話說星期六食完自閉壽司,無聊,特突然想起澳門美食.一般d二世就會二話不說地打電話訂即日酒店,同下午即班航去,去到就checkin,次後去新馬路果邊找食,見到呢間好似幾平,一個人食唔到咩,就入去點了半隻菜膽雞食,只是90元好滑,雞味都濃,菜就一般,再來一個瑤柱冬瓜肉粒湯,好多冬瓜又甜,入面食得出有金華火腿,78元,好低,總結遊客區算平,正服務ok

板長食壽司,最大好處係電腦化,不用經人手下單,一件件落order,最適合我呢種自閉人,星期六少有自閉日,就去取位,帶好位,落,落,落,等佢送來,都係一部筆電攪掂日本芥辣板長我覺係最出色火陷三文魚,一向係我最愛,有煙燻味加三文魚的肥美吞拿魚腩肥美鮮,柚子油甘魚就清香可口火陷鰻魚幾好味,但不突出原條海鰻,呢件正,又無骨,有重鰻魚香味蔥粒吞拿魚腩卷,麻麻地,免治肉來,比較鬆散,蔥就幾香三文魚係板長招牌出品,做得很好,好新鮮,同帆立貝啖啖肉,夠鮮美可口備長吞拿魚,無一般吞拿魚的魚腥味,但不夠鮮,櫻燻鯉魚,有燻香味,但鮮味一般煙肉廣島蠔串,煙肉夠香,淋,蠔夠肥冰鎮日本桃,甜,但唔知點解係爽口總結就係價錢合理,多款,服務ok

食物同人一樣,有美好回憶就好難忘記,所以今日二世的我行行下都走來再食多次,今日都係試唔到雞翼,都係豬扒雞球飯今次唔洗等半小時,同超大塊豬扒,三大件雞球豉油汁依舊美味,豬扒肉厚嫩滑,雞調味又到家,就算地方再差,我都不怕了,點都要再來,服務我發現其實唔錯的

便當總比人覺幸福的感覺,當然幸福不是必然..有人會不擇手段放棄一切來換取,有人會自己放棄一切等別人幸福..哈.當然有得食就是福,今次呢到出品左隻韓式泡菜豬肉便當,包裝幾靚,又幾特別,所以一試,36元包飲品,不算十分豐富,有主菜泡菜,豬肉珍珠米,粉絲,同半隻蛋,可能我唔食得辣,其實幾好味,泡菜可口,豬肉都嫩,但我每樣只試左小小,粉絲就太油,珍珠米軟硬適中,整體尚可,芒果紅茶有爆珠,幾好飲

深水埗以前好多走鬼檔,也有車仔麵,好多都入左店,呢間唔係又係唔係,就入去試下,先點菜,後付費再送到,算一條龍,見個個人都豬腸,本應唔食得都點了,再加豬皮,雞翼尖,牛腩小辣.河粉,豬腸有點肥但十分入味,雞翼尖比較硬,牛腩很好味,夠淋,豬皮就一般,河粉幾好,用湯河,不會吸太多水,總結平,靚,快

其實生活簡簡單單,忘掉了自己最喜歡的興趣,再選擇自我的生活方式,可能就係隨意入一間小店吃一餐,試喜愛的肉燥飯咁簡單,呢到價錢大眾化,食物沒有特別裝飾,叫套餐就加錢,今次點了個知味雞扒肉燥飯,雞扒分開上,煎香了,甜甜的,幾入味,但乾了一點,雞皮因現在注意健康冇試,肉燥餅,飯比較淋,肉燥尚可,而飲品選了柑桔綠茶,少少酸甜味,綠茶味不突出,總結來說,一般茶餐廳出品,勝在地方舒服

呢到未搬店前來過一次,但果次得早餐,8月終於來到..自己一個專程來試一次,地方大了好多,叫了個蜂蜜薑茶同限量的芒果肉餅飯,薑茶好夠薑味左唔覺蜂蜜味,肉餅由於即煎,等了5個字,外觀唔錯,幾大碟,芒果夾在中間,味又出奇地夾,肉餅底面都有煎香的,飯可自加甜豉油,整體來說唔錯,都幾健康

0突然想食菜飯,想起呢到有頭有間上海店,都幾低食,就來試下,有雙拼都係38元,就點燻魚加上海排骨菜飯,飯好似無調味,有菜,但比較清淡,凍食燻魚唔錯,無咩骨,朱扒即炸,分開上,香口,但味道一般,總結低食夾多餸,服務ok啦

因傳聞呢到低食夾大件,所以來一試,初到呢到,見現場環境,衛生真係好差,但人流好多,我聽見人問外賣要等幾耐,阿姐點要1個鐘,嘩,誇張,我好不容易塔上了一張桌,即叫了個豬扒雞翼飯加凍檸茶,面對咁熱的温度同污糟糟的環境,背包也不敢放下,真係幾難頂,等了又等,七個字,終於來到,點知比錯左豬扒雞球,都是照食,唔通又等過咩,飯來到一看,真係餸好巨大,不是正常人份量,差反飯就好少,第一口試,豉油很好,猶如在苦又甜之間,剛剛好,剩係豉油都開胃,豬扒一片都有成塊面大,又厚,又嫩,雞球件件拳頭大,幾香滑,比錯都係好食,連飲品41元超值,總結,環境差,衛生差,服務都差,但食物水準好,我見還有粟米同咖哩汁,唔知得唔得,但要等咁耐,有點怕怕

今日12時就收左工,東涌出名無咩野食,譚仔米線清清地叫做唔錯,26元一碗,加一餸就5元,叫了墨魚丸腩肉米線,胡辣湯底,呢個湯底不是間間譚仔有,我鐘意原因係有重胡椒味而不辛辣,腩肉唔肥,墨魚丸就一般,夏天食粉麵比較開胃,再追加左個胡南土匪雞翼,幾野味有肉汁,但味精重,好口乾,服務就冇咩,快靚正咁,加6元有埋飲品