最近武肺盛行，不過見尋日係白色情人節，中午同男朋友諗住食韓燒開心下，去到人唔算多，有1/3客左右，店員幫我地量完體溫同簡單講下收費就叫我地埋位坐，正想坐低之際，店員又叫我地去近門口第二張枱坐，都無所謂既，我地都行左去諗住坐，點知個店員又再叫住我地，話原來經理係想我地搭枱 橫觀成個場無一枱客要搭枱，而周圍都係吉枱，我地R晒頭問點解要我地搭枱， 初初店員話因為我地坐嗰D圓枱可以坐到五個... 真係呆左，而家除左我同男朋友之外又無五個/甚至其他客入坐，點解呢個時勢仲要安排我地迫住坐，同人搭枱？ 跟住我地唯有唔食打算走，個店員話唔關佢事，叫我同經理講（我諗佢都好唔明白呀經理咩安排） 我個人好直接，都真係走左去同經理反映，可惜佢個腦唔識轉彎，認為兩個人就一定要搭枱，大枱要留番比之後黎既客，咁我地都無野好講，去食第二間算數 事出突然，無影低相片，但我以前都有同朋友食完飯寫過食評，絕對唔係打手，奉勸大家如果Walk-in要小心 最後送上一張我地之後揀既餐廳張貼的告示作結。 想開開心心食餐晏都咁難，無奈~

跑完馬拉松, 諗住行去天后搵下食
行到呢度覺得幾得意, 就決定一試
人多, 可能大家都係跑完黎食, 唔緊要..多人幫襯心諗應該唔差
但差在根本冇人招待我地, 似FOOD COURT自己等位
等等下又唔係, 原來有派飛, 好在拎左飛 兩個人好快等到有人走就有位

見佢咁多人, 都冇得計較服務..
但..D位都唔舒服..一個字"迫"

叫野食, 早餐牌叫極都冇人比, 忙還忙, 早餐時段想人叫牛腩咩
好喇..拎到牌, 一個早餐$38, 以為好特別, 因為見佢枱上個MENU都有D幾特別既野,都一試..
煎雞扒公仔麵拼滑蛋飲凍檬茶...
黎到見到..冇特別...失望...
開動...普通到呢..塊雞扒都冇調過味, 只係用黑椒去煎..我諗只係因為當日係馬拉松, 加上佢門面幾靚, 所以先咁多人...中伏..
可能我叫唔中佢D美食啦~所以...
一次就夠喇...唔想再試

放工同朋友相聚, 兩個久病未癒既人去左上上拉麵小籠包, 貪佢清清地唔熱氣 只有兩個人, 叫左一個菜, 好似係上湯浸豆苗, 定清炒呢, 總之就好好味
(可能我同朋友本身都中意豆苗啦哈哈)

仲有第二樣叫左小籠包, 正呀正呀, 皮簿熱辣辣..感覺佢d皮仲簿過霞x同鼎xx..
(雖然我都好中意去霞x同鼎xx, 不過都要講句真心說話)
*唔好意思食左兩粒先記得影相 最後一樣, 叫左蝦球炒拉麵, 好好味呢, 本來想叫鱔炒拉麵,
不過朋友麻麻地鱔 所以叫左蝦球
有D "九"王同磨菇片, 加埋手拉GE拉麵, 炒得幾好食

總括黎講, 三個菜我都覺得OK
朋友仔都係咁話
服務唔算得好好, 仲食食下有人打爛左成兜碗, 嚇一嚇..
不過都唔差呀, 我地兩個女人仔掛住傾食得又慢..
佢地都冇趕我地走, 所以最後我地ENCORE左個豆沙窩餅
HEHE..可能平日, 個場唔爆唔駛驅趕我地
仲可以襯個甜品未黎傾多陣
豆沙窩餅唔記得影相, 不過熱辣辣都唔差呀
個人覺得個餅脆D仲好

下次想食又唔想排隊等好耐, 黎呢度冇錯

約左2個中意綠茶野GE朋友去TEA, 朋友早左到, 等左一陣已經有位, 好好彩, 唔係GE話要坐近窗台冇人揀GE位, 都咪話唔熱~(雖然裡面位都有D熱...)

