上openrice見仲有三百蚊既自助餐
有生蠔食仲有優惠，於是就試下

閒日關係，入座應有七八成
地方唔大，變相可放野食既地方唔多
即係唔會太多選擇

奇怪地，好多食唔都無牌係度
所以有啲唔知係乜

生蠔即開，每人限取兩隻
蠔唔大，雖唔腥但亦無乜味

魚生切好一碟碟任攞
但.....放出黎唔怕變味咩

牛肉好似香口膠，咬咗幾分鐘都咬唔爛

飲品咖啡、奶茶、檸水、檸茶均為自助任飲

其餘熟食、沙律、甜品、生果樣樣都有
但唔多

相對咁既價錢黎講，都算不過不失

元朗雞地已變為食街，火鍋亦唔止一間
之前試過雞煲、酒樓果D任食
今次試下新野

可能要上樓同埋成九點o既關係
上到去唔太多人，地方感覺乾企理
待應亦算友善，唔會答得好HEA
又唔會答你一句後滾水淥腳咁走咗去坐低已有生薑皮蛋做前菜於是叫啲基本野如 : 肥牛、雲吞、水餃、炸魚皮、蠔、脆肉鯇、烏冬等等炸魚皮拿出來時仲熱同脆，唔淥即食都覺好食牛亦夠淋夠味

埋單每人三舊幾，相比任食果啲不論環境及食唔都好好多

難得太座生日要搵間有生蠔食
於是擇咗呢間

呢期佢做 「品味鵝肝盛「燕」自助晚餐」
真係好多樣都用燕窩搭夠, 甜品有燕窩班戟, 燕窩啫哩等
當然唔好諗著成碗都係, 但食食埋埋都有半碗仔掛

先講魚生, 種類唔多得三款魚, 係得三文魚叫OK, 其餘無乜味, 試咗下轉之後都淨係食三文
跟住食生蠔, 都算有D夠大隻, 每次兩件係職員比既, 但之後見到有幾位女士可以一次過攞成五隻, 我諗叫佢比五隻都應該得
推介係燒羊扒, 燒得香口完全無騷味, 齋睇都好誘人, 見個師父密密燒, 好快又比人攞哂
燕液水晶雲腿蟹柳幾咸下, 可能有雲腿既關係, 已經成舊食都減唔到個咸味
熱食種類唔多有魚有肉炒雜菜炒飯炒河都有, 不過無乜特別, 最特別咪加釀鵝肝果味
另外仲有燒味, 叉燒, 燻腣, 油鷄
鵝肝漢堡亦非常正, 如淨食鵝肝其實有點 "膩", 夾塊包係底好好多, 後期已經無成塊漢堡, 會切成幾小塊
燉奶夠香滑, 甜品黎講不太甜比較適合我
比較特別係可以自制珍多冰 (不過都係有職員幫你"不" 冰) 整咗杯菠蘿涼粉冰

埋單計八折加一約四舊水度

去到澳門, 買手信前諗著食啲甜品兼坐下, 因為好熱
朋友介紹呢間好食過另一間出哂名服務差既義x牛奶公司

三點零去到, 坐唔滿, 有兩三張枱
坐低即叫雙皮奶同薑汁撞奶

雙皮奶夠滑唔太甜, 奶味適中
薑汁撞奶製作需時, 係比較耐的
不過食落夠哂薑味, 呢點係我最鍾意的

唔知係咪唔多人關係, 啲亞姐態度相當唔錯
相比起另一出哂名唔憂做既義x
黎呢度食唔使受氣

忙咗幾個月, 終於都得閒
撞啱要慶祝大人生日, 一於去食個自助餐

遲咗小小到但都見唔少人入咗場
難得閒日都咁多人
個場都算係大

一入去就見蟹腳剌身, 頓時食指大動, 先掃蟹腳剌身
蟹腳肉多鮮甜, 剪開成條咁食感覺真係好正
剌身就黎黎去去都係吞拿魚同三文魚, 中上水準, 唔多講了

再黎燒大頭蝦同燒羊架
羊架可能要啱大部份人食, 我就覺欠一點羶味
大頭蝦就有的霉的感覺, 口感不大好, 一隻都食唔哂

水蟹粥無蟹味, 似白粥煲滾再加蟹落去咁

仲有個藥膳鷄湯, 夠哂甘, 不過好熱, 要小心飲
另外, 熱食個咖喱羊+白飯啱哂胃口, 咖喱夠香但唔係好辢, 羊亦算 "淋"

