今日同女朋友慶生去咗一間在九龍城吃Omakase叫北斗。餐廳唔會有很多座位大概十張左右。 第一味纯菜雪魚白子，聽個名係好特別原來係魚個生殖器官，一吃口感上好易融化加埋柚子同埋酸汁吃落好開胃，所以做第一味菜就非常正確。 地蛤清湯， 味道好鮮因為落咗好多蛤同菇。 秋青魚肉質好嫩，而且口感上帶有少少油分配埋薑蔥蓉豉油大大提升味道。 拖羅加咗生蒜蓉而且還燒過，所以口咁上唔會覺得好油膩。 日本生蠔 , 蠔本身size都好大隻同好新鮮加埋酸汁啫哩就可以掩蓋咗海水嘅味道。 日本沙追魚口感上好有質感因為經過炸過。 北海道紫海膽配炸紫菜， 海膽加埋炸紫菜口感上就更有層次咁。 神戶和牛，和牛本身入口即溶塗上醬油後味道就更豐富。 最後一味明太子茶色飯， 啲飯充滿咗茶味而且加埋明太子有鹹鹹地嘅味道。 磯煮鮑魚，鮑魚加咗特別嘅醬汁烹調口感上就更加豐富。

今日約咗朋友食晚飯去咗荃灣廣場，有一間專食天婦羅，舖頭裝飾好有日本格調。 首先就叫咗一個車海老帆立貝天井，井飯size都好大足夠一個人份量。 井飯裏面啲天婦羅蝦炸得外脆而且肉質非常彈牙，一碗有兩隻足以遮蓋成碗井飯，其次帆立貝肉質非常新鮮，雖然是炸咗但係都掩蓋唔到外脆內嫩嘅口感。 還有小柱魷魚天婦羅餅，雖然魷魚粒炸成一個餅狀， 但仍然有鱿魚新鲜嘅味道。最後加埋溫泉蛋，啲蛋漿流落去啲飯一齊食真係非常滿足。 還有迷你天井加稻庭烏冬，這款最啱想吃井飯又想吃烏冬嘅客人。 迷你井飯有菇菌，海苔，海老，南瓜，莢豌豆和溫泉蛋雖然大部分都係蔬菜類經過烹調味道大大提升，我加咗$38叫咗個天婦羅軟殼蟹，啲蟹唔會炸到好乾身 所以口感上唔會就係得啲炸漿。 而稻庭烏冬，啲烏冬口感上唔會太軟但入口好似即溶。雖然係一個簡單個烏冬但餐廳好有心，配咗好多配料可以加落烏冬度吃。

今日咗朋友去荃灣地鐵嘅綠楊坊吃晚飯，嗰度有間餐廳叫HeSheEat，地點非常方便就喺地鐵隔離。 餐廳裝修都比較型格。 首先頭盤就叫咗個烤雞肉沙律，啲雞肉好嫩外面就有燒烤嘅味道 ，而且肉質唔會烤到好乾身， 沙律當然菜都係好重要，啲菜好新鮮口感上好爽。 燒BB豬肋骨配日式薯仔沙律， 豬肋骨味道唔錯，配埋香草喺裏面味道大大提升，但最重要係啲肉同啲骨一切落去就分離，配埋薯仔沙律吃落就唔會覺得太肥膩。 辣肉腸墨魚汁意粉，喜歡吃濃味嘅嘢辣肉腸就最啱，啲意粉好彈牙而且有好重嘅墨魚汁味， 我個人嚟講真係不錯。 單骨蜜糖芥末雞翼，啲雞翼內嫩外脆 ，由於單骨食落比較容易，配埋芥末味道就更加突出。 甜品有日式紫薯牛角包窩夫， 味道唔會太甜而且窩夫本身外脆配埋雪糕吃口感上有內凍外暖嘅感覺。 宁治抹茶士多啤梨鮮奶配抹茶雪糕，依杯飲品可以享受曬三種嘅味道，最重要唔會太甜。 還有白桃烏龍茶啲白桃配埋烏龍茶一齊飲 ，茶味就更加突出。