裝修好古式, 似黎品茶咁, 不過感覺唔算太舒服呢..相信好多人都會有同感

不過一場黎到, 緊係食埋先再講! 得英文ge menu, 好彩都知係咩XD

Order左以下幾樣野: Mocha Soul, Mocha lemonade, Matcha loaf cake, Banana Toffee Pudding, Matcha Browie 同埋綠茶心太軟 三個人食四個甜品wahaha其實以上咁多樣都唔差, 不過我個人唔係green tea lover, 冇好好味ge感覺, 朋友係green tea lover都冇話好好食, haha, 大家都覺得ok, 可能價錢計起黎貴啦, 同埋環境唔算太舒適, 的確有d扣分, 總結係試一次就夠。

是日朋友仔生日, 我地2個去左撐枱腳
環境都幾靜同舒服, 講野唔係大大聲都唔會嘈親其他人ge..叫野食, 朋友仔話未食過呢d一層層ge tea set, 所以叫佢就冇錯喇
$348兩位, 酒店黎講唔算貴嚕, 加上帝苑D cake係出名好食呢, 所以叫LA叫LA~朋友叫左蜜桃熱情果凍茶, 我諗住叫青檸咸梅雪碧無死,
點知死左...好鬼咸+

小食:
本人少食鵝肝, 感覺似豬膶, 一般唧...
春卷唔錯(不過好難難食架喎我覺得)
蔗蝦係D蝦膠包住條蔗, 蝦膠都幾好味, OKOK
紙米卷有2隻, 豬柳比軟殼蟹好味

甜品比小食優勝, 除左MACAROON, 樣樣都好味耶
樣樣都食到我LAM LAM脷, 而且每樣都係細細件, 唔會好漏食唔晒,
食晒呢個SET, 又唔會唔夠, O岩O岩好呀我覺得
仲可以同朋友仔一路食一路傾計, TEA SET黎到侍應仲好樂意幫我地影相HEHE

下次如果想HIGH TEA, 呢度都可以再ENCORE
如果佢MENU會轉下就好喇

想去咖啡弄很久了, 但知道要等很久再有位, 所以一直都未試到, 今次心血來潮, 同一個朋友仔都想試下, 就一放工就沖去拎飛了, 不過我o係九龍區返工, 放工搭得車都就快7點, 所以都係要等好耐呢...

我同朋友行開過兩次, 終於到我地喇 (不過中間走左ge應該都唔少)坐低, 開始眼闊肚窄喇XD
初初唔知一人要叫一杯野飲, 仲諗住叫左3個食物可以抵番野飲, 因為水果茶好大壺嘛, 後尾先知自己傻仔左, 最後兩個人仔叫左勁多野! 三個野食兩杯野飲! 人地可能以為我地生積 Orz ....

正經返先, 我地叫左:草莓冰淇淋鬆餅: 賣相好吸引, 但味道ok la, 一人最多食到一舊XD
建議有三四人食先好叫呢個HAHA總匯三文治&冰鮮果茶: 三文治 栗米片 沙律 鮮果茶 全部都好好味
我諗我下次都會再食呢個! (心心眼....)起司玉米肌理可頌: 都OK的, 但我中意三文治多d XD冰鮮果茶vs抺茶鮮奶: 冰鮮果茶勝! 好好飲~

服務員態度好好呀, 好有禮貌, 我個位上面冷氣滴水, 佢好小心咁抺, 驚住滴到我地, 十分細心!
又同我地傾計, 親切有禮 ~~ 所以下次再想食, 我會行街前黎左拎飛先, 再打電話去CHECK下到未, 不過睇黎應該行夠皮返去食就差唔多架喇HAHA(令人有點兒灰呀...希望下次幫襯唔駛等2粒鐘啦!)

我明白係小本經營, 但間舖大d多位d就好喇!

同朋友一行十人去食生日飯, BOOK左7:30PM十位, 一上到去有位, 都預左D位係迫, 但十個人就坐門口第一張.....安排得真係好

Order野食, 食食食食食....
同事影架, 好似好吸引天婦羅蝦飯卷: 同事有ENCORE, 應該 GOOD GA花之戀: 同事有ENCORE, 應該GOOD GA X2Sushi: 我食左鰻魚同芥末八爪魚, 好味炸物:我食左炸帶子同年榚: 好食, 同事話餃子同蠔麻麻牛肉鍋: 我愛的牛肉豉油清湯, 仲有粗粉絲底, YUMMY蛋: 一致認同: 唔好食金菇牛肉卷: 同事個個食完話UN到媽媽都唔認得燒菠蘿: 好食架, 我食過一次就愛上喇刺身(帶子, 螺, 希靈魚, 吞拿魚, 赤蝦): 除左吞拿魚我冇食, 其他都幾好刺身(鮑片, 甜蝦, 赤蝦, 三文魚):鮑魚好好食 赤蝦比甜蝦好食 蝦 & 南瓜天婦羅: 蝦本身好食, D粉厚左少少

