撈魚麵幾特別，叫咗旺角店限定嘅咖喱汁吉列豬扒魚麵撈，介好好咁有得叫半份，有多啲位可以試埋其他小食😛 冇豬肉燒賣同炸魚冇薯條都好味！經開旺角一定要試下佢地魚肉做嘅特色小食

見到呢排咁多人收藏呢間食店，仔細一睇原來餐牌上嘅菜式有半價，而且仲有避風塘炒蟹！立即book位試一試。 平日嘅7pm去到去已經爆場，強烈建議一定要訂位先好去，如果唔係喺門口有排等。 點左一客避風塘炒蟹、XO醬炒白鱔（有配蜜糖豆）、炒魚翅同兩碗白粥（$12@），除咗炒魚翅味道比較一般之外，其餘兩道菜都好好味！蟹多肉好鮮甜，白鱔肉質又彈牙，推薦大家試下。 不過杯青檸梳打冇乜味⋯好似齋梳打水咁⋯大家可以試吓叫其他嘢飲。

第一次Lunch time時間幫襯, 見到門口貼左下午茶餐同午餐的Menu
唔知道係新設定係我之前行過沒留意呢?

完全唔需要等位, 男友叫左上海粗炒, 我就食上海排骨菜飯
菜飯套餐$45包凍飲及2個生煎包, 旺角黎講有質素的午餐算好經濟呢!

生煎包一直由舊店幫襯開每次都有點, 舊肉無咩肥肉, 又多湯汁, 生煎的底又唔會過硬
但最估唔到原來個排骨先最好味....外面有層甜甜地的汁, 唔似出面快餐店d咁多油!
上海粗炒都睇得出比其他店有心, 起碼唔係得d肉碎, 菜同肉條的量係fair的

平時食開夜晚只有車仔麵形式的米線食, 如果夜晚都有keep呢幾款野食就good la!

黑雨除下後返工前同男友去食個快下午茶醫左肚先，一人點左個芝士撈麵，話曬係招牌菜，不過不失啦，但愛好芝士既我覺得有點太咸…男友就覺得太"蘇＂…大家都食左一半就放棄了。

不過餐前送生果又幾好！個西瓜仲好甜Tim

用餐時間入座前講明得1.5小時，坐好後點了豬扒及魚扒套餐，再加個炸海鮮藍，頭盤來了溫泉蛋及焗芝士帶子（定青口？因吾係我食無咩印象），味道吾錯，好食。

頭盤碟快速被收起後餐湯及包送到，揀了雜菌湯，比起一年前情人節食的那次差多了，可能全部打碎熔曬啦…好似一pat pat感覺的湯。

豬扒及魚扒到後食左三份一就放棄了，豬肉是太硬，魚有部入透透地似未熟曬。

由於女待應係傾計其間多次打亂我地黎收碟，無隱下埋單走人。離開後先發現無上甜品比我地…

同男友共叫左2野主食加1個小食

本身想叫竹筒飯, 但叫到台面既食具咁DIRTY....都直覺覺得佢個竹筒唔方乾淨....
唸住保守D叫個魯肉飯, 點知最快黎到....一食落口, 一陣苦味.......
連阿X麵線既快食魯肉飯都好過佢多多聲
完全食唔落.....

男友叫的牛肉片麵....唔算難食, 因為係完係無味的, 根本食完都分唔到係咩野味
小食-皮蛋豆腐......唔洗估啦.....
皮蛋果陣味完全cover曬所有野..........

未食完就埋單, 去左SOGO樓下買小食醫肚了!

呢一世人食過最難食既一餐, 超級難食, 十級難忘

07年幫襯佢到依家12年, 越食越貴唔在講, 越黎越難食就真係要講下
今日去到, 9點幾3個人一齊食餐晚飯
環境暗到MENU都睇唔到, 又嘈, D餐具又唔乾淨
叫WAITER永遠要舉到隻手軟曬先會有人理你
有D直頭直行直過當見唔到我隻手

叫完野食....我叫左個三文魚扒+薯仔沙律
男友叫左個日式豬扒蛋包飯
友人叫左個燒羊架

我果個薯仔沙律變左硬過樹皮的薯條
日式豬扒蛋包飯變左係蛋汁溝飯.....超難食....
朋友的羊架要半熟, 黎左全熟....仲硬過石頭.....

呢餐之後以後都唔會再去! 以佢平均$120一個餐既價錢我相信係旺角區一把好野食

12月頭已經book左位去食大餐...$499一位另加一收費, 之前已去過幾次...d野食都幾有水準,就係唔知點解, x'mas餐貴過平時但仲難食左....好無奈, 我唸以後x'mas都係唔好食x'mas餐, 食返menu上的野食比較隱陣d !

同朋友8點3去到拎位, 等左10分鍾就有得入去坐了
基本上實物同menu上的圖片都有d出入
但係野食還算可以...但就等得有d耐

朋友叫左, 滑蛋豬扒飯, 我叫左個薑汁豚肉飯
可能即叫即整關係, 時間雖然耐d, 但係出到來熱辣辣都幾好味
而且個汁調教的幾好!

下次會再來試下d烏冬

morihachi以前係我公司個客, 幫我地order sake
我聽過sales 同事話矩地d野ok唔錯

前日8月18日男朋友生日, 我唸住帶矩黎呢到食野
本黎唸住散叫, 但係小文員真係比唔起成千蚊一餐
最後叫左HSBC $488套餐, 加多個盛八腸, 同埋巨峰特飲

其實真係如其他朋友所講, 套餐質素係差過散叫
不過差極未算差, 我買左個生日蛋糕上去
食甜品前, 我同reception講, 個生日蛋糕可唔可以幫我開出黎上左矩
矩話ok

轉個頭, 幫我收埋個cake果位waitress
竟然原封不動拎黎放係我地台面, 個cake盒無開, 刀叉仲係插住係個盒上面
我果下真係扯火, 上完之後連碟都無比我地

講真丫, 咁大間餐廳, 我無唸住矩地會好似其他餐廳咁
唱曬歌咁走出黎, 亦都唔需要, 因為得2個人only
但係真係嬲lor....我男朋友仲話唔好嬲, 可以人地唔provide呢個service

野食水準已經唔係好, 再加埋呢單野, $700 真係完全唔值