剛剛搬嚟荃灣海之戀住，聽說有間日本餐廳叫Hungry Monkey 好有格調而且食物唔錯。門口看好似間酒吧但入內有另一種格調。 食物種類都有好多種選擇。 頭盤有蕃茄沙律配埋芫茜一齊吃大大特出咗蕃茄嘅新鮮味道。 辣酒東風螺，啲螺唔會好辣而且口感好爽口。 唐揚金蝦， 蝦好新鮮連啲殼都可以吃非常脆口。 黑松露香草牛油焗雜菌， 本身雜菌係冇乜味道但加埋牛油蒜蓉最緊要係黑松露，吃落唔會覺得好油膩。 南非鮑魚啲肉質好淋，吃落好有鮑魚嘅鮮味。 羊架啲肉燒得內嫩外脆， 最緊要唔會有好重嘅騷味。 香蔥牛肉薄燒， 啲牛肉捲埋啲蔥一齊吃口感上好特別， 如果喜歡吃葱一定喜歡這個。 松葉蟹肉海膽炒飯，啲蟹肉好新鮮，而且海膽可以形容一嚿嚿海膽， 所以幾乎每一啖飯都有海膽味道。 一夜干魷魚，啲魷魚燒得 剛剛好唔會太乾身，而且肉質好嫩。 最後廣島燒， 材料包含臘腸，芫茜 ，蝦米，肉鬆，叉燒就係材料方面已經覺得好豐富， 可能有芫茜感覺上唔會好肥膩。 最後飲埋自家天使之氣紛白桃濁酒， 味道非常唔錯。

九龍城有間日本日式小店叫渡邊屋， 我經常行過都見到滿座 ，因為餐廳只可以容納五個客人。今天早收工就碰下運氣真係有位。 餐廳裝修得真係好有日本格調。 在玻璃櫃見到好多食材都非常新鮮，我見到有個是日精選原隻楚蟹配三文魚籽，賣相非常精緻蟹肉同蟹膏非常新鮮魚籽有脆卜卜嘅口感。 北海道刺身井，碗井飯賣相非常飽滿， 而且啲魚生 大大嚿而肉質新鮮，配埋有手指咁長嘅海膽， 啲海膽唔會有好多海水味和腥味。 手捲方面我order左好幾種 海膽北海道帆立貝手捲， 北海道帆立貝手捲，火炙本鲔大拖手捲， 蔥粒吞拿魚腩手捲 ，各種手捲都好新鮮不過值得一讚就係有帆立貝嘅手捲，啲帆立貝肉質好嫩而且size都好大粒。配埋脆脆嘅紫菜簡直係絕配。 壽司方面order咗兩款有劍魚腩壽司和黑瀨油甘魚腩壽司， 兩款壽司都比較油噴重少少，口感上都幾特別。

今日約咗朋友食晚餐，有人介紹荃灣有間叫校長燒肉日韓料理有燒烤同火鍋一齊吃。餐廳環境唔錯座位都有好多，食物種類真係好多。好難一晚試得曬。 一坐低餐廳就會送一嚿頂級安格斯肉眼扒，牛扒size好大，燒起上嚟吃唔會太晏口感好鬆軟好新鮮。 其餘還有好多種肉類牛豬雞各種部位都有得選擇， 我就最like韓式雞軟骨因為唔 會係好多地方可以吃到。 熟食方面都有好多有春卷,洋蔥圈,炸薯角和章魚小丸子等等，味道都唔錯。 火鍋配料都係有好多選擇，有肥牛，豬頸肉，雞柳等等都係打邊爐必吃食品。 還有丸類都有好多種牛丸墨丸魚蛋等等，基本上火鍋配料大部分都有。 而甜品有雪糕雪條等等 ，還有自家製甜品西瓜西米露，伯爵奶茶仙草凍， 榴槤布甸等等。味道方面唔會太甜。 最後還有沙律同埋熱辣辣嘅點心，飲品方面種類都有好多。

今日約咗朋友去葵芳新都會睇戲，睇完戲正正是晚飯時間，聽朋友講有間吃台灣小食叫燈籠滷味 。環境唔算好大不過都有好多座位。 餐牌上好多台灣小食有啲都從來冇吃過。 奶油芋泥肉鬆起司 D皮好似吃台灣抓餅一樣，芋泥同肉鬆一起吃味道有少少甜少少咸非常特別，加埋醬汁味道大大提升 。 紅燒牛筋肉魯肉飯 碗飯都比較大碗，牛筋肉質好嫩而且鹵水汁味道唔錯， 加埋滷肉和半隻鹵水蛋足夠 一人吃。 車仔麵 有雞翼，花之丸，鹵水豬耳， 鹵水汁滲透雞翼同滷水豬耳所以非常入味， 加埋童年回憶王子麵 ，吃落特別有風味。 還有飲埋杯清新冬瓜仙草檸檬真係非常滿足。

