一家大細懶煮, 落街食. 去咗呢間叫 "達人" o既細舖食日本嘢.
舖仔細細得10個位. 坐就逼咗少少. 不過佢地做儲分優惠. 引到我地成日幫襯.
我地成家次次必食: 刺身併, 好新鮮, 真係靚過某些連所店.
He He 我地數過, 佢俾十幾款刺身仲有成板海膽又有蝦, d 魚生仲係厚切. 當然唔少得壽司啦, 佢地都有好高貴的黑松露帶子壽司.佢地唔只魚生鮮美.熱煮的都好好味, 特別推介三文魚炒飯.
能把飯粒炒到企身, 仲好細心記得媽咪唔食蔥, 用碗另上俾我地.
我地仲叫咗金菇牛肉卷(個汁煮得濃郁, 掛晒係牛肉面, 特別好食),
炒什菌, 炸雞軟骨同蕃薯天婦羅(炸嘢就唔係好到家, 普通啦). 最後, 來一客日本直送的和果子, 4個人用埋優惠埋單只係 $598-.

無容置疑 ~ 舖細至食到平靚正美食!

今日同好友慶生，大家鍾意傾謁所以次次都要圓枱。
自然選擇中菜，見由上海總廚煮理就Book咗知味舍好鍾意佢地個脆膳, 真係脆到好似食薯片咁, 用黑醋做特別香有D甜, 唔會得個酸味.

另外, 叫了清炒蝦仁, 津白, 怪味雞, 雪菜毛豆百葉等. 均可試出廚師的巧手.

薰蛋同餃都係唔肥仙子的至愛, 當然唔少得啦.睇相都見到流芯薰蛋, 真係好滑好香. 小籠飽皮薄透光, 用筷子夾起不爛, 果然手功到家, 唯肉汁較少.
但是個煎菜肉雲吞, 真係超好食. 他們用生煎飽的做法, 加上雲吞皮薄, 底部極脆.
除了外皮, 內涵也很豐富, 菜肉之比例, 洽到好處, 包存到菜的清爽. 大力推介.最好係佢地對客人好有心, 好想食酒釀丸子, 可惜賣晒, 個女侍應問我地可唔可以等20分鐘,
即刻去廚房為我地再搓粉做. 梗係好啦!
整晚都好享受, 不但環境雅緻, 美味更加上窩心. 激讚!

我地幾個女仔成日約埋 Girl talk, 好鍾意試新食肆.
女仔梗係唔想肥, 所以特別鍾意食日本菜.
係OPENRICE到睇到灣仔有新開張的. 即打去訂位.

去到, 睇咗menu 有好多選擇:沙律, 刺身, 壽司, 串燒....
蕃茄沙律好清新, 好得意d 生洋蔥係甜, 一d都唔辣, 我 like叫咗個紅葉刺身($600), 有中拖羅, 鯖魚, 白魚, 螺貝, 赤貝
d魚生面係見到光澤, 即係好新鮮啦. D我螺片好爽又脆口, 不過d friend 怕生螺片味道, Hehe 益晒我,
少不了要試吓壽司, 呢度d 壽司飯細件過其他迴轉壽司好多, 真係啱晒我地女仔個咀仔.
食完呢個特上壽司拼盆 ($250), 我地決定encore 海膽同魚子. 因為d海膽好新鮮...好似親身去咗築地食咁.
仲只係賣 $40 為咗食番d熱野, 叫咗個軍雞窩加烏冬, d 雞湯雞味十足, 最好係食完唔覺口渴. 估佢地係真材實料煲. 最後, 叫咗個芝士年糕, 估唔到咁正. 煙煙韌韌又多芝士, 好啱女仔口味. 不過要襯熱食.

今晚飽飽地, 不過女仔食甜品總係有第二個胃,
好耐無去過源記, 好掛住佢d蓮子朋友叫咗個桑寄生蓮子茶, 我就要蓮子杏仁露
佢地d蓮子仲係咁大粒咁鬆化,
杏仁露好滑好香又唔太甜. 在秋風起的時節, 個咀仔成日爆察. 飲完即刻潤晒.
好幸福的感覺.

好多人都知源記糖水正.
我仲幾欣賞佢地的碗碟, 好懷舊.
最特別係隻碟, 中空剛好放入碗腳, 唔怕滑到倒瀉.
當年設計呢款盛器的人真細心.d招呼仲係好親切, 見我地被風扇吹住, 唔洗開聲已經自動熄咗.
俾錢時忍唔住讚佢地有水準.
老闆笑答:梗係有水準啦, 點同依家d後生求其就算! 我地真材實料睇得到,
唔肥仙子絕對認同.

又係GIRL TALK TIME, 今日想食熱氣野. 就去咗 BBQ.

好鬼鍾意佢地燒果D海鮮, 又有汁, 又鮮甜.先來鵝肝多士同芝士年糕.
炸芝士年糕伴住沙律, 不過無特別, 唔提.果鵝肝多士好厚, 好正, 甘香肥厚, 當然你地要同我一樣唔怕肥至奇. 先好試.
因為真係好甘香, 只有脂肪才能給人如此甘美的感覺.

跟住唔少得海鮮啦, 象拔蚌同鮑魚. 好鮮甜, 脆口,
可惜今次D鮑魚好細隻, 佢地自動減收我地 $10.

.最叻係上菜安排, 唔駛提都識先上海鮮. 有HEART !! 羊扒一客有4件, 竟然可以4 件唔同 %熟度, 夠周到.
燒雞翼BBQ必食啦, 雖然唔係我至愛. 最後壓軸!! 追加明太子龍蝦 $ 268,雖然等咗45MINS.
女仔傾吓講吓好快過.實在太好味啦. 我同D FRIEND 都停唔到口, 拍晒手.
明太子的咸香加芝士帶出了龍蝦的鮮.
佢地仲放在冬菇去索晒D汁, 好味到, 想即時再ENCORE.

今晚同中學同學一齊去睇"那些年" 之前係朗豪坊搵食.

見到 baby cafe, 啱feel, 好grand 咁, 就入去食.
係d wall 到掛咗 電子屏播Angela baby D 相, 影得好靚.
睇吓餐牌. 好抵食呀 $99+10% 就可以食到西餐. 有湯有野飲.

個濃蝦湯超正, 伴湯個麵包仔好軟, 細細個啱晒我地女仔胃口.

個main course 好對眼, 份量足.
我叫咗個豚肉, 好juice.

佢地個餐飲~荔枝茶, 甜甜地好香, 有sweet o既感覺.

下次一定會再試!