返工成日都有買開呢間麵包鋪，$5  3個波蘿包/豬仔包/提子包~
有好多街方都買呢個，又真好平，又新鮮出爐，仲有我至愛的芝士包$3.2   2個就$6，d包好好味，好香的芝士味，皮又翠。。^^仲有丹麥條，好鬆化，好似食緊牛角包。@$4都幾長下，好抵食。
服務一般，因為早上比夠忙，所以佢地好快就比錢收錢走人，早餐必買。

去女人街買完野後，經過料理男，大約料理男剛開張冇耐食過，果陣的食物都好抵食。
今次再去食，見到menu同佢名都都轉埋。宜家叫料理男拉麵品牌。
嘩，岩晒我啦，我最鍾意食麵啦^^入到去，原來佢全部餐單lunch$35。
我地4個分別叫左豚男拉麵2碗，九州黑蒜拉麵，同埋侍應介紹嘅海男櫻蝦拉麵，佢話獨家品牌味道w.又唔使加錢，梗係試下啦.
豚男拉麵，個湯都好濃嘅豬骨味，有d蔥花，味道剛好，又唔會好咸，食完個唇到"痴"好似好有膠質咁，d湯都有d"膠膠地咁，好似好足料咁。拉麵有4片叉燒，都ok.但唔算好"淋"!正咁嘅拉麵湯$35好抵食，我諗出面都有$60~90，佢menu$45，lunch先可以咁平。
佢嘅黑蒜拉麵味道似我豚骨湯，但多左黑蒜的層次感，不錯的湯底，有埋2片叉燒同釀雞亦。
之後個海男櫻蝦豚骨拉麵，一放落枱面，已聞到蝦味，又真係好濃郁嘅蝦湯，都好特別，出面大多數係豬骨湯，個老闆都好有心去研制湯底，不過蝦湯有d油，但好有味道。中間有2隻蝦，同其他配料。
其實佢仲有好幾款湯架。我地別外叫左2個小食，只加$12，吉列豬扒，雞亦。

本人喜歡食麵，經過家樂商場，見到有間味吉，所以去試食下。
入到去得幾枱人，可能係落場時間啦。地方算大。
叫左碟餃子，冇咩特別，冇咩肉汁，味道算一般。
叫左叉燒拉麵，有厚有薄叉燒，我同個朋友分別叫左2款叉燒，都係豬骨湯。
厚身叉燒似腩肉，唔算好好味，反而湯底有驚喜。味道適中，又唔會太淡，食到有豬骨味，

真係ok。不過麵有d"簡"味，呢度有d要改善下，總括ok.會再黎食。

上星期有雜誌介紹過,話好抵食~咁就同d friend 去試下~
o係門口都見到有display show 出o黎~
入到去,我O地叫左晚餐A ,即係DISPLAY火鍋,叫左豬骨味...O個鍋有大眼雞,丸,冬菇,雞,豚肉,菜,金菇.
因為有條魚,所以個湯特別鮮味,味道真係好得... D雞醃得好有味,有DD酒味,不用點醬料都已經有味了..
打邊爐,如果個湯有味,唔使點醬料,D 材料仲可以帶出佢原本GE 鮮味出O黎....呢個火鍋真係好抵食,$38可以食到火鍋..真係好平...仲有埋O野飲TIM...
另外,我O地左個豬扒拉麵,送三文魚餐$35 ,佢話豬扒醃得好有味,唔"鞋"...因為佢都唔食得辣,所以都係叫左豬骨味...個豬骨湯濃郁，拉麵幼身,都算彈牙,雖然味道不錯，但不夠熱，我喜歡熱騰騰GE拉麵...個滋味醬炒花蛤,$32 ,加$5有白飯同飲品..^^ ,原來佢GE滋味醬 有DD辣,不過都OK ,唔算太辣,味道都幾特別...D 肉都幾多..不過有1,2隻有D 沙..
UMM,總括黎講都唔錯,D 味道都幾好,價錢算平.有機會會再黎食..

等得勁耐,之前講朋友講話好好食,仲拎過獎TIM...
諗住品嚐過所謂平民米之蓮級點心............... 真係好一般, 但唔係難食, 不過真係唔值得要大排長龍咁等食！
入到去,D 人又冇咩禮貌~~
合桃酥 一入口感覺味道唔錯, 但食完後, 覺得好"漏", 好似係 $14 一個
蘿蔔糕比較爛，少粉多餡,其他同茶樓差唔多.....