仲有清酒煮蜆同辣椒炒蜆: 辣椒炒蜆唔辣架, 惹味居多, 清酒煮就冇咩特別, 都係咁上下

食完野, 叫佢執野上蛋糕, 呢度食CAKE好誇張架, 會熄晒燈再播生日歌 (生日歌仲要好長)
我生日個朋友仔成為全場GE焦點, 太爆了!
影完相食完CAKE就埋單走喇, 有買六送一, 抵番D啵

是日放假, BOOK左位同男朋友6點就黎食DINNER BUFFET, 正價一至四$418加一, 五六日就貴多少少$448加一, 我O係酒店門口睇到牌介紹的, 「春日可持續海鮮」自助晚餐XD, 可持續....笑了

六點準時到左, 野食已放晒出黎, 人就未太多(因為我地早呢HAHA, 食到七點凌八點先開始周圍都坐滿人), 坐低左仲可以悠悠閒去個洗手間再出去揀野食, 出到去見到好多好吸引GE食物, 太開心喇生蠔吧: 有師傅長注即開生蠔, 可惜我同男友都唔中意食, 只食一隻就夠了 冷盤:長腳蟹好好味~~剪剪剪, 食食食, YEAH~~冷盤: 除左長腳蟹, 仲有蝦同螺
蝦冇味ge, 螺反而好食d! 素翅: 我以為係粉絲沙律~~點知係辣油素翅, 好辣呀, 得個辣字刺身(甜蝦, 三文魚, 北寄貝) & sushi
甜蝦好甜呢, 北寄貝同三文魚都好味!
sushi反而唔多, 雖然好食都有dd失望呢熟食: 燒肉眼(好味), 蝦, 避風塘炒蟹, 炸魚仔
肉眼好好味喔~~如果你嫌肉眼生左d, 可d淋汁整熟dd再食, yummy!熟食 - 有羊架, 叉燒, 咖哩雞, 豬頸肉etc...
羊架(相中右)好食喔
其他都可接受呀, 無特別印象深刻難食到要記低的熟食+甜品
熟食: 值得一提ge有燒豬頸肉
甜品: 芒果拿破崙必食! 好好食~~ 甜品: 燕窩梳乎厘, 即刻整架, 幾好食&得意 甜品SHOW TIME
好多款(名唔記得了SORRY)唔差呀, 但都係芒果拿破崙無得輸!

最後我同男朋友仲食左3杯Haagen-Dazs先走! (士多啤梨 朱古力 呍呢拿)

服務態度都幾好(負責客人枱o個幾個), 收野又好快, 仲有我地問野, 都好有禮地回答
因為我地手持gift voucher, 仲諗住d service會差d添haha
比我地想像中好的一餐 大滿足!

朋友去完旅行返黎, 約左TEA傾下計&交換手信,
揀左瀰月屋, 2點幾3點人唔多, 但下午時段唔開放舖內坐位,
好彩出面TA TA MI 都夠坐 都唔迫,
又望到佢D裝修, 影下相都幾好。

叫左以下ge食物:
日式多士配溫泉蛋: 其中一個朋友仔未食野叫的, 我地都有搣少少試下,
不過我覺得溫泉蛋同多士唔多夾...
朋友仔就當溫泉蛋係醬咁點黎食, 普普通通。抺茶心太軟: 呢個幾特別, 朱古力心太軟食得多, 抺茶都係第一次,
旁邊d餅仔都幾好食, 上面係牛奶定豆腐味ge雪榚? 太凍我試唔清楚日和百匯: 賣相靚, 材料多, 但味道比較, 我中意心太軟多d 抹茶(轉黑糖)蕨餅: 呢個有d失望, 冇我想像中咁QQ的, 不過黑糖味好濃。總括黎講, 我地坐低都唔係快走,
慢慢食慢慢傾都冇比人趕走, 已經好好喇
不過如果下次再黎, 我會試下其他新野HAHA,
未食到會"番尋味"ge甜品呢

新一年, 約左幾個月冇見ge朋友食飯, 朋友揀左apm呢間泰國野

之前黎過幾次, 有時好食有時麻麻, 可能關D野食事, 要睇下叫咩先好食!哈哈

3個人叫左蝦餅, 春卷, 麵包雞, 馬拉盞炒通菜, 同3杯drinks, 最後叫左個芒果糯米飯
總結今次叫既都好好味, 蝦餅唔駛講, 因為每次都叫haha
特別推介o既係春卷同麵包雞, yummy Share photo 先:雖然冇叫飯, 但都夠我地3個捧住個肚走lu