一個月前係銅鑼灣其中一間的花園午餐過 覺得真係okay中之偏向麻麻

今次再去呢個成日食嘅品牌午餐

個餐包都好熱 因為係即刻叮出黎的 同埋幾鬆軟

個忌廉湯都好熱 因為係即刻'bud'出黎的
不過估唔到D材料仲少過銅鑼灣個間 @@
得一塊小火腿咁大把 X_X

個牛排好味呢
個蒜容汁好好味 同埋好多呀 所以夠哂數去撈飯
一塊少同一塊大 都算有兩塊
照舊好鬆軟 所以好容易切

因為星期日 所以lunch hour完全唔多人 D食物上得好快 同埋個環境寧靜
雖然係星期日 但係都有set lunch 供應
價錢同平日一樣 尖沙咀呢間分店就$42 (加埋一)
所以若果想平價鋸排 就去花園啦
d service都okay 唔錯 都幾殷勤嘅
不過可能國內遊客通常會點最豪個D餐 所以對佢地會好少少
不過overall 都okay嘅 我會繼續係個度開餐架!!!

下午時分 想係第一城搵野食都唔係易嘅事 因為間間都要等
仲要搵間arm心水都更難

見個menu都好似幾好食 咁咪入去囉 都係等左5分鐘
不過都幾貴呀 @@
36塊元 因為碟飯都唔係好大 唔知係咪因為隻碟本身細

D豬排都鬆軟 細細塊啦 個汁就係酸酸甜甜的
都好多洋蔥

不過以$36黎講 就麻麻地抵
但係食物質數okay 所以去第一城都會揀佢食嘅

環境不錯 2個人都比坐卡位 WOR! 唔嘈就唔係茶餐廳啦!

服務okay 無咩差野要彈

本來見到呢個係寫住初夏之選 應該係為迎合世界盃 所以就有唔同國家嘅味道
就係因為呢個做special嘅promotion 所以先會揀呢個法國「代表」
呢個promotion新到佢個網都未update 總之就係

龍蝦汁龍蝦扁意粉

睇到幅相啦 一黎個時就真係呆左
因為點解D意粉同個汁分開哂架X_X
仲要就係D龍蝦喱埋左自己一個角落 想點呀@@

D意粉好硬 撈埋個汁先至無咁硬 不過都仲係唔夠軟WORRR
同埋個size真係好少 = = D汁仲多過D意粉X_X
至於D龍蝦汁尚可嘅 因為真係好濃郁 同埋都好有龍蝦味
不過D龍蝦粒就無咩特別嘅味道 可能因為係淨灼啦 所以就咁樣啦
因為叫a la carte -> $45 雖然$51有杯野飲
但係我相信唔會因為呢樣野 個碟意粉會有太大分別WOR
已經無加一同埋無咩特別嘅service 以呢個價錢真係幾唔抵食囉
所以一次就夠X_X

杯奶茶個quality好個碟值$45蚊嘅意粉呀!
因為多奶 用茶包 所以好濃呀個茶!

想提多一樣野
係oliver叫完野食 係會有個牌比你 等D staff捧個餐比你
不過今次我拎住個係14號 係我後面買完野食嘅都係14號
好彩嗌嘅野唔同 不過我只係奇怪點會有兩個14號牌

oliver其實真係唔太差 不過對佢今次呢個初夏之選 法國代表真係失望
希望其他國家「代表」會好食D啦

嘩! 成年無去過任何板X嘅壽司啦!!
因為上年7月去完銅鑼灣細左勁多呀個size 所以往後都唔會諗去任何一間板X
不過今日個朋友話想係又一城食壽司 得一間咋嗎 好啦 咁去板前啦

因為係3點幾先食下午茶 同埋食左一個包打底 所以只係叫左5碟咋

彩虹果卷
其實即係牛油果加係個鰻魚卷上面
不過舊牛油果比較散 夾一夾就散左啦@@
D壽司飯都係好新鮮
唔多食到牛油果同鰻魚combine埋一齊嘅味道
呢個開頭係有少少敗筆啦

火燒三文魚
好正呀=) 果然都係佢原創出黎!
因為舊三文魚唔似得另一間集團式壽司店
板前呢個真係燒得唔散呢 =)
因為日本人係點舊料rather點舊飯架食壽司個時
所以佢燒得唔散 令到我方便點壽司
同埋大塊左好多呀塊三文魚! 尤其比我之前去仲大舊左呀*v*
仲有就係keep到個鮮味
唯一係少左芝士 但係整體都已經好好味
令我到改觀哂啦 因為火燒三文魚係我板前嘅最愛

火燒三文魚腩
個overall comment同上邊一樣
不過魚腩多左一樣野 就係個甜味
好正呀!!! 好想食多舊!!! 不過個時已經4點啦! 仲要食晚飯
所以呢個美好回憶留返下次延續!!

