終於食到啦, 聽人講係香港要食真正好食既抹茶雪糕一定要去Via Tokyo, 同朋友食完飯, 8:30PM 左右去排隊, 等左15分鐘就可以入到去, 勁興奮!!

紅豆抹茶牛奶雪糕蕨餅一試難忘, 個抹茶牛奶雪糕質感好厚, 口感綿密, 抹茶味十分十分之濃, 我覺得比中村藤吉有過之而無不及!抹茶+紅豆溶真係絕配, 唯一係個蕨餅比較實D, 雖然抹茶味都好突出, 但未夠煙韌~不過整身而言都係非常突出!!

焙茶卷又係一絕, 忌廉幼滑,焙茶味非常香濃, 最緊要係個海綿蛋糕造得相當鬆軟亦充滿焙茶香, 冇得輸!!

近幾年來飲食無分國界，好鍾意玩fusion/crossover, 而呢間Namo Avant Thai Restaurant亦將泰國菜同歐陸菜連埋一起，睇食評見到佢地賣相精緻,，用料都算講究就同友人試下, BOOK 左位,星期五都唔太full

餐廳環境都幾elegrant, 擺盤亦見摩登,坐底冇耐已經送左一客前菜- 炸蝦伴西瓜, 冇咩特別。

我地兩個人叫左龍蝦兩食, 包括龍蝦冬陰公湯, 龍蝦奶油蛋咖哩, 仲叫左一個英國啡蟹泰式炒飯同芒果糯米飯

龍蝦冬陰公超足料, 勁多菇菌香葉等材料,估唔到隻龍蝦都幾大隻,個冬陰公鮮味十足,唔會太酸, 不過可能fusion 關係, 佢做唔到泰式冬陰公刺激既感覺,換黎既係視覺既享受,友人見到隻龍蝦嘩左好耐。

龍蝦奶油蛋咖哩龍蝦應該係呢度招牌菜, 佢用既龍蝦真係彈牙爽口, D 肉真係夠晒飽滿, 蛋咖喱汁做得唔錯,辣中帶甜唔太濃,搶唔晒龍蝦既鮮味!!呢碟野送飯一流!

英國啡蟹泰式炒飯 (唔記得影相)
飯都炒得算乾身, 好重檸香茅同檸檬葉味,不過隻蟹鉗好似overcook左, 唔太match....好在用來送蛋咖喱汁都秒殺左碟飯

芒果糯米飯賣相一流, 個糯米飯應該用斑蘭葉燻過,食起黎有淡淡既斑蘭香, 同椰奶超match, 個芒果都幾甜, 呢個飯後甜品一流!

觀塘的咖啡店愈開愈多，這間位於海濱附近的MG Cafe 可謂是大熱，好像不少TVB 劇集也有在此拍攝，住在觀塘區當然要一試啦。

星期六下午時份，一個人扮文青殺入MG Cafe也要等15分鐘，幸好天氣不太熱，簡單地點了一客All day breakfast, 一件牛角包, 一杯Hot Latte 坐了兩小時，環境挺舒服的，走英倫feel,服務就一般.始終coffee shop 都唔expect 佢點serve 我...食物方面:牛角包 - 這兒的牛角包表層焗得十分脆，牛油味也非常香濃，內裡軟熟程度亦恰到好處!不過價錢絕不便宜
All Day Breakfast - 老實說，份量少，沒大驚喜，唯一炒蛋可以算得上的滑..可skip
Hot Latte - 口味問題，我自己就覺得這兒的咖啡相當不錯，觀塘區來說我會是首選，這杯Latte質感非常香滑，奶味頗重但絕不搶去濃香咖啡豆烘焙過的香醇 (很多latte 不是奶味過重就是咖啡味過淡....)，咖啡拉的拉花也做得算平衡。自問對咖啡是有要求的人，真心覺得MG Cafe 的咖啡不錯....比它們的食物出色得多~

親戚遠渡又澳洲回港, 想試上海菜, 二話不說就想回老上海飯店, 香港吃滬菜的地方多的是,但最喜歡的還是灣仔的老上海飯店, 念念不忘它的醉蟹....

