FRITES Belgium好多分店,囉獨鐘情大角咀分店,原因除左因為方便自己之外,室內環境好好, 裝潢真係好靚, 雖然面積唔算好多(對比其他分店), 樓底好高唔會局促,氣氛好Relax,好岩附近放工既黎飲個 Happy Hour再開OT 😝. 今次去FRITES係星期二所以精選MENU就係$399 SURF & TURF 海陸大餐, 有原隻 龍蝦+250G黑安格斯牛扒.問左waiters佢話2個人唔大食既SHARE會岩岩好, 甘我地就….挑戰下啦.
先講龍蝦, Size都算大隻, 2個人SHARE都夠, 肉質彈牙, 最驚喜係估唔到好多膏,係.好.多! 呢隻龍蝦我比好高評價, 好味!
黑安格斯牛扒 – Size適中, 我地order左Medium都真係做到Medium, 上抬已經聞到好香肉味, 食落牛扒肉味濃,調味ok唔會擔左本身肉味, 但可惜整體唔夠龍蝦出色, 認真,我係有d失望.
香煎鵝肝 - 鵝肝好香而且煎得岩岩好, 唔算油膩, 仲有少少入口即溶既感覺,好正. 底層塊多士本身不過不失, 不過夾埋D果醬一齊食又幾夾,食食下又好味左,哈哈.
𝙒𝙖𝙛𝙛𝙡𝙚 𝘽𝙤𝙢𝙗 𝘼𝙡𝙖𝙨𝙠𝙖 - 食左一餐甘高質既晚餐,忍唔住叫埋佢既signature dessert, 一上抬比佢嚇親,好大碟! 仲引埋隔離抬既既小朋友同媽媽講要轉食佢 😊, 表面D cream好soft好滑,不過真係好多,於是成件事變左好漏, 仲要加埋底層既waffle同雪糕,食到一半已經係負擔, 雖然味道唔差,但我地都食剩左一半, 唔覺意浪費左食物 too bad!!

招牌海南雞飯 – 雞肉非常嫩滑,啖啖肉,汁又夠,絕對唔係乾柴雞肉, 油飯上抬香氣撲鼻,粒粒分明,出色呀! 唯獨跟餐既3款醬料, 甜豉油, 酸辣醬同薑蓉水準只係一般, 食到後期我放棄左佢地, 直接食雞肉仲好, 我覺得D醬浪費了甘好味既海南雞同油飯了.
星洲叻沙摻摻 – 湯底夠濃郁, 好香好重椰香, 辣度係零. 配菜方面,正常水準無咩驚喜,隻蝦尚算彈牙唔係雪左好耐既霉肉, 魚旦,豆卜,芽菜就無咩特別.
娘惹咖喱炸雞配椰漿飯 – 隻炸雞脾好誇張呀, 就快大過隻碟, 外皮勁香脆, 切開仲有好多肉汁JUICY呀!! 但食左大半隻都食唔出有咖喱味, 係唔係娘惹咖喱味道唔同D? 呢個真係唔理解. 個椰漿飯又係好香, 初初見佢綠色好得意仲以為純粹視覺效果, 原來味道都唔錯, 有椰香,再加埋香辣汁撈埋一齊食, 好開胃,直頭係堵飯小偷.
美綠恐龍 – 好大杯, 好好飲,夾埋其他星馬美食, 成件事好夾. 唔錯!
總結: 整體食物唔錯,但如果一心抱著人氣新加坡菜既光環黎試, 就好似普通左少少喇.

大角嘴呢間有鑊氣食左幾次, 次次都無令我失望, 小菜有特色,夠鑊氣,大件夾抵食,所以晚晚爆場都唔出奇.