鰻魚生春卷
不嬲去到迴轉壽司店都會食呢個生春卷
不過呢個都係佢呢度原創
果然進步左好多!!
D料多左好多 竟然有粟米小條WOR!!! 多左好多青瓜絲同埋蕃茄都大粒左
同埋係食到個種好新鮮嘅味道
佢個醬都轉左! 我唔識講係咩材料嘅醬
但係neither千島醬nor食炸野嘅沙律醬
係有酸may may的味道嘅!
可惜個醬唔係好arm心水 但係就咁講生春卷就很不錯

龍蝦沙律軍艦
個紫菜好脆*v* 好似平時即開即食咁嘅感覺
個龍蝦沙律有少少wasabi嘅感覺
同埋好多料呀 好rich
所以好想推介呢個 =D

今次食哂D原創嘅野 好好食
哈哈 以為無邊間有得食 依家有返一個option 好正

服務就唔好expect太多啦 都係無咩笑容啦

不過唔明白點解4點幾 已經無咩人架啦
佢仲要將D人擺哂係門口個邊D檯
但係都比較靜啦

哈哈真係好貴呀 不過都抵嘅
因為係食佢嘅creativity嗎

我短期內會再去架!!!!!!!!
好想做埋佢會員添呀 ><
板前你真係進步左好多呀!!!!!!

預左個肚去呢到食燉蛋架啦
都2點幾去架啦 不過仍然都係客如輪轉
好開心見到個靜少少個角落入面嘅卡位 所以就食得更歡喜

首先叫個燉蛋
因為成3、4年無食啦都 所以特登留返個肚食呢個
好滑同埋好軟
仲有真係好genuine嘅蛋 只係覺得佢應該加左牛奶落去
而唔係求其加其他artificial野嘅燉蛋

不過都唔係多夠飽 又見到其實檯都有食 所以就叫左
炒蛋多士
!!!!!!!!!!!!!!!!!!好食到癲!!!!!!!!!!!!!!!!!!!
講真D蛋仲滑過個燉蛋!!!! 呢個應該加左更多嘅牛奶添呀!!!! 所以滑到癲囉!!!
同埋個多士烘得剛剛好 唔會好lung 完全無黑焦塊出現 好金黃呀
仲有仲有就係搽左唔少牛油
所以成個炒蛋多士都好出色 =D
非常愛佢呢個炒蛋多士

服務態度就唔好expect太多啦
因為真係好多人 同埋呢種舊色嘅餐廳會係咁架啦 唔使加一wor!

價錢少少唔抵啦 尤其個燉蛋
雖說以一個甜品黎講 唔係真係太貴
不過以一個燉蛋黎講 真係貴左少少 個炒蛋多士都係
可能因為真係加左好多功夫 所以就會貴左少少

不過若果唔係日日食都OKAY嘅!!!
所以我會再去食架若果係附近 ><
我愛炒蛋多士係狂愛!!!!!!!

去到金馬倫道其實都幾多野食
見不嬲都有去食開呢間 咁見無食幾個月 咁咪入去食下囉

因為佢成間餐廳都係間左卡位 所以通常都係坐卡位
咁多幾好呀 因為可以飲野同傾計埋
不過我都成12點幾去到 入座率5成 所以都個環境好靜@@

叫左個午餐
照燒雞排豬骨湯底鳥冬午餐
個照燒雞排燒幾好食
個雞排樣燒得幾脆 不過因為健康問題都係唔好食皮啦 不過塊雞排都幾薄 細左少少啦
同埋個汁好濃郁 好平時食日式野嘅燒汁

豬骨湯底烏冬
個豬骨湯好好味 所以一路食烏冬一路都飲個湯
個烏冬好粗同好大條 所以好rich呀都
好味好味呀個鳥冬

個小食就無咩特別啦 =S

服務都幾好! 因為就算我地唔係食好多野 但佢地都不斷為我地加茶 不錯不錯
同埋無用D好囂張嘅態度serve我地! 加返少少笑容會更perfect =)

更值得一提就係唔使加一
雖然聽起黎好抵
因為本身個食物質素不錯 但係個餐其實唔包野飲
不過其實要飲野只係加$3姐 凍飲都係$5
若果唔加一 其實都幾抵食 因為好味 服務態度不錯 環境好 因為仲要係尖沙咀呢種地方
所以overall都其實係一個開飯之選呢!!!!
短期內係會再去的 所以我比返個lem脷你啦 =D

平時係7樓見到呢間銀座藏人都要排隊 都唔明白點解
不過今日見都成點幾 同埋都唔係好多人排隊 所以今次就試下呢間銀座藏人

係度等嘅時候 睇個餐牌
見到一個定食超抵食WOR!