服務生有禮貌, 夠週到, 收碟快, 有問必答, 不過多番啲女服務生會比較好~~~

反而個炒雪糕夠 "焯" 頭, 但原來係先攞配料 (朱古力豆, 花生等)
再去比個女師傅將配料 "no" 埋雪糕入面
食落係無乜特別的

最驚喜係雪糕任食
而雪糕係Dreyer’s同Haagen Dazs加雀巢
臨狂掃三杯

難得黎到宜家就梗係去食下瑞典肉丸喇
下午荼時間再叫多兩個甜品同炸芝士條, 薯條同雞翼

肉丸加果jam我就至鍾意, 肉丸依舊味濃好味
兩個甜品分別係朱古力蛋糕同瑞典公主餅
瑞典公主餅綠色怪怪的, 但唔算太甜
炸芝士條同薯條由於一早炸好反而唔係咁好食,
芝士條入面的芝士凍哂變咗一舊係入面
感覺好怪

最後加埋個七蚊任添汽水, 好美味的一餐

同人慶祝生日
佢睇到廣告提議黎呢間試下, 估唔到就中伏
叫得放題, 梗係叫剌身壽司試下
叫左兩次, 吞拿魚同三文魚塊塊都有根, 嚼嚼下好似咬到骨咁
赤貝就比較好的

天婦羅就叫左蕃薯、南瓜同軟殼蟹叫做ok, 炸唔太多, 不過蕃薯就薄咗啲
清酒煮蜆好似無乜味, 非常淡口
肉燥茄子、燒魚、醉雞等都唔算太突出
好處係飲品任叫, 汽水啤酒任飲
同埋第一round落order黎得好快
總括黎講唔算好抵
佢主打 "港台日" 料理, 果然味道都係 "港台日" 咁排法

同埋限時食兩粒鐘食得黎又傾唔到計

叫左個兩個餐
蟹粥+油條 = $3x
雲吞麵+飲品 (唔記得係金桔乜野) = $2x
+$6 有油菜
蟹粥有小小腥, 都有啲蟹肉, 不過食落唔覺, 要睇先知的
油條夠經典, 真係成條都係油, 又硬, 用筷子可以 "拷" 出聲, 咬左一啖再食
雲吞就好啲, 一口雲吞, 蝦算爽口
杯飲品就無乜感覺, 所以唔記得係金桔乜野
坐咗係入面卡位, 雖然唔係成日都見到服務員,
但服務都算唔錯, 唔會唔應人黑面
不過不失

搬咗以黎都未食過
上星期六同事叫咗外賣
即時引起另一同事約今日去食
同事叫咖喱牛柳
我叫咗個咖喱羊+小辣
羊好淋但唔爛, 有羊羶味
咖喱夠香口

咬落去可以成舊骨吐番出黎, 而舊骨係唔會痴肉
飯依舊夠多, o係現時各快餐店都少飯既時候係好夠食的
無飲品四十大元, 加飲品四十七元
但佢啲辣度唔係好穩定的
有時叫小辣會覺得次次唔同辣度的
今次就比佢辣親
無影到我個咖喱羊, 因為食左先記得, 淨係影左個咖喱牛柳

# 小插曲 : 個同事黎到諗著叫薄餅, 個亞姐話無, 點知轉頭有兩個後生女黎叫薄餅, 個亞叔話: "要開爐整, 要好耐架, 妳地要我整比你啦 ! " , 吹脹

睇草蜢演唱會前諗著食餐好既
之前都見過呢個，不過上次無位又唔想等，所以無食
難得今次早咗黎，一問又即有位就即管試下
環境真係唔係幾好架嘞，由於我地得兩個人，要將四人枱分開兩張兩人枱坐
所以同隔離枱好近，真係隔離枱講乜都聽到哂

由於星期頭食左生蠔疴左幾云，變咗今次無點叫生蠔同凍野食
叫左個中蝦沙律~ 蝦爽口, 芒果汁好正, 不過無芒果肉有啲失望
跟住黎個豉椒蒸頭腩 ~ 怕辣就唔好食面頭既辣椒, 因為都有少少辣
再黎係薯蓉焗蠔 ~ 呢個好香蒜蓉味, 最好食呢個, 搞到有的期望佢啲生蠔
下一個係蒜蓉蒸象拔蚌仔 ~ 同冬故亭果的差不多, 粉絲多啲就正
蒸介蘭 ~ 好脆口, 食落真係卜卜聲
最尾係最貴既龍蝦伊麵 ~ 成晚最唔好食呢個, 無乜味, 應該叫龍蝦仔伊麵

不過服務算欣勤又細心
淨係換碟都換左兩三次
無之前食評咁講黑面情況

不過下次應該叫多的人霸佢一個大枱同食蟹