乾隆鹽水鵝皇 –味道唔錯, 肉質嫩滑, 配埋佢個蒜蓉醬幾夾不過稍微瘦左d, 無咩肉食既.
蒜蓉蒸焗花甲 – 一上抬姐姐煎開時,已經香氣四溢, 花甲肥美多肉, 好少好少有唔開殼既, 時間岩岩好,鮮甜多汁唔老,好好味.
菠蘿咕嚕肉 – 呢個真係不得了, 佢同酸菜魚都係有鑊氣既signature,咕嚕肉粒粒都脆卜卜, 外層好似包左層糖衣甘, 咕嚕汁酸甜恰到好處, 無骨,小朋友一定鐘意食.唯一要彈就係份量唔夠, 多人既真係要叫多碟share.
豬油渣炒菜心 –邪惡之選. 唔洗講,用得豬油渣去炒, 碟菜一定好白好食好惹味啦, 膽固醇呢方面呢….呢餐唔好諗佢住.
老壇酸菜魚 (例) –主角出場, 因為食過幾次, 已經識叫佢加湯,因為本人覺得D湯先係亮點, 老實魚只係一般,應該係雪藏貨色. 所以個湯先係主角. 加埋金黃芝麻真係香到不得了,配埋薯粉真係好滿足.
生磨杏汁潤肺湯- 呢個要撞手神唔係晚晚有, 今次終於試到, 味道反而不過不失, 並無小菜甘出色,有D失望.
有鑊氣仲有一個特色美食- 豬油撈飯 – 佢會比埋樽豬油用豉油你自己落, 真係香到不得之了, 膽固醇, 呢一刻真係唔好再諗佢了

新蒲崗的確係一個臥虎藏龍的地方，無論你係咩口味, 都唔難去搵到啱自己口味的食物.
今次有啲趕時間，於是試吓呢間經過好多次但未試過嘅車仔麵 - 地道館.
食材都係一般車仔麵食物，冇乜特別,唯一就係要試吓佢哋個秘製湯底同辣汁喇.
因為同行者唔食辣，所以叫左腩汁。味道唔錯，幾清甜食完唔會口渴,但就唔係好濃味，不過不失啦.
我自己就叫左辣汁湯底要小辣，但就越食越辣，下次再試,真係要改叫小小辣. 雖然係辣,但又辣得好惹味，係會令你越食越想食,咁當然咁濃味嘅湯底亦都會令你好口渴，叫咗杯凍檸茶，味道一般冇乜特別，不過飲完成杯仍然好口渴.....
總括嚟講味道還可以，係趕時間平靚正之選

 新蒲崗新開人氣咖啡店- IG見相已經打算去試試,過一個放鬆週末. 位置算係大街, 係學校對面唔難搵.泥灰金色tone裝璜,配上落地大玻璃,係新蒲崗舊區之中,認真別樹一格.

我地今次試左All Day Breakfast, Burnt Cheese Cake 同Matcha Latte

All Day Breakfast – 一切看似簡單既食材,味道卻絕不簡單, 尢其焗薯,煎烘適宜, 薯仔好香軟, 有少少入口即溶感覺,再加上少少芝士絲,真係超級好食. 其他食材都食得出心思只係焗薯太出色.唯一挑剔係牛油果太熟了, 好淋好淋, 口感爭dd.
Burnt Cheese Cake – 一上抬已有驚喜, 中間層芝士軟心太吸引, 真係影完相已經即刻開動,等不及了!! 果然, 真係好好味, 濃濃又香軟既芝士,忍唔住一啖又一啖, 2個人share實在太唔應該, 佢絕對值得你一人食一件, 好味!
Matcha Latte – Unicorn拉花會唔會太精緻呢? 同行者大愛, 影左N甘多張相仍然唔捨得飲,甘又係幾靚既. 味道方面, 我覺得合格啦,Matcha係香不過味道淡淡唔夠濃, 未夠食物出色.

總結roommate食物選擇唔算十分豐富,但質素有保證,而且價錢合理, 環境又舒適,值得推薦呢!  不過相信未來會愈來愈多人但地方始終有限, 恐怕下次再訪已經大排長龍了.

Creamy Cauliflower Rice With Scallop & Uni忌廉汁椰菜花飯配帶子海膽  - 其實一心係想試Urban出名既松葉蟹飯,但原來最近轉左LUNCH MENU無左咯,甘就揀左都有少少日式既帶子海膽配椰菜花飯啦,賣相真係幾吸引,但份量就真係mini左dd,不過食椰菜花飯都係想健康d,甘就叫自己都乘機食少d啦. 海膽同帶子就一般味道, 當然唔會EXPECT有刺身級數既, 反而忌廉汁椰菜花飯幾好食呀, 忌廉汁唔會太濃,配合椰菜花飯出奇地夾, 好清新, 絕對想食多幾啖只可惜份量有限…..
Matcha Latte - 佢先係全餐既主角, 意外地唔洗加錢都可以配好多口味既咖啡, 配合埋餐廳環境&氣氛,其實性價比真係好高. 
抹茶味道香濃，奶夠多夠滑, 味道幾好但如果抹茶可以再濃多少少更好, 配上我既忌廉汁椰菜花飯,成件事好prefect~~
當日雖然係lunch hour但餐廳其實唔算好FULL, 服務尚算有禮不過唔知係唔係新手, 全程order都有d混亂,同埋上咖啡時, 店員自己都mix up哂, 我地成班同事要再三追問先知有無飲錯咖啡, 希望可以多多改善啦.