滑蛋豬排定食
D蛋真係好滑
個豬排都比左成塊我嘅
但係個吉列皮同個豬肉塊係lut左出黎@@
係呢一個真係幾失望 因為無理由個豬肉塊會咁樣自己脫殼
不過可能會懷疑因為個蛋真係滑到成個飯都好濕
所以先會出現脫殼嘅情況出現
隻碗真係好大
個飯同豬排應該佔係隻大碗嘅2/3位置嘅

呢個定食係包埋
烏冬
碗烏冬係係無其他料子
D烏冬條係比較瘦削 唔知係咪其他類形嘅烏冬
都幾好食呀

因為坐左係一個大卡位 所以好舒服!
張檯真係好大 =D
可能因為我食到2點幾 所以個環境靜左好多 好岩去傾計

服務態度都幾誠懇! 不錯不錯

最吸引真係個價錢! 因為係新城市7樓都唔慌會搵到便野食
所以呢個飽肚嘅定食真係一個bargain呀!
佢個menu雖然無寫包餐飲 但係原來係包架!
我下次去7樓都知道可以去邊到搵食啦 =P
YUMMY

去到大家樂又想食意粉 通常都只係得一個choice
就係肉醬意粉
不過我唔介意 因為真係不嬲都覺得好好食 =P

今次係第一城食
估唔到有咁大pat芝士
雖然唔係講得上好大pat 但係已經比我預期多架啦

咁食肉醬意粉要撈一撈先食
估唔到都幾多肉醬可以撈WORR!
仲要可以啖啖都有肉醬
同埋D意粉都幾好爽呀!!!

仲有! 平時都講開...我係一個好大食嘅人
估唔到呢個肉醬意粉可以填爆我個肚
比我想像中大兜好多WOR!

個肉醬都好濃郁!

食完之後都幾多味精 ='(
若果唔介意事後狂飲水 講真可以去大家樂食個飽肚嘅肉醬意粉

但係我都好想係其他嘅大家樂嘅肉醬意粉
睇下邊間會最少味精
呢間暫時都唔會再去食肉醬意粉

我真係大家樂肉醬意粉嘅fans!
不嬲都覺得肉醬意粉先係佢嘅招牌菜!!

至於個環境
因為我坐左係另一邊嘅位 所以就係無咁嘈
係快餐廳唔嘈 係無可能嘅事 不過係大家樂就發生左!
不過少許敗筆係個窗景比佢D廣告遮左
所以無得睇下街景
但係唔嘈已經係驚喜
可能因我係11點45個食午餐食到12點20到啦 比較早 所以就無咁嘈!

overall okay架! 少少失望就係落左比較多嘅味精X_X
不過推介比大家到其他大家樂食肉醬意粉

之前睇到有人極力介紹佢嘅晚膳
所以再比個機會佢啦

不過一入去已經幾失望啦
因為個牌寫住「晚餐」
但係呢個set原來係當係a la carte
即係唔會包餐湯包 甜品 同餐飲
個價錢仲要係當返平日係set dinner嘅價錢計
若果要包埋呢D野 只可以叫「假日晚餐」
但係「晚餐」同「假日晚餐」入面嘅內容係完全唔同
入座個時完全無講過呢個咁重要嘅point
落單時先講 即係又要再花時間去揀

講返D食物先
意大利雜菜湯和餐包
呢個完全無特別嘅野可言
好失望個餐包原來係一塊蒜蓉包X_X
個湯其實都幾多料
不過個湯都幾稀
但係始終味道無咩特別 所以呢個都只係一般姐 過得去啦

蕃茄魚柳焗飯
{呢個係散叫架}
都幾多魚柳塊 個焗飯係有蛋嘅飯底
都落左幾多蕃茄膏
所以成個飯都可以撈到蕃茄汁
不過我感覺到個蕃茄汁唔係就咁茄膏咁簡單
應該係加左其實調味料
所以個味係非常濃郁
可惜D魚柳塊有少少散 唔多solid
不過以蕃茄焗飯黎講
我唔覺得佢好食過快餐
個價錢仲要貴過快餐店嘅焗飯兩倍多D添呀!!!

