價錢唔算貴的餐廳, 中午時段竟然有大量吉位, 心想又係寫劣評的好地方就坐下吧.
忌廉湯, 似乎是訓練味覺的液體, 要很認真去感覺先感覺到一些少的忌廉味, 淡如水的餐湯.
餐包, 超市買嘉乜牌都好食過呢件物體, 硬而無味.
黑毛豬骨扒, 這是否炭燒? 個豬骨扒已經變成半炭般的模樣, 不含水分, 硬度高, 這是武器屋的投拋武器?
黑松露魚柳飯, 賣相劣等, 一看上去好似一堆嘔吐物在飯上, 裡面含極大量的生粉, 大量的麵包粉包住丁屎的魚柳.
石頭鍋飯, 飯已經變成石頭的硬度, 其他材料份量太少, 口感乾而無味, 只為填飽肚或鍛鍊腸胃而設.
咖喱魚飯, 濃如泥膠的咖喱配上粗鞋的魚肉, 感覺條魚應該仲大過鯨魚先可以有這般粗的肉.
海鮮意粉, 不值得再提, 難食.
窩夫真的很難食, 雪糕又少, 好少有食甜品食到想嘔, 但是長輩教落唔好浪費食物... 不過無教過話唔好浪費拉圾, 所以無食曬.

新裝修是很不錯的, 簡單而舒服. 服務都可以. 但食物就真的一般般了.
餐湯羅宋湯偏淡, 忌廉雞湯偏淡, 蒜蓉飽偏淡, 檯面的醬料調味料很齊全.
什扒份量不少, 有齊牛雞豬煙腸, 味道一般偏淡. 西冷扒質素稍好, 但太軟.
芝士焗魚柳, 魚柳很一般芝士也不香. 配菜的薯條蘿蔔西蘭花少而難食.
海鮮鐵板, 裡面有魚柳魷魚蝦帶子等. 蝦沒有味道, 魚柳很一般, 帶子不甜, 一般.

論野食, 這是不差的, 不過埋單的時候個經理碌多數同埋開口要比多貼士呢兩樣行為真的令人非常不快.
炒蝦仁蝦很大很彈牙味道不錯, 乳豬一般的好, 鮑魚入味汁濃郁, 石班很嫩很入味, 都高於中等水平.
炸雞比較老, 魚翅一般般, 炒飯麵非常一般, 湯水也是不太特出. 上菜都快不過分配菜收碟比較慢而不專業.
環境非常漂亮, 這等價錢都可坐這樣舒服的環境其實都不錯, 地方寬趟檯與檯有很好的距離, 走動空間也大.
服務態度同能力很參差, 某幾個經驗嚴重不足但年紀不少... 但其他又好似無問題而且勤快. 不過收錢的不太老實唔係第一次, 無回頭.

回憶返一間之前受氣的餐廳, 又貴又大細超的餐廳, 主題什麼的坐就舒服食就唔舒服.
既然係酒吧餐廳, 當然有很多酒, 很多以球星或球會相關事件的飲品和酒可以order.
試了幾個都可以, 又不算太貴味道都還好, 合格吧. 餐前小食份量都多當然價錢都貴, 薯條有點過硬, 沙律一般.
漢堡只能和快餐店比, 意粉不能與意粉屋比, 薄餅只好過帽子牌, 紅酒膾羊膝簡直係惡夢, 甜品比麥記稍好.
服務帶歧視成份, 殷勤的對待外國遊客和西裝人, 一直硬銷你生蠔等貴價食物而你不要的話就立刻用求其的態度對你.

一間賣生冷野的壽司店最重要的是什麼? 大概估計應該是鮮度和衛生, 畢竟健康是非常重要的.
這間店在一個大量小巴巴士經過的交叉路口, 大量的黑煙灰塵經過而且因為多大車溫度特別高.
刺身是這裡的招牌, 尤其是三文魚就價錢非常公道, 雖然大把同質量的比他更抵, 大把同價錢的比他更好食...
不過看在呢區任何食物都比附近區貴兩成呢個傳統, 這還算可以. 味道方面, 非常中等線不能話太差也不算好.
不過存在磅數不足的問題, 估計大概比得七成重量. 而且根非常多, 水準不斷下滑. 究竟是轉了老闆定其他問題?
壽司的話, 比附近的三蚊壽司差, 不建議食. 味道淡, 料差而少, 飯求其整. 完全不合格. 這樣的話, 不要做水魚.

