星期日，早上九時多，獨個兒到沙田食早餐，再運動一番。
本身對哩間餐廳嘅感覺係d包好食(未至於係好食到飛天),仲有，都算貴。

行行下，望到個餐牌。四十幾蚊，對博洛尼亞真係唔算貴，就試下。

選擇了一個近玻璃窗嘅位置，雖然街景無特別，但仍然想感受下陽光。

侍應不太多，點餐表情都係木木的，應該係未訓醒。

叫了個全日早餐(其實全日早餐真係頹嫁，乜都有d...屋企都煮到)。但係就中意大包圍。

個早餐，薯餅正常，但茄汁要request先有。
魚柳，皮太厚，係脆嘅，不過油味太大，我真係食唔落。
蛋，不過不失，都穩穩食到牛油味。
D粟米，係罪人，用牛油整，又唔用container 載住，成碟野就油曬。
塊火腿同腸，味道正常，但都係配合主題---油。

講過，去博洛尼亞，食包係好重要。包係好味，不過，有少少掂到d油。。。。吸收左😭😭😭

今次，體驗麻麻。

在沙田放7am，突然想去余文樂熱推嘅華嫂，真crazy.
以為好難搵，便打算去最近嘅西鐵站再搭的士。
一大早入天水圍站，非常鬆動，c出口再去找的士，上車講「華嫂冰室」，以一個無跳錶嘅車程到左，其實一d都唔遠，不過強烈建議第一次去嘅人唔好挑戰天氣同自己認路嘅能力！

去到，無人排隊，但就有不少後生喺830am已經入坐。有室內較涼嘅位(3-4枱).以及室外有蓋遮陰但較熱，得風扇嘅位！

講到食喇(個人認為accessibility n environment對食評都重要).叫了蕃茄湯底嘅公仔面，同冬陰公味嘅米線，加一個咸牛肉芝士蛋豬仔包！

個包真係好好味，豬仔包脆，芝士溶左好creamy.加上即叫即整真係好好食！
個面就，真係不太好，公仔面同米線都太淋，蕃茄湯底黎講，佢真係唔算出色，帶一陣薑味，蕃茄味唔出，又唔係勝香園嘅酸酸開胃，又唔係星座嘅甜。。

我追加左個招牌菠蘿包(有茄蛋加牛油做料),再買多個豬仔，拎走。回家翻熱後，菠蘿包真係好食！計劃下次去食新鮮嘅！

野飲方面，想飲冰花奶茶(即連冰都係用奶茶制作).但太早，伙計話要中午先有，便介紹話梅味嘅野俾我，都幾好飲。。。點知喺我隔離嗰枱叫左個檸檬益力多，嘩，好想試！

走嘅時候，試行返去，真係唔遠，下次可以行過黎！

總括，包迷必來朝聖！