今日放假約咗朋友去新都會睇戲，聽人講近葵芳地鐵隔離商場有間日式燒肉店。 餐廳環境好舒服可能燈光好充足，而且裝修好有日本格調。 餐牌有好多種類嘅肉選擇，而且還有一人套餐以及有好多追加肉類選擇同配菜等等。 我叫了安格斯肉眼套餐150g 套餐包括前菜麵豉湯和紫菜飯，還有主角安格斯肉眼，塊扒size好大肉質非常嫩，由於自己燒味度特別唔錯。 再追加牛板腱，牛小排，牛頸肉三種部位都各有特色牛小排就比較多油分， 牛頸肉肉質比較滑 ，牛板腱就會重牛味。 還有豚五花 ，一口牛小排 。 豚五花砌得好薄而且啲豚肉皮燒起吃口感好爽。一口牛細細粒不過肉質好重牛味。 還有小食忌廉蟹肉薯餅 薯餅內充滿咗蟹肉外面就炸得好脆。 以下各款一人套餐 還有小食同甜品

今日放假約咗朋友去銅鑼灣吃 Lunch。 聽說近sogo隔離樓上有間吃串燒唔錯嘅居酒屋。 居酒屋環境好有日式嘅感覺。 餐牌有好多種類嘅定食，我就叫咗兩款定食有極尚六本同埋溫泉蛋燒鳥定食。 前菜 麻醬豆腐同蕃茄。 茶碗蒸啲蛋好滑同埋有啲冬菇味口感非常豐富。 麵豉湯啲湯唔會好鹹所以味到好適中，而且還有蜆令到啲湯更有鮮味。 極尚六本 有鵝肛，銀雪魚，蕯摩雞翼，鹽燒牛肉 ，露筍豬肉卷和冬菇。 蕯摩雞翼雞肉好滑外面好脆，燒得非常不錯。 鹽燒牛肉，牛肉好新鮮燒得唔會非常熟，而且鹽燒味和牛肉串燒非常適合。 冬菇吃落會太硬燒嘅時間非常恰當。 銀雪魚外面塊皮好脆，一吃即溶化，而且魚肉非常新鮮。 鵝肝外脆內嫰入口溶化，而且還有香濃 鵝油味。 露筍豬肉卷啲豬肉唔會太韌，而且配埋爽脆露筍吃簡直係絕配。 溫泉蛋燒了定食 有雞翼，雞肉大葱，冬菇，西京鲇魚還有溫泉蛋飯。 雞肉大蔥啲雞肉好嫩而雞皮燒得好脆，配埋大蔥一齊吃感覺唔會太油膩。 西京鲇魚，魚肉好滑而且燒得好香入口即溶。 吃埋熱辣辣溫泉蛋飯。

今日約咗朋友去長沙灣食飯有間叫八月茶室。餐廳環境唔錯，啲燈光好光猛 所以坐落都覺得好舒服。 餐牌有好多種類嘅食物西餐中餐等等。 我就叫了我最like嘅招牌酸菜魚 我第一時間就試下啖湯先 有少少辣和酸唔會太鹹， 啲魚肉質好新鮮而且大大塊，酸菜魚還有其他配菜有菇, 薯粉 , 萵笋，最啱現在涼涼地天氣吃。 蜜椒薯仔牛肉粒 牛肉內嫩外脆而且佈滿咗黑椒粒令味道大大提升， 加埋薯仔粒吃簡直係絕配。 石鍋板燒上級牛肉飯配溫泉蛋 由於牛肉係用板燒方法烹調 ，肉質非常新鮮外面有燒過令到牛肉賣相大大提升，加埋暖暖嘅溫泉蛋吃感覺好滿足。 甜品流心西多 即叫即炸而且放到枱上已經聞到奶黃嘅味道，當切開西多已經見到流心滲出， 配埋D山果沙律一齊吃感覺唔會太滯。