LUNCH試下新餐廳 – 坡椰坡囉咪, 一見佢個名都估到係食星馬食物為主.今次我地就試左新加坡咖哩厚切豬扒飯同秘製黑豉油撈麵,
新加坡咖哩厚切豬扒飯($64) – 朋友揀左配小印度蕃茄咖哩, 咖哩幾香,不過就唔見有蕃茄亦食唔出,呢個要扣一扣分. 至於 厚切豬扒算幾鬆軟, 唔肥, 食落都有陣陣香茅既香,都算幾唔錯.
秘製黑豉油豬頸肉撈麵($60) – 佢可以揀油麵或出前一丁, 因為我唔想食油麵太漏,所以揀左一丁,份量黎講我覺得偏細, 女仔食會岩岩好, 個黑豉油幾香但味道就偏淡, 豬頸肉同一丁就無咩驚喜了, 豬頸肉比較肥.
整體食物一般但價錢包埋指定飲品,都算實惠. 眼見好多抬都叫拉茶, 而外表都好唔錯, 後悔左無加錢轉拉茶, 下次要再試下佢杯茶先.

因為好想試陳儀興滷水鵝片, 去到先知未夠鐘開門, 少少失望之際, 見到隔離有間中式糖水店 - 華園甜品專家, 仲耍有有米芝蓮加持但價錢又貼地, 岩哂啦, 一於入去試下佢~

柔滑湯圓-黑芝麻 ($24) -  的確係皇牌, 必叫之選! 湯圓皮薄柔滑, 軟軟糯糯得黎幾煙靭,黑芝麻餡香, 同急凍湯圓係兩碼子既事,仲有薑水好夠’辣”, 所以一定係老薑,好味好味.
楊枝甘露 ($28) – 相比湯圓,楊枝甘露就顯得味道不過不失,可能芒果未係當造, 味道唔太酸但亦唔太甜.

結論,
黎華園甜品, 始終都係食返中式糖水優勝D,見同聞到好多抬都叫蕃薯糖水,應該都幾火喉十足,下次會再試試先.

而家開左好多一人燒肉, 真係岩哂人少少又想平平地食下燒肉既時候.
今次去旺角試下牛繁一人燒肉, 之前都有係荃灣試過佢, 食物幾唔錯,對得住個價錢, 見佢最近開一人燒肉又忍唔住試下先.

揀左牛胸花200g套餐 ($82)
初時以為下…….加左200g都甘少?原來佢分左2層架.
肉上面鋪滿秘製醬汁同白芝麻, 油脂分布平均，燒完之後更加不得了, 肉質鮮嫩多汁好惹味, 醬汁令你大啖大啖送飯.
套餐包埋白飯、漬物/泡菜、麵豉湯,個 麵豉湯好有驚喜,以為都係d standard味想放棄佢, 點知好好飲, 麵豉味好夠但唔會鹹, 有一刻諗過問下仲有無得Refill. 不過其實個餐都好足料, 食完都好飽好滿足喇,認真!

佢既無煙技術,食完完全無一陣燒肉味,個爐應該係好新, 火喉好平均,唔會成日搶火燒到d肉乾哂, 仲有一樣要大讚既係服務, 店員服務非常好,又貼心, 我地坐到最入最角落位置, 但都成日過黎為我地加水, 又提醒小朋友小心爐火, 仲要唔止係某1,2位店員,全全體店員都甘有禮,真係抵讚.

身為大角嘴街坊，一直都想試下呢間人氣大排檔，但撲過幾次空後，終於的起心肝平日星期三6.30pm到，安排到last一張walk in抬😄
環境： 充滿特色韓風，但抬與抬之間，比較親密, 傾"秘密"就要小心~
食物：
辣雞炒芝士年糕- 雞塊嫩滑，年糕略嫌太淋了 欠缺咬口，整體幾入味
韓式水冷麵- 汁幾好，但冷麵偏幼身，口感煙靭，不太岩口味
黑糖蜜黃豆粉麻糬刨冰- 其實佢幾好食既，但呢個天氣食真係凍左d, 等我夏天再黎食過