今次一行十二人點了十道菜首先是必吃是的燻蛋, $20一只, 燻得十分濃郁,有點茶香味, 加上小許淮鹽吃簡直是一道開胃的前菜, 推介醉蟹是這裡的名物, 和上次吃的一樣水準。 這兒挑的蟹含膏量也算多，咸得來帶點鮮味,  蟹的肉質也十分鮮甜,吃得出是十分新鮮,加上頂級的花雕酒, 每一淡也刺激味蕾!拼盤- 不須多介紹. 但這兒的海蜇每次吃也覺得難忘,不要看輕那份清清淡淡的味道, 清爽而不會有肥膩感的海蜇其實不容易尋找。 但這兒的醉雞好像做得不夠滑...紅燒獅子頭- 中規中矩，不算非常突出，不過這兒的汁底做得OK，肉也不乾身 (外面的餐廳有時吃的很乾)乳付方肉 - 南乳味十分濃郁，肉質亦十分淋，很惹味的一道菜，親戚說在澳洲很難吃到出色的東玻肉，對此道菜讚不絕口。小籠包 - 這兒的小籠包不算太出色，皮吃下去算薄，豬肉餡也入味，但湯汁並不見得豐盈。松子魚- 小弟一向偏愛的一道菜，高溫炸過的松子魚保留著魚的鮮味，而炸粉只有薄薄一層不會吸了太多糖醋的酸味! 一流上海粗炒- 鑊氣十足，在上海吃的粗炒醬油的濃度十分誇張，這兒已經算清淡，但親戚也覺得很濃味。豆沙鍋餅 - 炸得不太乾身，外脆內軟，而且不算油膩，算是佳作

開心的一餐!

星期日好多觀塘工廈cafe 都唔開,openrice 一下發現KC CAFE 都幾高排名就上去試下
環境都唔錯,走韓風, 勁多LINE公仔,個個爭住影相!!!女仕們等野食之餘可以睇埋化妝品tim,
講返野食, 其實選擇唔多, 不過又係女仕會好鍾意, 個個都叫原隻西瓜冰+雪糕, 仲有原隻日本哈蜜瓜+雪糕,
我地就叫左韓國sushi, 棉花糖多士, cafe latte, blueburry yogurt smoothie, 加埋都係$100蚊韓國sushi - 味道唔錯, 好家庭feel,有D泡菜伴碟好開胃
棉花糖多士- $16 蚊JA, 唔好睇小, 我覺得係女仔同小朋友都鍾意,巧克力醬+ 溶溶地既棉花糖唔會唔好食
cafe latte - 一般,冇咩咖啡香味,始終唔係主打
blueburry smoothie - 好fresh, 應該係用新鮮生果+yogurt

整體唔錯, 係呢間cafe消磨時間幾好~廚師真係韓國人黎!!

呢間野之前係食辣人必試之聖地~以前去過幾次~成年幾冇去~今日下晝放假特登去再朝聖~
大熱天時都好多人等,等15分鐘先有位~其實鋪面感覺好一般, 張枱黐粒粒, 客人食完野又執唔切, 有種係內地食辣野既感覺~聽講轉左手而家仲用電子單

點左三樣菜

青椒皮蛋而家既青椒皮蛋其實唔係太食得出有青椒，皮蛋都唔夠香,好似同以前冇D唔同,個辣都仲係唔錯, 好似仲濃味左 (可能味精多左), 食完好想係咁飲水~愈食愈激.....

蒜泥白肉唔係好OK....同其他食家講既一樣, 一味死辣,無晒麻香, 白肉太實太瘦了,冇咩咬勁~雖然係咁,都仲係有種愈食愈想食既感覺(唔通又係味精?)

酸辣粉 (太辣唔記得影)
仲係好勁酸辣味, 食中辣先麻到個咀都講唔到野~呢樣就同以前分別唔大~麻味十足~

整體來講都唔及以前咁好食了................

星期日途經元朗，經過教育路就諗起朋友話有間拉麵出名係炙燒叉燒，開OPENRICE APP搵到叫焰拉麵就入左去了, LUNCH 左右都幾多人, 岩岩好唔洗等就入得~
座位不算多 叫了一客焰拉麵, 是傳統的豬骨湯底,另一個是加了黑松露醬的黑白焰拉麵~兩客都要了硬麵~+20蚊可以要多客沙律+玉子+汽水仲要泡芙,價錢其實算平了焰拉麵焰拉麵的叉燒真的很大塊, 表面有灸燒過的痕跡,卻沒想像中灸燒的香味,有點失望,不過大塊叉燒加上半肥瘦的肉質總算合格有餘~湯底杰身,豬骨味濃,不過熱度只是一般,拉麵雖然叫了硬, 但好像是豚王的普通度~
黑白焰拉麵其實和焰拉麵基本上一樣,只是多了黑松露醬, 有點菌香,但不特出, 貴$20~建議大家吃回焰拉麵,哈哈~

沙律+玉子沙律份量小,不過套餐來說算OK, 菜及蕃茄也算新鮮, 玉子是一整隻上, 很流心, 蛋味不錯~

在現今拉麵臨立的香港, 焰拉麵不算特出,如果他們的叉燒能夠炙得再出色點, 可能可以殺出一條血路吧!

