6：00pm入座要求7：30交枱，合理時間。
我們4位入座後亦快速點了原隻花膠套餐4位及鮑魚點心併盤，但20分鐘內全部食物放上枱，女侍應們像玩雜技般將bb豬、燕窩湯、花膠、什菌時菜、點心併盤、荷葉飯陸續堆滿4人枱上危危乎，我被迫叫停，一位紮馬尾的中年女侍應才不屑地拿走移放別處，一句禮貌歉言亦沒有仲黑口黑面，基本待客之道都沒有，令人胃口盡失，員工服務態度失敗得非常徹底，失望而回，老實說場內仍有其他選擇，不想再光臨。

國難當日下午約3時到達，見全店爆滿，門口帶位櫃枱有一對情侶排隊，但無職員係度，於是我與家人便排在那對情侶後面等攞飛仔，等咗一陣帶位女侍應由店內行到櫃枱前，就在此時，一對年約50多歲老夫婦快速從我後面，左右兩邊標上到帶位女侍應身旁，笑口騎騎在她耳邊低聲說：..….3個位……，跟著女侍應就比張飛仔佢哋，完全當櫃枱前排緊隊嘅我哋透明，我此時好錯愕，好奇怪，行近櫃枱只用一般聲調用好錯愕嘅表情對女侍應講 ” 我哋排緊隊嫁喎 ”， 此時女侍應只望着我並無反應，而此對50多歲老夫婦知道自己瘀咗樣衰咗，又落唔到台，老羞成怒，竟然先反客為主率先發圍起pair發難，又話唔知排緊隊、又話我態度唔好、又話我無禮貌、又話女侍應唔啱……等等…總之九萬幾樣人哋錯哂、佢哋啱哂，用無賴方式遮掩自己惡行，攪到店內個個望出嚟，唔知嘅仲以為我蝦老人家，但老婦仲未罷休，行到我胸前兇我，又扮鯊魚般在我身邊圍圈行來行去，又頻頻打電話嚇鬼，多多動作好攪笑。大老呀，香港地假期出街食嘢，度度都要排隊嫁啦，你哋詐癲扮傻打尖不遂，仲惡過人而家乜嘢世界，認真大開眼界。其實成件事非常簡單，只要帶位女侍應，當時請呢對打尖老夫婦排隊攞飛仔就乜事都無(除非佢哋識嘅熟客嚟嘅)，我無嘢講。

講返嘢食，有D失望:
1/. 天婦羅蝦併蟹柳湯烏冬 – 天婦羅不脆多油、烏冬ok、湯太咸 (5分)
2/. 鐵板牛柳粒蕃茄湯烏冬 –牛柳粒ok、湯太酸 (6分)
3/. 燒八爪魚餅 – 完全無八爪魚味、粒或碎，只得醬油味 (3分)
4/. 天婦羅七味魷鬚 – 仍然係天婦羅不脆多油 (3分)
5/. 雞軟骨餃子棒 – 味道ok，但碟底勁多油 (6分)

整體 – (食物) - 只有日式外觀，味道材料在水準以下，只屬 ”廉價日式茶餐廳”，不可與同類日式餐廳比較(例如-和民)。
(服務) - 侍應個個沒精打采，垂頭喪氣，連黑衣女職員都係咁，埋單時我忍不住向黑衣女職員道出門口帶位處理不當事件，她須然立即致歉但態度太被動。希望下次再去有改進啦！

呢兩日同屋企人去咗沙田新城市廣場行街街，但係食來食去
唔係日本嘢就係上海嘢或者Pizza有D悶，於是仔仔介紹去咗
仙跡岩食，我先知道原來款式幾多、同幾好食，同埋呢間舖
嘅幾位阿姐態度好好、好有禮貌、好殷勤，此其他食店好佰
倍，所以以後一定常常幫襯，多一個選擇。
連續幫襯咗兩日，試咗咁多嘢食:
1/. 脆蘿蔔糕 - 外層香脆不油，內裡鬆軟清香。(7分)
2/. 花枝丸 - 幾彈牙幾好食，但係一碟只有3粒。(7分)
3/. 鹽酥花枝 - 即係酥炸魷魚鬚，好新鮮香脆不太油。(8分)
4/. 棒棒蝦 - 亦是新鮮香脆不油，但係一碟只有2隻。(7分)
5/. 花生厚片吐司 - 香濃花生醬新鮮上枱，好味。(8分)
6/. 脆薯粒 - 新鮮香脆不油。(8分)
7/. 冬陰蟹柳拉麵-D麵身好爽、湯清香、蟹柳肉ok，仲有2條鹽酥花枝。(8分)
8/. 紅燒牛肉拉麵-牛肉好入味，又冧身。(8分)
9/. 黑白點子-幾得意嘅凍齋啡加蘆薈粒。(7分)
10/. 雙芒加珍珠-有好多鬆軟珍珠。(8.5分)

