菜,先黎左呢兩碟,我見到有我地揀0個4樣頭盤,加兩條唔知咩卷,心諗唔係應該先上三文魚子醬架咩?

食落先知0個兩條原來就係所謂0既"三文魚子醬",其實只係一條蛋卷包住有幾粒三文魚子0既沙律卷

未算好難食,但亦唔會叫得上好食,但感覺就極度搵笨,同個名比人0既感覺係兩回事LOR

其他4樣頭盤都極普通,五花腩已叫最好,但只係幾塊唔差0既蒜泥白肉0既白肉,亦無特別

海鮮蘑菇卷同另外一個焗蘑菇同埋茄汁龍利柳都唔好食,最重要全部都係微暖或者凍的

唔怪得之上菜速度可以咁快,我相信識食0既人都知道,一間好0既餐廳係唔會使用微波爐的,

尤其係你比幾百蚊去食飯,一定會期望佢會即制比你,茶餐廳叫個炒飯都會即炒比你啦,

最過份0既係整定都唔怪你,叮返熱都懶都真係想爆粗

跟住再黎兩個好味過滖水0既湯,話好味過滖水只係話佢比水有味,但都係唔熱的食到呢度已經對主菜無期望,只係希望快快食完走人,佢呢點反而無令我地失望,

因為我地頭盤同湯都未食完未收野,主菜已經到,我地叫左一個串燒羊肉,一個燴牛仔肉羊肉味道還可以,而且上菜時都仲有少少煙出,但份量少得可憐,得4舊似羊腩0既羊肉咁大把

牛仔肉一上菜睇賣相已經知道唔會好食得去邊,食落跟本就係普通0既薯仔忟牛腩,仲要係凍同埋唔好食的

都係0個句 { 整定唔怪你,叮返熱都懶 } ,XFw@@#%

最後三揀二甜品,我地揀左個基輔炸雲尼拿雪糕,同埋肉桂蘋果薄餅炸雪糕ok,味道不過不失,比較少地方食到,肉桂蘋果薄餅我同女朋友一人食左一啖就無繼續食

成餐飯食左唔夠45分鐘可以埋單走人,無錯係要埋單,因為除左團購每人比左$138,每人食完要比多原價$398的加一服務費$40

即係埋單要比多$80,加埋團購價每人$138即係每人呢餐食左$178
(大家如果買團購時一定要睇清楚條款及細則,唔好比d寫到細細隻字0既條款及細則陰到)

唔好話原價要$398啦,依家每人$178我都覺得超唔值,如果有人用原價去食左呢個餐,我相信淑女都會變潑婦

唔好同我講話 : 團購平咁多一定係咁架啦,將貨就價ma,原價就未必係咁架啦

以前好多團購都係為左宣傳,所以先會平咁多,情願賺少d或者打個和當宣傳費,絕對唔會將貨就價
因為如果將貨就價而令到人地對佢間野失望左,只會更加得不償失,失去左原本搞團購0既意義

對我就係一個好例子,因為我一定唔會再去

呢間餐廳去過好多次,但食物質素越來越差
最近一次更差到要令我開A/C去寫食評
我同女朋友兩個人食,叫左兩款湯,一個芝士通粉,一個蝦併牛扒(詳細名稱已唔記得)
兩款湯味道還算不過不失,叫入到口,但絕對唔可以話好味,但兩款都唔係熱的,只係暖,無煙出的
芝士通粉,放0係個鐵PAN上菜,但竟然可以係凍的,完全凍的芝士通粉,暖都講唔上
呢個真係頂唔順,叫人黎幫我攞返去加熱,5分鐘後再攞返黎,都只係暖左少少
唔敢再叫佢加熱,驚廚房加料,但WAITER收野時問都無問我地意見,
蝦併牛扒,蝦有6隻一串串住上,但有D係唔新鮮,一食就覺得(梅)的
牛扒無肉汁,DRY爆,如果佢地知道佢地D牛扒咁DRY,好心就另外比多D汁去補救下
但佢只係比左少少唔知係燒汁定咩汁,一塊牛扒都唔夠點,仲要唔好食的
我諗全晚最好係兩杯果汁ONLY
我諗我以後都唔會再去