牛柳天使麵
講真都係一般
雖然個汁同埋D天使麵撈埋一齊 係幾好味
D牛柳都無話好韌嘅情況出現
呢個就都okay嘅

咖哩焗豚肉飯
個豚肉都有唔少肥膏 都不時要咬出黎
不過相比起其實餐廳煮豚肉黎講 已經少左肥膏
至於個咖哩汁都係唔辣 怕辣又想食咖哩可以揀呢個
不過又係一樣個味道無咩值得有深刻記憶
所以比唔到太多description

甜品 -> 應該係士多啤梨慕絲蛋糕
個士多啤梨慕絲都幾好食
不過一加埋個蛋糕底 就成個feel差哂@@
因為個蛋糕底就好散 同埋真係唔fresh worr
所以令我好失望

我7點幾食到8點幾 入座率應該得60%

個服務態度真係麻麻得不可以再麻麻
個著藍色shirt嘅部長 個態度較為誠懇
真係比到你「我想serve好你」嘅態度
至於負責埋單果個經理 都幾好
可惜呢兩位人兄都唔係成程serve我地
因為落單個位侍應
落單個時好懶懶閒 晚市都唔係咁無朝氣呀FA
成程個眼神好囂張 我黎食野 使唔使咁串呀
上菜叫外個幾位都一般啦 無咩特別野好comment

個餐廳個環境都有少許情調 但係又未去到fine dining咁癲嘅 因為無咩風景可言
就算個餐廳整到幾有氣色 外圍環境唔配合都真係嘥氣的

最想講係個價錢
講真!!! 以呢個價錢同質素真係好貴囉!!!!!!!!!!!!!!!!!!
味道都講過只係好一般
但係個價錢可以要$80一個先埋得單
雖然我欣賞個裝修真係有花點心思
不過唔係叫得值得比成兩倍嘅價錢去食一個快餐店都有嘅水準嘅焗飯
所以有一排我都唔會再去啦X_X
除非佢有改善下啦....
估唔到呢一間係銀禧新開嘅餐廳 以往會勝過以前嘅茶餐廳
點知因為呢間其實同另一家茶餐廳係同一個老闆
所以個價錢同埋服務態度都有好多相似地方啦

P.S. 又一次好多味精!!! 因為返到屋企十點幾都要大量飲水

都2點幾 從九龍塘返黎之後
應該無咁多人 同埋想試下呢間係沙田嘅元氣
係咪真係好食D

唔知係咪因為好肚餓 所以覺得好好食呀

去到元氣通常我來來去去都係叫個幾款
灸燒黑椒三文魚壽司
都食左幾碟
同我係第一城食個間比
佢呢間燒得個quality差唔多 都係塊三文魚會好散
但係我見佢碟碟都燒得好平均
只會有幾粒飯被燒焦 因為我見過第一城個度試過有幾大pat飯被燒焦
同埋燒到D魚油出黎 所以食左幾碟都唔覺得悶

元氣卷
不過呢間個元氣卷做得麻麻地
因為每塊卷個三文魚都唔見得蓋哂成舊卷
呢樣野就輸左比第一城個邊啦
同埋平均個size都係細過第一城個間
所以都只係食左一碟元氣卷就無左食啦

炸蝦卷
幾大舊WOR平均呢度
我覺得炸蝦卷就無話邊間整得特別好或者難食
所以呢個點都係值得推介

仲有就係普通三文魚壽司
由此坐正個整壽司嘅位
所以可以睇到邊碟靚
食左兩碟
不過唔知點解有一碟入面 其中一舊三文魚個紋好粗
雖然食落去都幾好味
不過個樣就扣扣左少少分

因為係第二度食過吞拿魚
愛上左吞拿魚 今次就係度叫埋
吞拿魚壽司
不過好多吞拿魚水漬係隻碟度
個味道怪怪地 其實唔多好食呀塊吞拿魚
睇下第一城個間係咪好味D先

最後都有食
浦燒鰻魚壽司
um...無咩深刻印象
應該唔係特別好食啦若果係

因為無order任何野
所以無咩服務態度可言

overall都可以去食

不過真係好多味精><
我唔使一個鐘就已經要飲一罐可樂KO D味精
不過去到6點幾晚餐仍然KO唔到D味精 X_X

所以我覺得大家可以不妨一試
不過我自己短期(即係3個月內) 都未必會再幫襯元氣啦
因為食黎食去D款都係咁 同埋食一次都幾貴呀 ><
再加上勁多味精
所以就暫別一下啦吧! 再會 =)