總括食物幾好，款式多，仲有好多嘢未試一定再去。

Dark Chocolate 凍飲的確出色好好飲，員工製作認真，
朱古力味香濃不甜加上碎朱古力，須然頗貴但仍有它的
吸引力，令我間唔中要飲番杯滿足一下。未試過的一定
要去試返一杯。

預早一天book定位，一家三口今晚1800準時到場，人不太多，十多人有序被帶入場，我們坐卡位包廂非常開心，與家人研究Menu一輪之後，點了:
1/.炸大蝦定食[有5隻] $168
2/.炸生蠔定食[有5隻] $168
3/.吉列生蠔豬扒定食[生蠔2隻/豬扒一塊] $168
另加吉列豬柳1件$40，蟹肉薯蓉2件$56，另加飲品。
之後基本動作磨芝麻好香，約15分鐘全部炸物一碟上視覺效果好正，waitress說明醬汁食法，開始全情投入在舒適的包廂享受期待的食物，先食豬扒表面鬆脆肉質鬆軟，好！再試豬柳分別不大只較厚身，但好細件！再食生蠔外表乾身香脆，內裡保持柔嫩的肉身及鮮濃的肉汁，口感一流，好好！到炸蝦夠大隻，蝦肉彈牙有蝦味新鮮炸起而不油膩，非常好！至於蟹肉薯蓉是失敗之作，炸一團濃醬，可以不試。
食物整體的確出色，由精心選擇材料，至高水準的炸功及員工的優質服務，均顯示出是一間充滿誠意之食府，每個細節絕不媽虎，非常出色，繼續努力！

清真牛肉館有鎮店的【牛肉餅】。
呢度有出色的【小籠包】，幫襯咗多年亦試過其他的，都是這裡最好味，每次都保持水準，豬肉新鮮、皮薄彈牙、湯汁清甜。另外担担麵，亦是招牌貨，麵質有咬口，辣湯香濃(記得叫小辣)，口感豐富，能將今非昔比的「詠藜園」比下去。呢度的上海粗炒、糖醋魚、雞絲粉皮，腐皮卷、鮮肉窩貼、蘿蔔絲酥餅、無錫蟹殼黃燒餅亦是不錯選擇。
員工服務態度比以前好咗好多，已有大改進。略厭近門口位置座位距離太近，欠私人空間，所以想坐得舒適D 要早D去。

擠迫的環境、失禮的侍應、差劣的態度、倉促的進食，為甚麼？？？只為一碟較為香滑的炒蛋，真是一樣米養百樣人，但恕在下不識欣賞，亦不能忍受如此飲食文化，無下次。

年廿七與家人團年訂6時半九位，入座見全場滿座非常熱鬧，事實上此店座位非常迫夾坐得不太舒服，無所謂細妹鍾意來荷李活食，由細妹發板叫了一個$13??幾套餐再加咗條松子魚、潮式炒飯、壽包連啤酒汽水食咗$1854。
食物方面最較有印像是**鹵水拼盤-鹵水汁咸度適中香味濃**一字骨-用料靚不太肥肉嫩**海皇翅-湯底喜出望外**潮式炒飯-乾身不油、鑊氣夠、飯粒烟un，讚！
服務方面算ok！咁旺的日子都無漏單，侍應好忙好忙但態度都友善有禮，讚！
但係座位真係太貼...太迫啦！！

我真係好鍾意佢啲牛肉餅，真係好好食，好有特色，皮薄香脆、內藏豐富牛肉汁、餡料十足、即叫即煎，令我成日都掛住佢。

但見個個話佢D咖哩好好食好正，專登去試下，因為自己對咖哩亦非常喜好，周圍試食。
第一次試咖哩牛腩，唔多點，咖哩汁唔夠味唔夠香唔夠濃，一層厚厚紅油泡面，非常油膩，全無過人之處，差過快餐店。
之後比多次機會佢，試咖哩羊腩，好少少羊腩算肉嫩，
但咖哩水汪汪無質感，咖哩汁真係唔夠香濃，認真失望。亦試過其他招牌炒飯，上海粗炒之類，都是失望而回。

算吧啦！都係一心一意食番佢最獨門，鎮店之寶<牛肉餅> 最穩陣嫁啦！

慕名而來，鋪頭細細，清潔企理，員工阿叔好親切不厭其煩簡介菜式。讚！
1/.臺灣花枝丸麵-花枝丸有咬口爽脆，口感豐富，麵身是非常彈牙非常爽口，湯底清香而不油，令人回味無窮喝清光才心足。(9分)，
2/.芋蓉卷-皮脆、料香、亁身。(8分)
3/.豆腐肉燥飯- 汁味香濃。(8.5分)
價錢合理，嘢食有特別風味好食，行開果頭一定要試試。