父親大人生日，就腳關係訂了APM 家傳滬曉,已經多次光顧這兒了,不過就未試過片皮鴨,雖然得三個人，但見到很多食客也點是次我們不會錯過了

片皮鴨外皮很脆很香，鴨片亦肥美非常，吃下去肉汁四濺，只是胸口位有點兒「鞋」，加上青瓜夾薄餅後食落更不覺油膩

醉雞一直也覺得家傳滬曉的醉雞做得不錯，雞件很滑,不會過火令肉質變硬,花鵰味夠醇,配上妃子感覺非常進補，唯獨份量太少

回鍋肉父親大人必點，回鍋肉配上農夫包十分惹味，辣汁全被熱哄哄的飽吸收，一啖肉一啖包吃得非常愉快

自備了willamette valley pinot noir，配上片皮鴨 (千萬不要下醬)一流!!
生日快樂~

同女朋友慶祝相識記念日，選擇了馬灣Oma's kitchen 可近距離觀看青馬大橋，訂了坐所以不用等位，環境不俗，很近沙灘!

點了兩個SET,
頭盤是鵝肝多士沙律鵝肝表面有點濃，不過鵝肝尚算羶香油潤配上多士不錯~沙律綴以酸酸甜甜的黑醋也很開胃

主菜一 德國咸豬手選了脆皮的豬手，份量多得驚人，皮脆肉嫩，富有骨膠原的豬手豬味十足但不會太鹹，不用一邊吃邊嚷著太「留」，酸菜絲也夠酸，整體來說十分滿意,唯獨是不太夠熱。

主菜二 燒雞拼燒豬肋骨又是重份量之作，兩口了實在很難同時將主菜一二完全吃光
燒雞是用春燒，肉質本身嫩滑，烤得亦剛剛好，不過過份乾身，灑上rosemary，香氣四溢
豬肋骨拼薯條，份量大，肉質也很腍，肉味濃郁(相比豬手更濃!!)， BBQ醬汁味道微酸帶有少許甜味，惹味非常~一流~

是晚配以香檳以慶祝我們相識3周年,雖然不是好的food pairing,不過美人美境下什麼也值得回味~

朋友介紹下來到JACKY YU 煮理的囍宴 廚‧藝, 來了一頓不錯的funsion菜~其中以下幾款菜一試難忘~

頭盤
Slow cooked salmon fillet with chives用慢煮的方法最能保持三文魚的鮮味及油份, 三文魚配上蝦夷蔥(一種辛香料)感覺很清新，加上精緻的賣相2作為頭盤非常好

Osmanthus smoked egg topped with truffle slices溏心的燻蛋配上黑松露片及魚子，賣相一流，一試下更加難忘，三者互相不會太過特出，色香味俱全

主菜
Siuchuan spicy Chicken 鎮店之寶，先看賣相又是另人食指大動了，待應說這是改良版比正宗的口水雞少麻少辣，同桌中人不吃辣的也大讚夠惹味,雞非常的滑而且被醬汁浸得夠入味，精華更被粉皮及皮蛋全吸，不錯~

Braised pork jelly
又是鎮店之寶 -雲上東坡醉千層 (圖片可參巧其他食家的), 一層一層薄薄的東坡肉片鋪成塔狀般,presentation滿分,小點刀法也不行，東坡肉很嫩很薄，每片也充滿醬油香氣, 配上清淡冬菇,  草菇及梅菜,加上無限的白飯使同桌中人飽了一半

Freshwater Fish with lennongrass calamansi source全晚最欣賞的菜式, 炸好的松鼠魚賣相真的砌得像鼠的形狀，女任們大讚可愛，松鼠魚其實就是黃花魚,炸松鼠魚是蘇州傳統名菜,經jacky改良好用香芧柑桔做芡汁，帶點熱情果甜味，在夏天吃實在清新非常，炸過的魚亦不熱氣,反而保持鮮味，很開胃及特別的一道菜~

是晚配上自家制的梅酒及自帶的glenfiddich whisky 18 year, 飲飽食醉。
飯局後亦遇到jacky yu,我們會再光臨的