唯一唯一, 這間店就只是可以食唯一的一次. 一入去店員個個懶洋洋無精神咁款已經知道食物不會有誠意.
三文魚刺身很薄, 透光的薄, 而且油脂欠奉, 帶筋, 鮮度也不是很好, 味道一般. 似乎切魚生的師傅未用心學過平衡去筋法.
其他刺身
壽司, 不值一提, 料份量少, 飯水氣多, 而且因為水氣太多令材料的口感變得爛融融.
魚生飯, 比泰國餐廳個甜品香芒囉米飯仲細, 人地甜品都大盤過你, 檢討下啦!

附近幾條街, 成個場我諗得佢咁難食, 麵煮得唔熟, 肉也是唔熟, 好趕時間嗎? 食唔熟野會肚痛知唔知道?
價錢係中位數, 但呢個價錢呢個味道地確非常唔值, 魚蛋不彈牙, 餃子皮厚, 雞翼瘦到沒有肉, 這算什麼?
碟頭飯很一般, 料不算少不過味道不吸引, 賣相非常差, 見到好似渠水的漿汁, 當日差一點嘔出黎. 零分.

成日就賴貴租貴租然後就霸曬好位搶街坊生意, 整高曬附近餐廳的價錢, 這間店其是非常有良心.
貴得黎有道理咁就無人出聲, 但完全不符合沒有原因的貴真的傷了街坊的心, 霸了個好租位.
好吧貴野通常服務好, 但這裡沒有, 服務不算太差但很慢, 每次好似小學生搶答咁舉幾分鐘先有人黎.
特色餐類其實味道不差, 稍貴一點. 但一般茶餐廳的就很一般, 完全不值那個價錢. 包類簡直搶錢, 高級麵包?
不過呢, 這裡的好處是食物的確比較大碟而且料不會太少, 一個人點一客飯就真係會食飽, 野飲冰唔會誇張的多.
西炒飯, 大碟而且味道不錯, 只是味精重手了一點. 生炒牛飯, 稍為潮濕了一點, 味道都是不差.
雪菜肉絲米, 份量有點少, 不過配豬仔包其實都可以. 海南雞飯, 幾好食醬料多又有湯不差.
魚蛋片頭河, 湯底一般, 平凡. 肉醬意粉, 普通偏難食, 唔好叫. 飲品雖然冰少, 但杯太瘦長其實很少.

整體而言味道不差, 廚房有用心去做, 但價錢不太吸引, 這個價錢這個料這個環境與衛生情況, 不值得. 偶然可以.
蕃茄湯, 有點香料味的番茄湯, 其實幾開胃. 豆薯湯, 很好喝濃郁有餬的感覺, 熱飲很充實.
咖喱雞, 雞很滑足料, 咖喱接近地道, 濃郁厚實開胃. 烤雞, 唔入味又粗而且用老雞兼煮太熟, 一般.
咖喱魚, 魚肉比較粗不太好食, 但咖喱汁是好食的. 咖喱菜豆, 這個好食, 溶在咖喱的鷹嘴豆撈飯一流.
薄餅很香不過上桌的時候已經凍了. 乳酪無論芒果或原味都幾好. 飯後會給一些薄荷糖消口氣.

這件店的通風做得非常差, 裡面充滿很潮濕很莓的味道, 以及牛肉的蘇味, 油煙味, 空氣中充滿高濕度, 很難受.
招牌的牛腩面, 點樣講... 牛腩的蘇味真的是史無前例的強, 喜歡蘇的朋友可以慕名而來, 但感覺一般人難以接受, 面稍淋.
魚蛋河, 魚蛋遠無幾個檔口旁的麵店好食, 合格啦, 河粉都係比較淋.
魚皮餃拼炸魚皮粗, 魚皮粉粉地不好食, 炸魚皮不新鮮而有雜味, 粗面一舊舊不易入口.
墨魚片米, 幾特別味道合格, 米煮過頭很淋. 服務嘛嘛有點懶散.